កីឡា

កំពូលកីឡាករបាល់ទះ Leon ជោគជ័យនៅជម្រើសជាតិ២ផ្សេងគ្នា

បានផុស

១ year មុន

នៅ

ថ្ងៃសុក្រ ៩ កុម្ភៈ ២០២៤

ដោយ

Wilfredo Leon ជាកីឡាករបាល់ទះមួយរូប ដែលទទួលបានជោគជ័យខ្លាំងក្នុងក្រុមជម្រើសជាតិ២ផ្សេងគ្នាគឺគុយបា និងប៉ូឡូញ។

Wilfredo Leon កើតនៅថ្ងៃទី៣១ ខែកក្កដា ឆ្នាំ១៩៩៣ នៅទីក្រុង Santiago de Cuba ក្នុងប្រទេសគុយបា មានកម្ពស់២.០២ ម៉ែត្រ ទម្ងន់៩៦គីឡូក្រាម។ រូបគេគឺជាកូនប្រុសរបស់លោក Wilfredo Leon Hechavarría និងអ្នកស្រី Alina Venero Boza ដែលជាអតីតអ្នកលេងបាល់ទះ។ រូបគេចាប់ផ្តើមលេងបាល់ទះដំូបូងនៅអាយុ៧ឆ្នាំជាមួយម្តាយបង្កើតជាគ្រូបង្វឹក។ នៅថ្ងៃទី២៤ ខែឧសភា ឆ្នាំ២០០៨ នៅក្នុងវ័យ១៤ឆ្នាំ កីឡាករ Leon បានចូលរួមក្រុមជម្រើសជាតិគុយបា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Leon បានឈ្នះពានរង្វាន់អ្នកទទួលសេវាល្អបំផុតនៅលីគពិភពលោកឆ្នាំ២០០៩។ នៅថ្ងៃទី៣១ខែកក្កដា ឆ្នាំ២០០៩ រូបគេបានឈ្នះមេដាយប្រាក់ក្នុងការប្រកួតជើងឯកពិភពលោកអាយុក្រោម២១ឆ្នាំ (U21) បន្ទាប់ពីចាញ់ការប្រកួតចុងក្រោយជាមួយប្រេស៊ីល។

ឆ្នាំ២០០៩ Leon បានជួយឲ្យក្រុមជម្រើសជាតិគុយបាបានឈ្នះជើងឯក NORCECA Champion និងឈ្នះពានរង្វាន់ឯកតជន៣ម្នាក់ឯង។ ឆ្នាំ២០១០ គុយបាបានឈ្នះមេដាយប្រាក់ក្នុងការប្រកួតជើងឯកពិភពលោកជាពេលដែល Leon បានធ្វើឲ្យពិភពលោកភ្ញាក់ផ្អើល។ រូបគេជាប្រធានក្រុមក្មេងជាងគេរបស់ក្រុមជម្រើសជាតិមានអាយុត្រឹមតែ១៧ឆ្នាំ។ ក្នុងឆ្នាំ២០១២ រូបគេបានជួយគុយបាឈ្នះមេដាយសំរឹទ្ធលីគបាល់ទះពិភពលោក (World League)។

ឆ្នាំ២០១៣ Leon បានចាកចេញពីប្រទេសគុយបាទៅលេងក្នុងក្លិបក្រៅស្រុក ប៉ុន្តែឱកាសបង្ហាញខ្លួនឲ្យក្រុមជម្រើលជាតិគុយបាកាន់តែតិច។ ពេលនោះ Leon បានចូលរួមជាមួយក្លិបរុស្ស៊ី Zenit Kazan ក្នុងឆ្នាំ២០១៤ ជាកន្លែងដែលបានឈ្នះពានរង្វាន់ CEV Champions League ៤លើក Nation League និង Cup។ រូបគេក៏បានលេងជាកីឡាករក្រៅម៉ោងឲ្យក្លិបកាតារ Al Rayyan ឆ្នាំ២០១៥និង២០១៦។ ឆ្នាំ២០១៨ Leon បានចូលរួមជាមួយក្រុមអុីតាលី SIR Safety Perugia។ នៅថ្ងៃទី១៤ ខែកក្កដា ឆ្នាំ២០១៥ រូបគេទទួលបានសញ្ជាតិប៉ូឡូញ ហើយ៥ឆ្នាំក្រោយមក Leon មានសិទ្ធិពេញលេញក្នុងការលេងឱ្យក្រុមបាល់ទះជម្រើសជាតិប៉ូឡូញ។

សម្រាប់ជម្រើសជាតិប៉ូឡូញ រូបគេបានជួយឲ្យឈ្នះជើងឯកលីគពិភពលោក FIVB Nations League នៅឆ្នាំ២០២៣ និងឈ្នះជើងឯករងនៅឆ្នាំ២០២១។ ប៉ូឡូញបានឈ្នះជើងឯកអឺរ៉ុប CEV European ឆ្នាំ២០២៣ និងលេខ៣ឆ្នាំ២០២១ និង២០១៩។

បើនិយាយពីរង្វាន់បុគ្គល Leon ដែលឈ្នះគិតតាំងពីឆ្នាំ២០០៩ រូបគេឈ្នះពានរង្វាន់សរុបបានចំនួន១៨ ក្នុងព្រឹត្តិការណ៍ធំៗ។ បច្ចុប្បន្ន Wilfredo Leon បានក្លាយជាកីឡាករបាល់ទះដែលរកចំណូលបានច្រើនជាងគេក្នុងលោកដែលមានប្រាក់ចំណូល១,៤លានដុល្លារក្នុងមួយឆ្នាំកាលពីឆ្នាំ២០២២៕