ព័ត៌មានជាតិ

ព្រឹកនេះ ការបោះឆ្នោតជ្រើសតាំងសមាជិកព្រឹទ្ធសភានីតិកាលទី ៥ នៅខេត្តរតនគិរី បានប្រព្រឹត្តទៅដោយរលូន

បានផុស

២ years មុន

នៅ

ថ្ងៃអាទិត្យ ២៥ កុម្ភៈ ២០២៤

ដោយ

នាព្រឹកថ្ងៃទី ២៥ ខែកុម្ភៈ ឆ្នាំ ២០២៤ នេះ ការបោះឆ្នោតជ្រើសតាំងសមាជិកព្រឹទ្ធសភានីតិកាលទី ៥ នៅខេត្តរតនគិរី បានប្រព្រឹត្តទៅដោយរលូន ហើយអ្នកមានសិទ្ធិបោះឆ្នោតបានបង្ហាញវត្តមានគ្រប់ចំនួន នៅការិយាល័យបោះឆ្នោត និងរាប់សន្លឹកឆ្នោត លេខ ៨០០៥ ស្ថិតក្នុងបរិវេណវិទ្យាល័យសម្ដេចឪ សម្ដេចម៉ែ ក្រុងបានលុង ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ែន ឈុនឌី ប្រធានគណៈកម្មាធិការរៀបចំការបោះឆ្នោតខេត្តរតនគិរី បានឲ្យដឹងថា ខេត្តរតនគិរី ស្ថិតនៅមណ្ឌលបោះឆ្នោតភូមិភាគទី ៨ មានអង្គបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ ឆ្នាំ ២០២៤ នេះ មានចំនួនសរុប ២៦១ នាក់ ស្រី ៦០ នាក់ ជាសមាជិកក្រុមប្រឹក្សាឃុំ-សង្កាត់ ក្នុងតំណែងទាំង ៥០ ឃុំ-សង្កាត់ ក្នុងខេត្ត និង អ្នកតំណាងរាស្ត្រក្នុងតំណែង ១ រូប ផងដែរ។

លោកបន្តថា ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី ៥ ឆ្នាំ ២០២៤ នៅខេត្តរតនគិរី បានប្រព្រឹត្តទៅដោយរលូន ចាប់ពីម៉ោង ៧:០០ នាទីព្រឹក នឹងត្រូវបញ្ចប់នៅម៉ោង ៣:០០ នាទីរសៀល។ ចំណែកគណបក្សនយោបាយដែលបានឈរឈ្មោះបោះឆ្នោតជ្រើសតាំងសមាជិកព្រឹទ្ធសភានីតិកាលទី ៥ ឆ្នាំ ២០២៤ នេះ មានចំនួន ៤ គណបក្ស គឺ ៖ ១.គណបក្សប្រជាជនកម្ពុជា លេខរៀងទី ១។ ២.គណបក្ស ឆន្ទៈខ្មែរ លេខរៀងទី ២។ ៣.គណបក្សហ្វ៊ុនស៊ិនប៉ិច លេខរៀងទី ៣។ ៤.គណបក្ស កម្លាំងជាតិ លេខរៀងទី ៤៕

អត្ថបទ ៖ វុទ្ធឦសាន

Related Topics:ខេត្តរតនគិរី បោះឆ្នោតព្រឹទ្ធសភា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា