ព័ត៌មានជាតិ
ខែកុម្ភៈទេសចរកូរ៉េឈរលំដាប់ទី ១ ទិញប័ណ្ណចូលទស្សនាអង្គរច្រើនជាងគេ
គ្រឹះស្ថានអង្គរបានចេញរបាយការណ៍អំពីតួលេខភ្ញៀវទេសចរបរទេស ដែលបានទិញប័ណ្ណចូលទស្សនារមណីយដ្ឋានអង្គរក្នុងខែកុម្ភៈ ឆ្នាំ ២០២៤។
ក្នុងរបាយការណ៍បានបង្ហាញថា ភ្ញៀវទេសចរកូរ៉េបាននាំមុខគេក្នុងខែកុម្ភៈមានចំនួន ១៣ ៣៦១ នាក់។ ទីពីរគឺអាមេរិកមានចំនួន ១១ ៧៧៨ នាក់ លំដាប់ទី ៣ គឺបារាំងចំនួន ១១ ៦៣៨ នាក់ លំដាប់ទី ៤ គឺចក្រភពអង់គ្លេសចំនួន ១០ ៧៨២ នាក់ និងលំដាប់ទី ៥ គឺចិនដែលមានចំនួន ១០ ០៥៨ នាក់។
នៅក្នុងតំបន់អាស៊ានដែលមាន ១០ ប្រទេស វៀតណាមឈរលើគេជាមួយចំនួន ៣ ៥៣១ នាក់ (បើគិតជារួមទេសចរវៀតណាមឈរលំដាប់លេខរៀងទី ១០ ដែលទិញប័ណ្ណចូលទស្សនារមណីយដ្ឋានអង្គរច្រើនជាងគេក្នុងខែកុម្ភៈ ឆ្នាំ ២០២៤)។
ទាក់ទងចំណូលពីការលក់ប័ណ្ណចូលទស្សនាអង្គរដល់ភ្ញៀវទេសចរបរទេស នៅក្នុងខែកុម្ភៈ ឆ្នាំ២០២៤ ទទួលបានចំណូលសរុបជាង ៥ លានដុល្លារអាមេរិក កើនឡើង ៥៣.២៥% បើធៀបទៅនឹងរយៈពេលដូចគ្នាក្នុងខែកុម្ភៈ ឆ្នាំ២០២៣។
តាមរបាយការណ៍ពីគ្រឹះស្ថានអង្គរ នៅដើមឆ្នាំ ២០២៤ កំណើនភ្ញៀវទេសចរបរទេសចូលមកទស្សនាក្នុងរមណីយដ្ឋានអង្គរចាប់ផ្តើមងើបឡើងវិញជាងឆ្នាំ២០២៣។
រយៈពេលពីរខែពីខែមករា ដល់ខែកុម្ភៈ ឆ្នាំ២០២៤ ភ្ញៀវទេសចរបរទេសជាង ២៣ ម៉ឺននាក់ (២៣៥ ៨៥០នាក់) ដែលបានទិញប័ណ្ណចូលទស្សនារមណីយដ្ឋានអង្គរ កើនឡើង ៥០.២៧% បើធៀបទៅនឹងរយៈពេល ២ ខែ ដូចគ្នាកាលពីឆ្នាំ២០២៣ ដោយទទួលបានចំណូលជាង ១១ លានដុល្លារអាមេរិក ( ១១ ២៣៤ ៦៧៥ ដុល្លារ) បើធៀបរយៈពេលដូចគ្នាកាលពីឆ្នាំ២០២៣ កើនឡើង ៥២,០៩%៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ