ជីវិតកម្សាន្ដ

ទើបអាយុ ១២ឆ្នាំ កូនប្រុសពិធីករ សុខ រ៉ាស៊ី សង្ហាមិនចាញ់ឪពុក

បានផុស

២ years មុន

នៅ

ថ្ងៃព្រហស្បតិ៍ ២៥ មេសា ២០២៤

ដោយ

កាលពីថ្មីៗនេះពិធីករពោរពេញដោយវោហារស័ព្ទចូលចិត្តនិយាយកំប្លុកកំប្លែងលោក សុខ រ៉ាស៊ី បានបញ្ចេញរូបថត ១សន្លឹករវាងលោក និងកូនប្រុសជាទីរបស់ខ្លួននៅលើបណ្តាញសង្គមហ្វេសប៊ុកបង្កការចាប់អារម្មណ៍ និងភ្ញាក់ផ្អើលដោយហេតុថាគេមិននឹកស្មានថា លោកមានកូនធំពេញរូបពេញរាងសង្ហាដូចនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមកពិធីករល្បីឈ្មោះរូបនេះកម្របង្ហាញឲ្យដឹងថាលោកមានកូនប្រុសធំយ៉ាងសង្ហាបែបនេះឡើយ ទើបតែមុននេះ រ៉ាស៊ី បានបង្ហោះជាសាធារណៈនៅលើបណ្តាញសង្គមខណៈមានមតិជាច្រើនបានលាន់មាត់សរសើរគ្រប់គ្នាថាសង្ហាមិនចាញ់ឪពុកទេ។ ម្យ៉ាងទៀតក៏មានអ្នកគាំទ្រមួយចំនួនបាននិយាយបែបចំអន់លេងសើចដោយហៅលោក សុខ រ៉ាស៊ី ថាប៉ាក្មេកទៀតផង។

ដូចគ្នាទៅនឹងអ្នកគាំទ្រដែរ តារាសម្តែង-កំប្លែងភេទទី៣ លោក ម៉ា ដូណា ដែលជាមិត្តភក្តិរង្វង់សិល្ប:ជាមួយលោក សុខ រ៉ាស៊ី ក៏បានបញ្ចេញមតិបែបលេងសើចថា «កូនសុំគោរពលោកពុកក្មេក Mc Rasy Sok ពីចម្ងាយកូនស្រីម្នាក់នេះខុសឆ្គងពីមុនដែលនិយាយជ្រុលជ្រួសសូមលោកពុកកុំប្រកាន់ កូននឹងកែតម្រូវរាល់កំហុសឆ្គងតាមអ្វីដែលលោកពុកចង់បានដោយក្តីគោរពពីកូនប្រសារគួរឲ្យស្រលាញ់»។

បើតាមការឲ្យដឹងពីពិធីករលោក សុខ រ៉ាស៊ី បានប្រាប់ «កម្ពុជាថ្មី» ថា កូនប្រុសជាទីស្រលាញ់របស់លោក គឺទើប តែមានអាយុ ១២ឆ្នាំប៉ុណ្ណោះ ហើយបច្ចុប្បន្នកំពុងរៀនថ្នាក់ទី៦។ ដោយឡែកនៅពេលសួរថា តើធំទៅមានបំណងបណ្តុះគាត់ឲ្យចូលសិល្បៈដូច រ៉ាស៊ី ទេ ? ត្រង់ចំណុចនេះលោក សុខ រ៉ាស៊ី បានបញ្ជាក់ខ្លីថា “តាមនិស្ស័យរបស់គាត់”៕

អត្ថបទ៖ចាន់រ៉ា