ជីវិតកម្សាន្ដ

អ៊ីណូ ខកចិត្តខ្លាំង ខណៈធ្លាក់ខ្លួនអស់ទ្រព្យ មានគេបរិហាកិត្តិយស

បានផុស

១ year មុន

នៅ

ថ្ងៃព្រហស្បតិ៍ ១៦ ឧសភា ២០២៤

ដោយ

ម្ចាស់បទ “អូនកុំយំ កុំយំ ” លោក សាន ពេជ្រសុភារិទ្ធ ហៅ អ៊ីណូ បានបង្ហាញអារម្មណ៍ហួសចិត្តខ្លាំងបន្ទាប់ពីធ្លាក់ខ្លួនក្នុងបំណុលក៏ស្រាប់តែមានបុគ្គលមួយចំនួនបាននិយាយបរិហារកិត្តិយស និងរងនូវពាក្យគេនិយាយមើលងាយដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់កាលពីថ្មីៗកន្លងទៅនេះដូចមហាជនអ្នកគាំទ្របានដឹងហើយជុំវិញដំណឹងដ៏ភ្ញាក់ផ្អើលក្រោយតារាចម្រៀងមាឌធំ ថ្គាមខ្លាលោក អ៊ីណូ បានប្រកាសរឿងជំពាក់បំណុលជាង ១០ម៉ឺនដុល្លារពីកម្ចីOnlin eចិន, ធនាគារ និងឯកជនជាដើម។

លោក អ៊ីណូ បានរៀបរាប់ខ្លឹមសារថា «វាសាហាវធ្លាប់តែឭគេសាហាវនេសាទក្រពើតែអ្នកឯងរកស៊ីនេសាទមាត់ ដាក់គូថនិយាយ ដើរនិយាយ ជួបនិយាយចាក់រុក ឆ្កឹះឆ្កៀលសាហាវធ្វើឲ្យគេគ្រប់គ្នាខ្លាចរអាចង់បានតួឯកមែនយកចុះ អ្នកអើយគេគ្រប់គ្នាគេដឹងអស់ហើយ តែគេមិននិយាយប្រយ័ត្នអស់ញាតិ ហើយមិនបាច់ខំនិយាយចាក់រុកបង ដៀលបងពីក្រោយទេ បងរាល់ថ្ងៃខំប្រឹងតែរកលុយសងគេទេណាសុំទោសជំងឺតួឯកមែនប្រយ័ត្នណា»។

ទោះបីជាយ៉ាងណា តារាចម្រៀងសម្លេងធំលោក អ៊ីណូ មិនបានបញ្ចេញឈ្មោះថា បុគ្គលរូបនោះជាអ្នកគេឡើយ ខណៈអ្នកគាំទ្រលោកមួយចំនួនបានបញ្ចេញមតិលើកទឹកចិត្តផងដែរ។ បើគិតមកទល់ពេលនេះលោក អ៊ីណូ បានចាប់អាជីពសិល្បៈសាងភាពល្បីល្បាញមានរយៈពេលប្រមាណ ២០ឆ្នាំមកហើយតែអ្វីដែល គេកត់សម្គាល់ឃើញពេលនេះ គឺលោកត្រូវផុងខ្លួនក្នុងបំណុងអស់ទ្រព្យពីខ្លួន និងថែមទាំងនៅជំពាក់គេជាង ១០ម៉ឺនដុល្លារថែមទៀត។

ជាការពិតណាស់ ដំណឹងនៃការផុងខ្លួនក្នុងបំណុងជាង ១០ដុល្លាពីសំណាក់តារាចម្រៀងសាន់ដេ លោក អ៊ីណូ កន្លងមកបានធ្វើឲ្យមហាជន និងមិត្តភក្តិចង្កោមអ្នកសិល្បៈដូចគ្នាមានការភ្ញាក់ផ្អើល និងចាប់អារម្មណ៍ខ្លាំងរហូតមានខ្លះក៏បានជួយជាថវិការ និងខ្លះទៀតបង្ហាញការលើកទឹកចិត្តផងដែរ៕

អត្ថបទ៖ ចាន់រ៉ា