ជីវិតកម្សាន្ដ

សុគា គឹមលាង ថា ឈ្មោះជានាដការីរបាំមិនមែនចេះតែរាំរបាំទេ ត្រូវមានការអប់រំវិន័យ-សីលធម៌

បានផុស

២ years មុន

នៅ

ថ្ងៃព្រហស្បតិ៍ ២៣ ឧសភា ២០២៤

ដោយ

សិល្បការិនីដ៏ឆ្នើម(នាដការី)កញ្ញា សុគា គឹមលាង ហៅ កូនអាន់ បានបញ្ជាក់ថា សម្រាប់ពាក្យថា«នាដការីរបាំ» គឺពុំមែនចេះតែរាំរបាំទេ ដោយក្នុងនោះក៏មានការអប់រំវិន័យ សីលធម៌ ភាពទន់ភ្លន់ និងការអត់ធ្មត់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់គេមើលឃើញថា សិល្បការិនីដ៏ឆ្នើម ឬ នាដការី កញ្ញា សុគា គឹមលាង កន្លងមក ត្រូវបានទស្សនិកជនដឹងគ្រប់គ្នាថា នាងតែងមានភាពលេចធ្លោលើសកម្មភាពផ្សព្វផ្សាយវប្បធម៌សិល្បៈខ្មែរ។ តួយ៉ាងថ្មីៗ នេះ សុគា គឹមលាង ក៏បានចេញមុខប្ដេជ្ញាចូលរួមផ្សព្វផ្សាយវប្បធម៌អរិយធម៌កេរ្តិ៍មរតកដូនតាខ្មែរមិនអាចឲ្យស្លាប់ទេ។

ចំពោះរឿងដែលទស្សនិកជនចាប់អារម្មណ៍ថែមទៀត សុគា គឹមលាង មុននេះ បានបង្ហោះវីដេអូចែករំលែកបទពិសោធក្នុងនាមជា«នាដការីរបាំ» និងរម្លឹកដឹងគុណចំពោះលោកគ្រូ អ្នកគ្រូ ជាមួយការបង្ហាត់បង្រៀនសិស្ស។ នាងលើកឡើងថា ”«នាដការីរបាំ» ឈ្មោះជានាដការីរបាំ មិនមែនចេះតែរាំរបាំទេ ក្នុងនោះក៏មានការអប់រំវិន័យ សីលធម៌ ភាពទន់ភ្លន់ និងការអត់ធ្មត់ ទាំងអស់នេះ គឺជាចំណេះវិជ្ជាដែលអ្នកគ្រូលោកគ្រូទាំងអស់ បានបង្ហាត់បង្រៀនផ្តល់ឲ្យកូនៗ ទាំងអស់គ្នា ជាទំពាំងស្នងឫស្សី ដើម្បីប្រទេសជាតិមួយនេះ”។

កញ្ញា សុគា គឹមលាង បាននិយាយបន្តថា ”នេះជាចម្រៀងដែលផុសចេញពីទឹកចិត្តសិស្សទាំងអស់ នៃសិល្បៈវប្បធម៌ជាតិ គោរពជូន អ្នកគ្រូ លោកគ្រូ ជាពិសេសពោរពេញដោយសេចក្ដីស្រលាញ់ និង ទឹកចិត្តដឹងគុណយ៉ាងជ្រាលជ្រៅបំផុតចំពោះការលះបង់កម្លាំងកាយចិត្តបង្ហាត់បង្រៀនដល់យើងខ្ញុំដោយការយកចិត្តទុកដាក់បំផុត”។

កញ្ញា សុគា គឹមលាង ហៅ កូនអាន់ កាលពីកន្លងទៅ នាងក៏ធ្លាប់ត្រូវបានទស្សនិកជនដឹងថា នាងបានតំណែងជាកញ្ញាឯកសង្ក្រាន្តដ៏ស្រស់ស្អាតនាអំឡុងឆ្នាំ ២០១៨៕

អត្ថបទ ៖ ចាន់រ៉ា