សេដ្ឋកិច្ច

អាមេរិកជំរុញឱ្យហូឡង់ និងជប៉ុន បង្កើនការ រឹតត្បឹតឧបករណ៍ផលិតបន្ទះឈីបទៅចិន

បានផុស

២ years មុន

នៅ

ថ្ងៃពុធ ១៩ មិថុនា ២០២៤

ដោយ

ប្រភពដឹងច្បាស់ពីបញ្ហាមួយរូប បានប្រាប់ទីភ្នាក់ងារសារព័ត៌មានរ៉យទ័រដោយសុំមិនបញ្ចេញឈ្មោះថា មន្រ្តីផ្នែកនាំចេញរបស់សហរដ្ឋអាមេរិកបានធ្វើដំណើរទៅប្រទេសជប៉ុន ក្រោយជំនួបជាមួយរដ្ឋាភិបាលហូឡង់ ក្នុងកិច្ចប្រឹងប្រែងមួយដើម្បីជំរុញសម្ព័ន្ធមិត្ត ឱ្យបង្កើនការរឹតត្បឹតការនាំចេញឧបករណ៍ផលិតបន្ទះឈីបទំនើបទៅចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពអះអាងថា ប្រធានគោលនយោបាយនាំចេញរបស់សហរដ្ឋអាមេរិក លោក Alan Estevez បានព្យាយាមម្តងទៀតជាថ្មីម្ដងទៀត ដើម្បីពង្រឹងកិច្ចព្រមព្រៀងឆ្នាំ ២០២៣ រវាងប្រទេសទាំង៣ ធ្វើយ៉ាងណាកុំឱ្យចិន អាចប្រើឧបករណ៍ផលិតបន្ទះឈីបពីក្រុមប្រទេសរបស់ខ្លួន ដើម្បីផលិតបន្ទះឈីបក្នុងគោលបំណងធ្វើទំនើបកម្មយោធា។

គួររំឭកថា សហរដ្ឋអាមេរិកបានដាក់ការរឹតត្បឹតជាលើកដំបូងក្នុងឆ្នាំ ២០២២ លើការនាំចេញទៅចិន នូវបន្ទះឈីប និងឧបករណ៍ផលិតបន្ទះឈីបទំនើបៗរបស់ក្រុមហ៊ុនក្នុងស្រុកផ្សេងៗ រួមទាំងក្រុមហ៊ុន Nvidia និងក្រុមហ៊ុន Lam Research។

កាលពីខែកក្កដា ឆ្នាំមុន ដោយអនុលោមតាមគោលនយោបាយរបស់សហរដ្ឋអាមេរិក ប្រទេសជប៉ុន ក៏បានទប់ស្កាត់ការនាំចេញឧបករណ៍ផលិតបន្ទះឈីបចំនួន ២៣ ប្រភេទ ខណៈប្រទេសនេះមានក្រុមហ៊ុនពាក់ព័ន្ធនឹងផលិតកម្មបន្ទះឈីបធំៗដូចជា Nikon, Tokyo Electron, Screen Holdings និង Advantest ជាដើម។ ក្រោយមកទៀត រដ្ឋាភិបាលហូឡង់ ក៏បានចាប់ផ្ដើមរឹតបណ្ដឹងលើការនាំចេញឧបករណ៍បន្ទះឈីប DUV ទៅកាន់ប្រទេសចិន របស់ក្រុមហ៊ុន ASML ដែលជាក្រុមហ៊ុនផលិតឧបករណ៍ផលិតបន្ទះឈីបដ៏ធំបំផុតរបស់ពិភពលោក។

បើតាមសម្ដីប្រភពដដែល សហរដ្ឋអាមេរិកកំពុងចរចាជាមួយសម្ព័ន្ធមិត្ត អំពីការបន្ថែមរោងចក្រផលិតបន្ទះឈីបរបស់ចិនចំនួន ១១ ទៅក្នុងបញ្ជីជាប់ការរឹតត្បឹត។ បុគ្គលនោះ បាននិយាយថា បច្ចុប្បន្នមានរោងចក្រចំនួន៥នៅក្នុងបញ្ជីនោះ រួមទាំង SMIC ដែលជាក្រុមហ៊ុនផលិតបន្ទះឈីបដ៏ធំបំផុតរបស់ប្រទេសចិន។

ប្រភពបន្តអះអាងទៀតថា សហរដ្ឋអាមេរិកក៏ចង់រឹតត្បឹតលើការនាំចេញឧបករណ៍ផលិតបន្ទះឈីបបន្ថែមទៀតផងដែរ៕

Related Topics: