ជីវិតកម្សាន្ដ

តារាសម្តែង ប្រុស ខួច ស្នើយុវជនខ្មែរ គួរពិចារណា និងឲ្យតម្លៃភាពយន្តជាតិ

បានផុស

២ years មុន

នៅ

ថ្ងៃពុធ ២៦ មិថុនា ២០២៤

ដោយ

កាលពីថ្មីៗ នេះ បានផ្ទុះការវែកញែក ក្រោយឃើញយុវជនខ្មែរបាននាំគ្នាទៅគាំទ្រយ៉ាងភ្លូកទឹកភ្លូកដីនូវភាពយន្តប្រទេសជិតខាង ខណៈក៏មានទស្សនៈមួយចំនួនយល់ថា អ្នកគាំទ្រ ឬយុវជនខ្មែរ គួរផុសផុលនាំគ្នាគាំទ្រភាពយន្តជាតិជារឿងដ៏ល្អបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ទស្សនិកជនអ្នកគាំទ្រ និងអ្នកនិយម តាមដានវិស័យភាពយន្តបាននាំគ្នាផ្ទុះការវែកញែកក្រោយរឿងថៃ “ចៅយាយ” ដែលចាក់បញ្ចាំងនៅរោងកុនកំពុងទទួលបានការគាំទ្រខ្លាំងពីសំណាក់មហាជនខ្មែរ។ មិនតែប៉ុណ្ណោះរឿងនេះក៏បានអន្ទងចិត្តយុវវ័យខ្មែរទៅទស្សនាយ៉ាងផុលផុសទៀតផង។

បន្ទាប់ពីឃើញមានការវែកញែកពាក់ព័ន្ធរឿងរ៉ាវនេះ តារាសម្តែងវ័យក្មេងរូបសង្ហាប្រុស ខួច បានចេញមកដោយស្នើឲ្យយុវជនខ្មែរគួរគិតពីបញ្ហានេះឡើងវិញ។ ប្រុស ខួច បានលើកឡើងភ្ជាប់ខ្លីមសារខ្លីថា «បើគេមិនពេញចិត្តយើង ទោះបីយើងខំដល់ងាប់ទៀតក៏គេមិនឃើញតម្លៃយើងដែរសូមគិតតាមកាគួរ»។

តាមរយៈការលើកឡើងរបស់តារាសម្តែង ប្រុស ខួច នេះធ្វើឡើងភ្ជាប់ និងខ្លឹមសារដែរបានបង្ហោះនៅលើទំព័រហ្វេសប៊ុកក្នុងន័យដូច្នេះថា «រឿងខ្មែរទោះជាល្អកម្រិតណាក៏អ្នកជិតខាងម្នាក់នោះមិនឲ្យតម្លៃដែរ ដូចនេះសូមផ្តាំទៅយុវជនខ្មែរយើង ជៀសបានជៀសទៅរឿងគាំទ្រអ្នកជិតខាងនោះដូចថ្ងៃមុនអ៊ីចឹងគាំទ្ររឿងគេហើយ គេដៀលខ្មែរមួយប្រទេស»។

ដោយឡែកងាកទៅចាប់អារម្មណ៍លោក លៀក លីដា ផលិតករភាពយន្តខ្មែរក៏ធ្លាប់បានលើកឡើងជាចម្ងល់ថា «លោកធ្វើកុនខ្មែរជាង ១០ឆ្នាំហើយមិនដែលបាន show time ថ្ងៃទីមួយ 19showដូចរឿងថៃសោះទោះ រឿង LD ល្បីប៉ុណ្ណាក៏ដោយមិនដឹងគេយកមូលដ្ឋានអីមកគិតមិនច្រណែនតែឆ្ងល់»។