ព័ត៌មានជាតិ
ក្រុមហ៊ុន Amru Rice (Cambodia) ចាប់ផ្តើមធ្វើការផ្គត់ផ្គង់ទៅក្រុមហ៊ុនយក្សរបស់អូស្ត្រាលី SunRice Group ឡើងវិញ
បន្ទាប់ពីអាក់ខានដោយសារការរីករាលដាលនៃជំងឺកូវីដ១៩ប៉ុន្មានឆ្នាំកន្លងមកនេះ ក្រុមហ៊ុន Amru Rice (Cambodia) ដែលជាក្រុមហ៊ុននាំចេញ និងរោងម៉ាស៊ីនកិនស្រូវឈានមុខគេមួយរបស់កម្ពុជាបានចាប់ផ្តើមធ្វើការបន្តផ្គត់ផ្គង់ទៅក្រុមហ៊ុន SunRiceរបស់អូស្រ្តាលី។
លោក សុង សារ៉ន ប្រធានអគ្គនាយកក្រុមហ៊ុន Amru Rice (Cambodia) បានថ្លែងប្រាប់កម្ពុជាថ្មីនៅថ្ងៃនេះថា ក្រុមហ៊ុនលោកបានចាប់ផ្តើមផ្គត់ផ្គង់ SunRice របស់ប្រទេសអូស្រ្តាលីឡើងវិញ បន្ទាប់ពីខកខានចាប់តាំងពីការផ្ទុះការរីករាលដាលនៃជំងឺកូវីដ១៩ដែលប៉ះពាល់ដល់ការដឹកជញ្ជូន។
លោកបានលើកឡើងថា៖«មិនមែនជាលើកទី១របស់យើងនៃការផ្គត់ផ្គង់ទៅក្រុមហ៊ុននេះទេ ដោយសារយើងធ្លាប់ផ្គត់ផ្គង់តាំងពីមុនការផ្ទុះការរីករាលដាលនៃជំងឺកូវីដ១៩។ លុះបន្ទាប់ពីយើងបានជួបគាត់នៅប្រទេសអូស្រ្តាលីកាលពីខែមិនាកន្លងមកនេះ យើងក៏ចាប់ផ្តើមធ្វើការនាំចេញឡើងវិញនាពេលនេះ»។
លោកថា៖«យើងបាននាំចេញទៅផ្គត់ផ្គង់ក្រុមហ៊ុនេះចំនួន១០០០តោនសិនដែលដាក់ភ្ជាប់នូវយីហោ SunRice តែម្តង។ ហើយយើងនឹងរង់ចាំងដល់រដូវប្រមូលផលថ្មីនៅខែកញ្ញាឬខែតុលាក្នុងការបង្កើនការនាំចេញ។ សម្រាប់ការនាំចេញរបស់យើងនាពេលនេះគឺប្រភេទអង្ករម្លិះសែនក្រអូបដើម្បីមប្រើដល់តម្រូវការរបស់អ្នកទិញនៅអូស្ត្រាលី»។
កាលពីថ្ងៃទី៤ ខែមីនា ឆ្នាំ២០២៤កន្លងមកនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យលោក Paul Serra នាយកប្រតិបត្តិក្រុមហ៊ុន SunRice Group ជួបសម្តែងការគួរសម និងពិភាក្សាការងារក្នុងដំណើរទស្សនកិច្ចរបស់លោកទៅកាន់ប្រទេសអូស្ត្រាលី។
ជាមួយគ្នានោះដែរនៅថ្ងៃទី៥ខែមិនាដែលលោក សុង សារ៉ន ដែលបានអមដំណើរសម្តេចធិបតី លោកក៏បានជួបប្រជុំដោយផ្ទាល់ជាមួយអគ្គនាយកក្រុមហ៊ុន SunRice Group លោក Paul Serra ពិភាក្សាលើការនាំចេញ។បើតាមលោក សារ៉នធ្លាប់បានឱ្យដឹងថា ក្រុមហ៊ុន SunRice ចាប់អារម្មណ៍ធ្វើការនាំចេញនូវប្រភេទអង្ករក្រអូបនិងអង្ករសរីរាង្គពីប្រទេសកម្ពុជា ដោយគាត់មានផែនការថានឹងនាំចេញជាមួយក្រុមហ៊ុនលោកប្រមាណ ២០០ តោនសាកល្បងសិន បន្ទាប់មកក្រុមហ៊ុននឹងធ្វើការពង្រីកការនាំចូលបន្ថែមទៀត។
សូមបញ្ជាក់ថា ក្រុមហ៊ុន SunRice Group ជាក្រុមហ៊ុនឈានមុខក្នុងការនាំចេញអាហាររបស់ប្រទេសអូស្ត្រាលី ដែលមានទីផ្សារសំខាន់ៗនៅសហរដ្ឋអាមេរិក ប៉ាស៊ីហ្វិក និងមជ្ឈិមបូព៌ា ក៏ដូចជាការពង្រីកទីផ្សារនៅទូទាំងអឺរ៉ុប និងអាស៊ី។
ក្រុមហ៊ុន ក៏មានប្រតិបត្តិការ និងទីផ្សារជុំវិញពិភពលោក ពិសេសលើការផ្គត់ផ្គង់ផលិតផលអាហារូបត្ថម្ភ ជិត ៥០ប្រទេសផងដែរ ។ SunRice Group មានចំណាប់អារម្មណ៍លើផលិតផលអង្ករផ្កាម្លិះកម្ពុជា ដែលកំពុងមានឈ្មោះបោះសំឡេងស្រាប់នៅលើទីផ្សារអន្តរជាតិ៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១២ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ