ព័ត៌មានអន្ដរជាតិ
ជប៉ុន ខ្លាចបើចិនវាយតៃវ៉ាន់ នោះវានឹងអាចរាលដាលដល់ទឹកដីរបស់ខ្លួន
ប្រទេសជប៉ុន បានព្រមាននៅថ្ងៃសុក្រទី១២ ខែកក្កដា នេះថា រដ្ឋាភិបាលក្រុងប៉េកាំង អាចនឹងធ្វើឲ្យមានការកើនឡើងនៃភាពតានតឹងជាមួយតៃវ៉ាន់ ជុំវិញរឿងធ្វើសមយុទ្ធយោធា ដែលបង្ហាញពីគោលបំណងថា ខ្លួនបានត្រៀមកម្លាំងរួចរាល់ហើយ សម្រាប់ការឈ្លានពានក្រុងតៃប៉ិ។
ជប៉ុន បាននិយាយថា “ដោយសារតែការកើនឡើងនៃសកម្មភាពយោធា យើងមិនអាចកាត់បន្ថយលទ្ធភាពនៃភាពតានតឹងដែលបានកើតឡើងនោះទេ”។ ជប៉ុនបានបង្ហាញក្ដីបារម្ភថា បើជម្លោះណាមួយនៅតៃវ៉ាន់កើតឡើងមែន នោះវានឹងអាចរាលដាលដល់ដែនអធិបតេយ្យភាពរបស់ខ្លួនមិនខាន ដោយហេតុថា កោះភាគខាងលិចរបស់ជប៉ុន មានចម្ងាយត្រឹមតែ ១១០គីឡូម៉ែត្រប៉ុណ្ណោះពីកោះតៃវ៉ាន់ ហើយនៅទីនោះមានការឈរជើងរបស់កងទ័ពអាមេរិកជាង ៥ម៉ឺននាក់, យន្តហោះយោធាអាមេរិករាប់រយគ្រឿង ព្រមទាំងក្រុមវាយប្រហារនាវាផ្ទុកយន្តហោះចម្បាំងផងដែរ។ បើផ្ទុះសង្គ្រាម អាមេរិកអាចបញ្ជាទ័ពចេញពីដែនកោះរបស់ជប៉ុនមួយនេះ ដើម្បីការពារតៃវ៉ាន់។
ជប៉ុន ក៏បានគូសបញ្ជាក់ពីផែនការរបស់ប្រទេសចិនផងដែរ ក្នុងការបង្កើនក្បាលគ្រាប់អាវុធនុយក្លេអ៊ែររបស់ខ្លួនឲ្យបានទ្វេដងដល់ចំនួនច្រើនជាង ១០០០គ្រាប់ នៅឆ្នាំ២០៣០ខាងមុខ។
សមយុទ្ធរបស់ចិនលើកនេះ គឺជាសមយយុទ្ធថ្មីចុងក្រោយបង្អស់នៅជុំវិញកោះតៃវ៉ាន់។ សមយុទ្ធនៅច្រកសមុទ្រតៃវ៉ាន់កាលពីឆ្នាំមុន ត្រូវបានឧត្តមសេនីយជាន់ខ្ពស់អាមេរិកម្នាក់និយាយថា វានឹងក្លាយជាគន្លឹះក្នុងការឈ្លានពានណាមួយ។
សូមបញ្ជាក់ថា ការព្រមានរបស់ទីក្រុងតូក្យូ ធ្វើឡើងបន្ទាប់ពីសមាជិកណាតូបានជួបប្រជុំនៅរដ្ឋធានីវ៉ាស៊ីនតោនក្នុងសប្តាហ៍នេះ ហើយបានពណ៌នាប្រទេសចិនថាជា អ្នកចាក់ឲ្យមានសង្គ្រាមឈ្លានពានរបស់រុស្ស៊ីទៅលើអ៊ុយក្រែន ហើយទីក្រុងប៉េកាំងនៅតែបន្តបង្កបញ្ហាជាប្រព័ន្ធ និងបញ្ហាសន្តិសុខចំពោះអឺរ៉ុប។ យ៉ាងណាមិញ ការលើកឡើងនេះ ត្រូវបានភាគីចិនបដិសេធមិនទទួលយកនោះឡើយ ហើយប្រកាសថា វាគឺជា “ការចោទប្រកាន់ដែលគ្មានមូលដ្ឋាន”៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ