ព័ត៌មានអន្ដរជាតិ
រលកកម្តៅ សម្លាប់មនុស្សជាង៤៧ ០០០នាក់នៅអឺរ៉ុបកាលពីឆ្នាំ២០២៣
មនុស្សជាង ៤៧ ០០០នាក់បានស្លាប់នៅក្នុងទ្វីបអឺរ៉ុប ដោយសារតែរលកកម្ដៅខ្លាំងក្នុងឆ្នាំ២០២៣ ហើយក្នុងនោះប្រទេសនៅភាគខាងត្បូងនៃតំបន់អឺរ៉ុបរងគ្រោះខ្លាំងជាងគេ។ នេះបើយោងតាមរបាយការណ៍របស់វិទ្យាស្ថាន Barcelona សម្រាប់សុខភាពសកល (ISGlobal) ដែលបានចេញផ្សាយកាលពីថ្ងៃទី១២ខែសីហា។
កាលពីឆ្នាំមុនគឺជាឆ្នាំដែលក្តៅបំផុតក្នុងពិភពលោកមិនធ្លាប់មាននាពេលកន្លងមក។ ដោយសារបម្រែបម្រួលអាកាសធាតុ ចេះតែបន្តកើនឡើង ប្រជាជនរស់នៅអឺរ៉ុបដែលជាទ្វីបមានកម្ដៅកើនលឿនជាងគេ បានប្រឈមមុខនឹងហានិភ័យសុខភាពជាច្រើន។
តួលេខអ្នកស្លាប់ឆ្នាំ២០២៣ មានចំនួនតិចជាងអ្វីដែលគេធ្លាប់ប៉ាន់ស្មានកាលពីឆ្នាំ២០២២ ដែលថាអ្នកស្លាប់អាចមានដល់៦ម៉ឺននាក់ឯណោះ។ របាយការណ៍របស់ ISGlobal បានបញ្ជាក់ថា បើក្នុងរយៈពេល២០ឆ្នាំមកនេះពុំមានវិធានការណែនាំត្រឹមត្រូវទេ នោះតួលេខអ្នកស្លាប់មិនអាចមានត្រឹមប៉ុណ្ណឹងនោះឡើយ ពោលគឺអាចលើសនេះដល់ទៅជាង ៨០%។ វិធានការជួយមនុស្សសម្របខ្លួននឹងរលកកម្ដៅនាពេលកន្លង មានដូចជា ការចុះផ្សាយអំពីការព្រមានទុកជាមុន និងវិធីថែទាំសុខភាព។
អ្នកនាង Elisa Gallo អ្នកស្រាវជ្រាវនៅ ISGlobal និងជាអ្នកដឹកនាំការសិក្សាពីរលកកម្ដៅ បាននិយាយថា៖ «លទ្ធផលរបស់យើង បង្ហាញពីរបៀបដែលនាំឲ្យមានដំណើរការសម្របខ្លួនក្នុងសង្គមទៅនឹងសីតុណ្ហភាពខ្ពស់ ក្នុងអំឡុងពេល១សតវត្សរ៍ចុងក្រោយនេះ ដែលបានកាត់បន្ថយយ៉ាងខ្លាំងនូវភាពងាយរងគ្រោះទាក់ទងនឹងកម្ដៅ និងបញ្ហាមរណភាពនារដូវក្តៅកាលពីពេលថ្មីៗ ជាពិសេសក្នុងចំណោមមនុស្សចាស់»។
អ្នកស្រាវជ្រាវ ISGloba បានប្រើកំណត់ត្រាមរណភាព និងកំណត់ត្រានៃសីតុណ្ហភាពពីប្រទេសចំនួន៣៥នៅអឺរ៉ុប។ ពួកគេបានប៉ាន់ប្រមាណថា មនុស្ស ៤៧ ៦៩០នាក់បានស្លាប់ដោយសារមូលហេតុទាក់ទងនឹងរលកកម្ដៅ ដោយក្នុងនោះប្រជាជនក្រិក ប៊ុលហ្គារី អ៊ីតាលី និងអេស្ប៉ាញ មានអត្រាមរណភាពខ្ពស់ជាងគេ៕
ដោយ៖ ឈាង
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ