ជីវិតកម្សាន្ដ

ពេជ្រ ថាណា ថា ជួបបញ្ហាបាក់ទឹកចិត្ត គ្មានកម្លាំងបន្តដំណើរទៀតទេ

បានផុស

១០ ខែ មុន

នៅ

ថ្ងៃសុក្រ ១៣ កញ្ញា ២០២៤

ដោយ

តារាចម្រៀងប្រុស លោក ពេជ្រ ថាណា សុខៗ ស្រាប់តែធ្វើឲ្យអ្នកគាំទ្របង្ហាញការព្រួយបារម្ភ និងភ្ញាក់ផ្អើល បន្ទាប់ពីឃើញតារាប្រុសរូបនេះ បានបង្ហើបរឿងសោកសៅដោយបញ្ជាក់ថា លោកកំពុងជួបបញ្ហាបាក់ទឹកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាព និងខ្លឹមសារដែលតារាចម្រៀង ពេជ្រ ថាណា បង្ហោះលើបណ្ដាញសង្គមហ្វេសប៊ុកផ្ទាល់ខ្លួននៅរសៀលថ្ងៃទី ១៣ ខែកញ្ញា នេះ គេឃើញលោកមានទឹកមុខក្រៀមក្រំ ហាក់កំពុងមានវិបត្តិអ្វីមួយរកផ្លូវដោះស្រាយមិនទាន់ចេញ ប៉ុន្តែក៏មិនបានបញ្ជាក់ទេថាខ្លួនកំពុងលាក់រឿងទុក្ខសោកក្នុងចិត្តអ្វីឡើយ។

លោក ពេជ្រ ថាណា បានបង្ហើបពីអារម្មណ៍ផ្ទាល់ខ្លួនថា «ខ្ញុំហត់ណាស់ បាក់ទឹកចិត្ត គ្មានកម្លាំងបន្តដំណើរទៀតទេបងប្អូន ហត់ ជួបតែបញ្ហារាប់មិនអស់ កម្លាំងចិត្តគឺមានតែខ្លួនឯងតែម្នាក់គត់»។

ក្រោយមានការបង្ហោះខ្លឹមសារពីសំណាក់ តារាប្រុសលោក ពេជ្រ ថាណា ខាងលើ គេឃើញមានទស្សនិកជន និងអ្នកគាំទ្រមួយចំនួន បានធ្វើការសួរនាំ ខណៈខ្លះទៀត សម្តែងក្តីព្រួយបារម្ភ និងលើកទឹកចិត្តចំពោះលោកផងដែរ។

លោក ពេជ្រ ថាណា គិតមកទល់ពេលនេះ លោកបានចូលប្រឡូកក្នុងវិស័យសិល្បៈចម្រៀងមានរយៈពេលប្រមាណ ១៥ ឆ្នាំ ដោយក្នុងទីផ្សារគាំទ្រ និងប្រជាប្រិយភាព ក៏មានភាពលេចធ្លោគួរសមផងដែរ៕

អត្ថបទ ៖ ចាន់រ៉ា