ព័ត៌មានជាតិ

ជនជាតិភាគតិច បង្កើតក្រុមសន្សំប្រាក់ក្នុងភូមិ បញ្ចៀសប្រើកម្ចីពីធនាគារមានការប្រាក់ខ្ពស់

បានផុស

២ years មុន

នៅ

ថ្ងៃសុក្រ ២៧ កញ្ញា ២០២៤

ដោយ

ផ្ដើមនៅឆ្នាំ ២០២៣ ក្រុមសន្សំប្រាក់សហគមន៍ជនជាតិដើមភាគតិចពូនងនៅភូមិពូតាំង បច្ចុប្បន្នមានសមាជិកសរុបចំនួន ២៧ នាក់។ សមាជិកដែលចងក្រងគ្នាបង្កើតសហគមន៍ក្រុមសន្សំប្រាក់នេះមានដូចជា ក្រុមដាំបន្លែ ចិញ្ចឹមមាន់ ត្រី និងក្រុមតម្បាញជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្រី ច្រាញ វត្តី សមាជិកគណៈកម្មការក្រុមសន្សំប្រាក់សហគមន៍ជនជាតិដើមភាគតិចពូនងភូមិពូតាំង ក្នុងសង្កាត់រមនា ក្រុងសែនមនោរម្យ ខេត្តមណ្ឌលគិរី បានឲ្យដឹងថា គោលដៅបង្កើតសហគមន៍សន្សំប្រាក់នេះ គឺដើម្បីជួយឲ្យសមាជិកបានរីកចម្រើនជាងមុន ផ្លាស់ប្ដូរជីវភាព មានប្រាក់ចំណូលចូលគ្រួសារ តាមរយៈការពង្រីកមុខរបរដាំដុះដំណាំ ការចិញ្ចឹមសត្វជាដើម។ ការរៀបចំសហគមន៍សន្សំប្រាក់នេះ ក៏ដើម្បីជួយសមាជិកអាចស្វែងរកប្រាក់កម្ចីដែលមានអត្រាការប្រាក់ទាប បញ្ចៀសការប្រើប្រាស់កម្ចីពីសេវាហិរញ្ញវត្ថុនិងអង្គការផ្សេងៗដែលមានការប្រាក់ខ្ពស់ប្រឈមហានិភ័យ។

ដំណើរការក្រុមសន្សំប្រាក់សហគមន៍ជនជាតិដើមភាគតិចពូនងភូមិពូតាំង តម្រូវឲ្យរាល់សមាជិកទាំងអស់ត្រូវបង់ជាទៀងទាត់ប្រចាំខែ ខណៈលក្ខខណ្ឌកម្ចីគឺសមាជិកក្នុងក្រុមអាចស្នើបានក្រោម ១ លានរៀល។ យ៉ាងណាមិញ មុនផ្តល់កម្ចីនេះដល់សមាជិកសហគមន៍ ក៏មានការសិក្សាលទ្ធភាពរបស់សមាជិកតាំងពីមុខរបរ រួមទាំងលទ្ធភាពសងត្រឡប់មកវិញផងដែរ។ នេះបើតាមអ្នកស្រី ច្រាំង វត្តី បញ្ជាក់៕