ព័ត៌មានអន្ដរជាតិ
អេហ្ស៊ីប ស្នើបទឈប់បាញ់២ថ្ងៃនៅហ្គាហ្សា ដើម្បីដោះដូរចំណាប់ខ្មាំងអ៊ីស្រាអែល និងប៉ាឡេស្ទីន
លោក Abdel-Fattah el-Sissi បាននិយាយកាលពីថ្ងៃទី២៧ខែតុលាថា ប្រទេសអេហ្ស៊ីបបានស្នើឲ្យមានបទឈប់បាញ់រយៈពេល២ថ្ងៃរវាងអ៊ីស្រាអែល និងក្រុមសកម្មប្រយុទ្ធហាម៉ាស ដើម្បីធ្វើការដោះដូរចំណាប់ខ្មាំង៤នាក់នៅហ្គាហ្សា ជាមួយក្រុមអ្នកទោសប៉ាឡេស្ទីនមួយចំនួននៅអ៊ីស្រាអែល។
ប្រធានាធិបតីអេហ្ស៊ីប បានប្រាប់ថា សំណើនេះក៏មានបញ្ចូលទាំងការបញ្ជូនជំនួយមនុស្សធម៌ទៅកាន់តំបន់ហ្គាហ្សាផងដែរ។ វាជាលើកទី១ហើយដែលមេដឹកនាំអេហ្ស៊ីបបានលើកឡើងអំពីគម្រោងសំណើបែបនេះជាសាធារណៈ។
លោក El-Sissi បានរៀបរាប់ថា គោលបំណងនៃសំណើនេះគឺធ្វើឲ្យស្ថានការណ៍មានការវិវឌ្ឍទៅមុខ ដោយបន្ថែមថា នៅពេលបទឈប់បាញ់រយៈពេល២ថ្ងៃត្រូវបានអនុម័ត នោះកិច្ចចរចាជាបន្តបន្ទាប់ទៀតនឹងធ្វើឲ្យបទឈប់បាញ់នេះក្លាយជាការអនុវត្តអចិន្ត្រៃយ៍។
ទាំងអ៊ីស្រាអែល និងក្រុមហាម៉ាស មិនទាន់មានការឆ្លើយតបភ្លាមៗនោះទេ ពាក់ព័ន្ធនឹងសំណើដែលលើកឡើងដោយអេហ្ស៊ីប។
អស់រយៈពេល១១ខែទៅហើយដែលពុំមានបទឈប់បាញ់ គិតចាប់តាំងពីបទឈប់បាញ់រយៈពេល១សប្ដាហ៍កាលពីខែវិច្ឆិកាឆ្នាំមុន ដោយកាលណោះមានការដោះដូរចំណាប់ខ្មាំងចំនួន ១០៥នាក់ ជាមួយអ្នកទោសប៉ាឡេស្ទីនចំនួន ២៤០នាក់។
អេហ្ស៊ីប កាតា និងសហរដ្ឋអាមេរិក គឺជាក្រុមប្រទេសសម្របសម្រួលដ៏សំខាន់ក្នុងកិច្ចចរចាសន្តិភាពរវាងអ៊ីស្រាអែល និងហាម៉ាស ចាប់តាំងពីផ្ទុះសង្គ្រាមថ្ងៃទី៧ខែតុលាឆ្នាំ២០២៣៕
ដោយ៖ ឈាង
ចុចអាន៖ អាមេរិក និងអ៊ីស្រាអែល ត្រៀមចរចាគ្នាជាថ្មីក្នុងប្រទេសកាតា ជុំវិញសង្គ្រាមនៅហ្គាហ្សា
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម