ព័ត៌មានអន្ដរជាតិ
អាមេរិក និងអ៊ីស្រាអែល ត្រៀមចរចាគ្នាជាថ្មីក្នុងប្រទេសកាតា ជុំវិញសង្គ្រាមនៅហ្គាហ្សា
នាប៉ុន្មានថ្ងៃខាងមុខ ក្រុមអ្នកសម្របសម្រួលសហរដ្ឋអាមេរិក និងអ៊ីស្រាអែល នឹងជួបពិភាក្សាគ្នានៅក្នុងរដ្ឋធានីដូហា ប្រទេសកាតា ពាក់ព័ន្ធនឹងបទឈប់បាញ់នៅតំបន់ហ្គាហ្សា ព្រមទាំងការដោះលែងចំណាប់ខ្មាំង។
លោក David Barnea ប្រធានភ្នាក់ងារចារកម្ម Mossad របស់អ៊ីស្រាអែល នឹងធ្វើដំណើរទៅកាន់កាតានាថ្ងៃអាទិត្យសប្ដាហ៍នេះ ហើយបានប្រាប់ថា កិច្ចពិភាក្សានឹងមានការចូលរួមពីលោកនាយករដ្ឋមន្ត្រី Benjamin Netanyahu និងប្រធាន CIA លោក William Burns។
រដ្ឋមន្ត្រីការបរទេសអាមេរិកលោក Antony Blinken បានធ្វើដំណើរទៅកាន់មជ្ឈិមបូព៌ាក្នុងសប្តាហ៍នេះ ដោយសង្ឃឹមថានឹងធ្វើឲ្យកិច្ចចរចាដំណើរការឡើងវិញ បន្ទាប់ពីការស្លាប់របស់មេដឹកនាំក្រុមហាម៉ាសលោក Yahya Sinwar ដែលទីក្រុងវ៉ាស៊ីនតោននិយាយថាជាឧបសគ្គចម្បងនៃកិច្ចព្រមព្រៀងបទឈប់បាញ់។
លោក Blinken បានប្រាប់ថា៖ «យើងបាននិយាយអំពីជម្រើសដើម្បីទាញយកប្រយោជន៍ពីពេលនេះ និងជំហានបន្ទាប់ដើម្បីជំរុញដំណើរការទៅមុខ។ ខ្ញុំរំពឹងថាអ្នកចរចារបស់យើងនឹងជួបប្រជុំគ្នានៅប៉ុន្មានថ្ងៃខាងមុខនេះ»។
លោក Blinken បាននិយាយថា វត្តមានរបស់ក្រុមហាម៉ាសនៅក្នុងកិច្ចចរចានេះមិនទាន់ត្រូវបានបញ្ជាក់នៅឡើយទេ ប៉ុន្តែលោកបានជំរុញឲ្យក្រុមសកម្មប្រយុទ្ធនេះគួរតែចូលរួម៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៣ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ