ក្រុមហ៊ុន​ថៃបារម្ភ​ចំពោះ​ឥទ្ធិពល​របស់​លោក​ ដូណាល់ ត្រាំ

តំណាងវិស័យឯកជនរបស់ថៃបានសម្តែងនូវការព្រួយបារម្ភកាន់តែខ្លាំងឡើងអំពីជ័យជម្នះរបស់លោក ដូណាល់ ត្រា ដែលនឹងក្លាយជាប្រធានាធិបតីជាថ្មីម្តងទៀតរបស់សហរដ្ឋអាមេរិក ដោយក្រុមអ្នកវិភាគរំពឹងថាសេដ្ឋកិច្ចពិភពលោកនឹងរងផលប៉ះពាល់ដោយការកើនឡើងនូវគៅលនយោបាយពាណិជ្ជកម្មគាំពារនិយមរបស់សហរដ្ឋអាមេរិក ខណៈដែលអត្រាការប្រាក់អាចនឹងធ្លាក់ចុះយឺតជាងការរំពឹងទុក។

លោក Kavee Chukitkasem ប្រធានផ្នែកស្រាវជ្រាវ របស់ក្រុមហ៊ុនមូលបត្រ Pi Securities បានផ្តល់ដំបូន្មានដល់វិនិយោគិនឱ្យកាត់បន្ថយការវិនិយោគខ្លះៗលើទ្រព្យសកម្មដែលមានហានិភ័យខ្ពស់នៅក្នុងផលប័ត្ររបស់ពួកគេ ដោយសារគោលនយោបាយគាំពារនិយមរបស់លោក ត្រាំ អាចនាំឱ្យមានប្រតិកម្មខ្លាំងពីប្រទេសមួយចំនួន ជាពិសេសប្រទេសចិន។

លោកបាននិយាយថា៖«វិនិយោគិនត្រូវតែមានការប្រុងប្រយ័ត្ន ខណៈដែលលោក ត្រាំបានបញ្ជូនសញ្ញាច្បាស់លាស់ថាគាត់នឹងចាប់ផ្តើមសង្រ្គាមពាណិជ្ជកម្មជាមួយប្រទេសចិន ដែលធ្វើឱ្យទីក្រុងប៉េកាំងទំនងជានឹងដាក់វិធានការតបតជាមួយនឹងប្រទេសផ្សេងទៀតដែលរងផលប៉ះពាល់ដោយគោលនយោបាយពាណិជ្ជកម្មរបស់សហរដ្ឋអាមេរិក​» ។

លោក Kavee បាននិយាយថា ការដំឡើងពន្ធដែលបានស្នើឡើងដោយលោក ត្រាំ ក៏នឹងបង្កើនតម្លៃផលិតផលនៅ​សហរដ្ឋអាមេរិកផងដែរ មានន័យថាអតិផរណានឹងមិនធ្លាក់ចុះទេ ហើយអត្រាការប្រាក់អាចនឹងត្រូវបានកាត់បន្ថយយ៉ាងឆាប់រហ័សជាងការរំពឹងទុក។

លោកបាននិយាយបន្តទៀតថា៖«ការវិនិយោគលើទ្រព្យសកម្មដែលមានហានិភ័យខ្ពស់ឥឡូវនេះតម្រូវឱ្យមានការប្រុងប្រយ័ត្នខ្លាំង ពីព្រោះសេដ្ឋកិច្ចពិភពលោកប្រហែលជានឹងធ្លាក់ចុះ ដែលប៉ះពាល់ដល់ប្រាក់ចំណេញរបស់ក្រុមហ៊ុនដែលបានចុះបញ្ជី រួមទាំងក្រុមហ៊ុននៅក្នុងសហរដ្ឋអាមេរិកផងដែរ»។

«ខ្ញុំណែសូមនាំដល់អ្នកវិនិយោគគួរកាត់បន្ថយការវិនិយោកលើទ្រព្យសកម្មមួយចំនួនដែលមានហានិភ័យខ្ពស់ ប៉ុន្តែមិនមែនទាំងអស់នោះទេ»៕