ព័ត៌មានអន្ដរជាតិ

រដ្ឋាភិបាលថៃដោះលែងអតីតរដ្ឋមន្ត្រីពាណិជ្ជកម្មដែលជាប់ទោសក្នុងរដ្ឋាភិបាលលោកប្រាយុធ

បានផុស

២ years មុន

នៅ

ថ្ងៃចន្ទ ២ ធ្នូ ២០២៤

ដោយ

ប្រព័ន្ធយុត្តិធម៌របស់រដ្ឋាភិបាលថៃរបស់លោកស្រី ផែថងថាន ស៊ីណាវ៉ាត្រា បានដោះលែងអតីតរដ្ឋមន្ត្រីក្រសួងពាណិជ្ជកម្ម លោក Boonsong Teriyapirom ក្នុងរដ្ឋាភិបាលរបស់លោកស្រី យីងឡាក់ ស៊ីណាវ៉ាត្រា (Yingluck Shinawatra) ជុំវិញសំណុំរឿងទិញស្រូវពីកសិករក្នុងតម្លៃថ្លៃដែលរដ្ឋាភិបាលយីងឡាក់ បានដាក់ចេញក្រោយឡើងកាន់អំណាចកាលឆ្នាំ២០១១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋាភិបាលរបស់លោក ប្រាយុធ ចាន់អូចា បានធ្វើរដ្ឋប្រហារទម្លាក់រដ្ឋាភិបាលរបស់លោកស្រី យីងឡាក់ នៅក្នុងឆ្នាំ២០១៤ ហើយបានកាត់ទោសមន្ត្រីស្និទ្ធរបស់ក្រុមគ្រួសារលោក ថាក់ស៊ីន ស៊ីណាវ៉ាត្រា ដែលត្រូវបានទម្លាក់ចេញពីអំណាចដោយរដ្ឋប្រហារកាលឆ្នាំ២០០៦។

អតីតរដ្ឋមន្ត្រីក្រសួងពាណិជ្ជកម្ម Boonsong Teriyapirom ដែលត្រូវបានកាត់ទោសឱ្យជាប់ពន្ធនាគាររយៈពេល ៤៨ឆ្នាំក្នុងឆ្នាំ ២០១៧ សម្រាប់តួនាទីរបស់គាត់នៅក្នុងកិច្ចព្រមព្រៀងស្រូវអង្ករដែលរដ្ឋាភិបាលលោក ប្រាយុធ ចោទថា «ក្លែងក្លាយ» ក្នុងអំឡុងពេលនៃការកាន់អំណាច់របស់ លោកស្រី យីងឡាក់ ស៊ីណាវ៉ាត្រា។

តាមការចុះផ្សាយរបស់សារព័ត៌មានថៃ អតីតរដ្ឋមន្ត្រីពាណិជ្ជកម្មរូបនេះ បានទទួលការលើកលែងទោសដោយអាណិតអាសូរនៅថ្ងៃចន្ទនេះ ហើយនឹងត្រូវបានដោះលែងពីពន្ធនាគារ។

ដោយសារការកាត់បន្ថយទោសម្តងហើយម្តងទៀត Boonsong នឹងត្រូវនៅក្រៅឃុំដោយស្ថិតនៅក្រោមការតាមដានរយៈពេលបីឆ្នាំនិងប្រាំខែ។ លោក Boonsong ត្រូវបានគេសន្មត់ថានឹងអនុវត្តទោសដែលនៅសេសសល់របស់គាត់ និងមានសេរីភាពរហូតដល់ខែមេសា ឆ្នាំ២០២៨៕

ដោយ រ៉ាន់ រើយ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា