នគរបាលខណ្ឌជ្រោយចង្វារឃាត់ខ្លួនក្រុមបង្ហោះម៉ូតូតាមផ្លូវសាធារណៈ៧នាក់

ក្រុមក្មេងទំនើងប្រុសស្រីចំនួន ៧នាក់ត្រូវបានកម្លាំងសមត្ថកិច្ចនៃអធិការដ្ឋាននគរបាលខណ្ឌជ្រោយចង្វារធ្វើការបង្ក្រាបន្ទាប់ពីបង្ហោះម៉ូតូយ៉ាងអនាធិបតេយ្យតាមផ្លូវសាធារណៈ យកមកសួរនាំនៅអធិការនរគបាលខណ្ឌ។

ការឃាត់ខ្លួនក្រុមក្មេងទំនើងនេះ ធ្វើឡើងកាលពីយប់ថ្ងៃទី២៦ ខែធ្នូ ឆ្នាំ២០២៤ ខណៈដែលកម្លាំងនគរបាលកំពុងល្បាតក្នុងមូលដ្ឋាន និងប្រទះឃើញក្រុមក្មេងទំនើងប្រុសស្រីទាំងនោះ កំពុងធ្វើសកម្មភាពបង្ហោះម៉ូតូតាមផ្លូវសាធារណៈយ៉ាងអនាធិបតេយ្យ នៅចំណុចភូមិព្រែកតារត្ន័ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។

ក្នុងប្រតិបត្តការឃាត់ខ្លួន កម្លាំងនគរបាលបានឃាត់ខ្លួនចំនួន៧នាក់ ស្រី០១នាក់ និងដកហូតម៉ូតូបីគ្រឿង។ បច្ចុប្បន្នកម្លាំងសម្ថកិច្ចបានបញ្ជូនទៅអធិកាដ្ឋានខណ្ឌជ្រោយចង្វារដើម្បីធ្វើការសាកសួរតាមនីតិវិធី៕

អត្ថបទ៖ ម៉េង