ព័ត៌មានអន្ដរជាតិ
កូរ៉េខាងជើង បាញ់មីស៊ីល១គ្រាប់ដំបូងចូលទឹកសមុទ្រ បើកឆាកទំព័រឆ្នាំថ្មី
កូរ៉េខាងជើង បានបាញ់សាកល្បងមីស៊ីល១គ្រាប់ជាលើកដំបូងក្នុងឆ្នាំ២០២៥ ចំពេលដែលរដ្ឋមន្ត្រីការបរទេសអាមេរិកលោក Antony Blinken កំពុងបំពេញទស្សនកិច្ចនៅរដ្ឋធានីសេអ៊ូល នៃប្រទេសកូរ៉េខាងត្បូង។
បើយោងតាមយោធាកូរ៉េខាងត្បូង មីស៊ីលនេះត្រូវបានបាញ់នៅថ្ងៃចន្ទទី៦ខែមករា ហើយហោះបានចម្ងាយប្រហែល ១ ១០០គីឡូម៉ែត្រ មុនពេលធ្លាក់ចូលក្នុងទឹកសមុទ្ររវាងឧបទ្វីបកូរ៉េ និងប្រទេសជប៉ុន។
កូរ៉េខាងត្បូង បានថ្កោលទោសការបាញ់បង្ហោះនេះថាជាការបង្ករឿងមួយទៀត ដែលគំរាមកំហែងដល់សន្តិភាព និងស្ថិរភាពរវាងប្រទេសទាំងពីរ។ លោក Blinken បានអត្ថាធិប្បាយថា រដ្ឋបាលរបស់ប្រធានាធិបតីអាមេរិកដែលជិតផុតអាណត្តិលោក Joe Biden បាន «ខិតខំប្រឹងប្រែងជាច្រើនដើម្បីចូលរួមជាមួយកូរ៉េខាងជើង» ប៉ុន្តែការឆ្លើយតបតែមួយគត់របស់ពួកគេគឺ «សកម្មភាពបង្កហេតុបន្ថែមទៀត»។
លោក Blinken ក៏បានស្ដីបន្ទោសទីក្រុងមូស្គូផងដែរ ចំពេលមានរបាយការណ៍ថា រុស្ស៊ី កំពុងរៀបចំចែករំលែកបច្ចេកវិទ្យាផ្កាយរណបកម្រិតខ្ពស់ជាមួយទីក្រុងព្យុងយ៉ាង។ លោកបានប្រាប់អ្នកយកព័ត៌មានថា កូរ៉េខាងជើង «កំពុងទទួលបានឧបករណ៍យោធា និងការហ្វឹកហ្វឺនរបស់រុស្ស៊ីរួចហើយ។ ឥឡូវនេះ យើងមានហេតុផលជឿថា ទីក្រុងមូស្គូ មានបំណងចែករំលែកបច្ចេកវិទ្យាអវកាស និងផ្កាយរណបកម្រិតខ្ពស់ជាមួយទីក្រុងព្យុងយ៉ាង»។
សូមបញ្ជាក់ថា ដំណើរទស្សនកិច្ចទៅកាន់ទីក្រុងសេអ៊ូលដើម្បីពិភាក្សាអំពីការការពារប្រឆាំងនឹងការឈ្លានពានពីកូរ៉េខាងជើង គឺជាផ្នែកមួយនៃដំណើរទស្សនកិច្ចចុងក្រោយរបស់លោក Blinken ក្នុងនាមជាអ្នកការទូតកំពូលរបស់សហរដ្ឋអាមេរិក មុនពេលប្រធានាធិបតីទើបជាប់ឆ្នោត លោក ដូណាល់ ត្រាំ ចូលស្បថឡើងកាន់តំណែងនៅថ្ងៃទី២០ខែមករា៕
ដោយ៖ ឈាង
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ