ព័ត៌មានជាតិ

អ្នកជំនាញលើកទឹកចិត្តដល់កម្ពុជាពិរចារណាលើ មូលបត្រដែលធានាដោយអចលនទ្រព្យ

បានផុស

១ year មុន

នៅ

ថ្ងៃពុធ ២៩ មករា ២០២៥

ដោយ

ក្រុមអ្នកជំនាញពីធនាគារអភិវឌ្ឍន៍អាស៊ី (ADB), លេខាធិការដ្ឋានអាស៊ាន (ASEC) និង ទីភ្នាក់ងារហិរញ្ញវត្ថុលំនៅឋានជប៉ុន (JHFA) បានជំរុញឱ្យកម្ពុជាពិចារណាលើឧបករណ៍មូលបត្រថ្មីមួយទៀតដែលផ្តោតលើលំនៅឋាននិងមូលបត្រដែលធានាដោយអចលនទ្រព្យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលើកឡើងនេះត្រូវបានធ្វើឡើងក្នុងសិក្ខាសាលាកសាងសមត្ថភាពមួយដែលសហការរៀបចំរវាងនិយ័តករមូលបត្រកម្ពុជា ( SERC), ADB , ASEC និង JHFA កាលពីថ្ងៃទី២៧ខែមករាក្រោម អធិបតីភាពរបស់លោក ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃ SERC លោក Takahiro Yamakawa នាយករងការិយាល័យកិច្ចសហប្រតិបត្តិការហិរញ្ញវត្ថុក្នុងតំបន់ នៃក្រសួងហិរញ្ញវត្ថុ ជប៉ុន និងលោក Satoru Yamadera ទីប្រឹក្សា នៃ ADB។

សិក្ខាសាលានេះ មានគោលបំណងលើកកម្ពស់ការយល់ដឹងអំពីតម្រូវការ និងគំរូហិរញ្ញវត្ថុលំនៅឋាន, ទស្សនទាននៃមូលបត្រដែលធានាដោយអចលនទ្រព្យ និងករណីសិក្សាពាក់ព័ន្ធនឹងហិរញ្ញវត្ថុលំនៅឋានប្រទេស ជប៉ុន និងមូលបត្រដែលធានាដោយអចលនទ្រព្យរបស់ប្រទេសក្នុងតំបន់អាស៊ានដូចជា ឥណ្ឌូនេស៊ី ម៉ាឡេស៊ី ហ្វី-លីពីន ថៃ និងវៀតណាម ដែលបានគូសបញ្ជាក់ពីឧត្តមានុវត្តន៍ និងកម្មវិធីក្នុងតំបន់សម្រាប់នវានុវត្តន៍ហិរញ្ញវត្ថុ។

លោក ស៊ូ សុជាតិ បានគូសបញ្ជាក់ថា៖ “នៅពេលយើងឈានទៅមុខ យើងរំពឹងថា ទីផ្សារមូលបត្រដែលមិនត្រឹមតែមានថាមវន្ត និងភាពធន់ប៉ុណ្ណោះទេ ប៉ុន្តែក៏ជាកត្តាជំរុញដ៏សំខាន់ នៃកំណើនសេដ្ឋកិច្ចប្រកបដោយនិរន្តរភាពនៅក្នុងវិស័យលំនៅដ្ឋានផងដែរ។ តាមរយៈការណែនាំអំពីឧបករណ៍ ប្រកបដោយនវានុវត្តន៍ ដូចជាមូលបត្រដែលធានាដោយអចលនទ្រព្យ យើងមានគោលបំណងពង្រឹងទំនុកចិត្ត វិនិយោគិន បង្កើនលទ្ធភាពទទួលបានហិរញ្ញប្បទានលំនៅដ្ឋានដែលមានតម្លៃសមរម្យ និងរួមចំណែកដល់ការ អភិវឌ្ឍសេដ្ឋកិច្ច និងសង្គមរបស់ជាតិយើងកាន់តែទូលំទូលាយ»។

លោក Takahiro Yamakawa បានបញ្ជាក់ថាតាមរយៈមូលនិធិជំនួយបច្ចេកទេស ហិរញ្ញវត្ថុជប៉ុន-អាស៊ាន ប្រទេសជប៉ុនបានជួយដល់ការអភិវឌ្ឍទីផ្សារសញ្ញាបណ្ណកម្ពុជាក្នុងរយៈពេល ២០ ឆ្នាំ កន្លងមកនេះ ក្រោមគំនិតផ្តួចផ្តើមទីផ្សារសញ្ញាបណ្ណអាស៊ានបូក៣ (ABMI)។ លោកថា៖«សិក្ខាសាលាដ៏សំខាន់នេះ នឹងជួយ ដល់និយ័តករ និងអ្នកចូលរួមក្នុងទីផ្សារកម្ពុជា សិក្សាស្វែងយល់អំពីឥទ្ធិពលនៃមាគ៌ាអភិវឌ្ឍហិរញ្ញវត្ថុលំនៅឋាន និង មូលបត្រដែលធានាដោយអចលនទ្រព្យនៅក្នុងប្រទេសជប៉ុន និងអាស៊ាន»។

លោក Satoru Yamadera ក៏បានមានប្រសាសន៍ផងដែរថាហិរញ្ញវត្ថុលំនៅឋានកាន់តែមានសារៈសំខាន់ ជាពិសេសសម្រាប់ការរីកលូតលាស់នៃគ្រួសារដែលមានប្រាក់ចំណូលកម្រិតមធ្យម និងកម្រិតទាបនៅក្នុងទីក្រុងនៃតំបន់អាស៊ី។

លោកបានថ្លែងថា៖« ADB ដែលជាលេខាធិការដ្ឋានរបស់ ABMI នឹងបន្តជួយដល់និយ័តករនៅកម្ពុជាក្នុងការធ្វើពិពិធកម្ម ផលិតផលហិរញ្ញវត្ថុ ដូចជាកម្ចីទិញផ្ទះ និងមូលបត្រដែលធានាដោយអចលនទ្រព្យនាពេលអនាគត»៕

Related Topics:និយ័តករមូលបត្រកម្ពុជា