សម្ព័ន្ធអេស៊ីលីដា រកប្រាក់ចំណូលបានជាង​២២៣លានដុល្លារ ក្នុងត្រីមាសទី៤ ឆ្នាំមុន

ធនាគារអេស៊ីលីដា ដែលជាធនាគារពាណិជ្ជក្នុងស្រុកទី១ ដែលបានចុះបញ្ជីបោះផ្សាយមូលបត្រកម្មសិទ្ធិលើផ្សារមូលបត្រកម្ពុជា បានរាយការណ៍ថា សម្រាប់ត្រីមាសទី៤ ឆ្នាំ២០២៤  សម្ព័ន្ធធនាគារទទួលបានចំណូលសរុបចំនួន ៨៩៧,០៧ ប៊ីលានរៀល (ឬជាង ២២៣លានដុល្លារ) កើនឡើងចំនួន ២២,៩៧ ប៊ីលានរៀល (ឬជាង ៥,៧លានដុល្លារ) ស្មើនឹង ២,៦៣%។

ជាមួយគ្នានេះដែរ សម្ព័ន្ធធនាគារដែលឈានមុខគេមួយនេះក៏រកប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារចំនួន ១៩២,៤១ ប៊ីលានរៀល(ឬជិត ៤៩លានដុល្លារ)  កើនឡើងចំនួន ៤១,៨៩ ប៊ីលានរៀល (ឬជាង ១០,៤២លានដុល្លារ) ស្មើនឹង ២៧,៨៣% ធៀបទៅនឹងត្រីមាសទី៤ ឆ្នាំ២០២៣។

គិតត្រឹមដំណាច់ការិយបរិច្ឆេទថ្ងៃទី៣១ ខែធ្នូ ឆ្នាំ២០២៤ ទ្រព្យសកម្មសរុបរបស់សម្ព័ន្ធធនាគារមានចំនួន ៤៣,៦១ ទ្រីលានរៀល (ឬជាង​១០,៨៥៨ពាន់លានដុល្លារ) ដែលកើនឡើងចំនួន កើនឡោះង ៩,៥៥% និងមូលធនផ្តល់ជូនភាគហ៊ុនិករបស់ធនាគារចំនួន ៥,៩៧ ទ្រីលានរៀល (ឬជាង១,៤៨៦ពាន់លានដុល្លារ) កើនឡើង ៦,២៧% ធៀបទៅនឹងដំណាច់ឆ្នាំ២០២៣៕