សន្តិសុខសង្គម
ឆ្លងចរន្តអគ្គិសនី ឆេះហាងលក់ស្បែកជើង ១ កន្លែង នៅខណ្ឌបឹងកេងកង
អគ្គិភ័យឆាបឆេះបន្ទប់ស្ទូឌីយោចំនួន ០១ បន្ទប់ ទាំងស្រុង ក្នុងហាងលក់ស្បែកជើង ១ កន្លែង ព្រមទាំងខូចខាតសម្ភារៈមួយចំនួន ផ្អើលប្រជាពលរដ្ឋ និងសមត្ថកិច្ច មកជួយអន្តរាគមន៍។
ហេតុការណ៍នេះបានកើតឡើងនៅវេលាម៉ោង ០៣ រសៀល ថ្ងៃទី ១៦ ខែកុម្ភៈ ឆ្នាំ ២០២៥ ចំណុចជាន់ទី ០១ នៃហាងលក់ស្បែកជើង យីហោ «ហាដូ ស្តរ» ដែលស្ថិតតាមបណ្ដោយផ្លូវ ៣១០ សង្កាត់បឹងកេងកងទី ០២ ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីពលរដ្ឋអ្នកឃើញហេតុការណ៍ បានឲ្យដឹងថា មុនពេលកើតហេតុពួកគាត់បានឃើញមានផ្សែងខ្មៅហុយខ្មួលខ្មាញ់ចេញពីបន្ទប់ជាន់ទី ០១ ផ្នែកខាងក្រោយ នៃហាងលក់ស្បែកខាងលើ។ ភ្លាមៗ ពួកគាត់បានឮសំឡេងស្ត្រីស្រែកឲ្យជួយចេញពីទីតាំងឆេះ។ ស្របពេលនោះពួកគាត់បាននាំគ្នារត់ទៅយកបំពង់ពន្លត់អគ្គិភ័យមកជួយបាញ់ពន្លត់ និងបានចូលទៅជួយស្ត្រីខាងលើដែលមានផ្ទៃពោះយកចុះមកក្រោមដោយសុវត្ថិភាព។ ស្ថានភាពពេលនោះ គឺមិនអាចគ្រប់គ្រងបានទេ ដោយសារមានផ្សែងច្រើន លាយឡំនឹងអណ្ដាតភ្លើងឆាបឆេះសន្ធោសន្ធៅទៅហើយ ទើបពួកគាត់សម្រេចរាយការណ៍ជូនសមត្ថកិច្ចជំនាញអគ្គិភ័យ ដើម្បីមកជួយអន្តរាគមន៍ឲ្យទាន់ពេលវេលា ជៀសវាងបង្កការរាលដាល។ ដោយឡែក ម្ចាស់ហាង បានបញ្ជាក់ថា ករណីឆាបឆេះនេះ បណ្តាលមកពីឆ្លងចរន្តចេញពីកង្ហារស្រូបផ្សែង។
អគ្គិភ័យនេះដែរបានបង្កការខូចខាតបន្ទប់ស្ទូឌីយោចំនួន ០១ បន្ទប់ទាំងស្រុង រួមនឹងសម្ភារៈមួយចំនួន ហើយប្រើប្រាស់រថយន្តពន្លត់អគ្គិភ័យរបស់ការិយាល័យពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ ចំនួន ០៤ គ្រឿង បាញ់ឲ្យរលត់ជាស្ថាពរ។ ចំពោះមូលហេតុ សមត្ថកិច្ចជំនាញបានកំពុងស្រាវជ្រាវឲ្យបានច្បាស់លាស់បន្ថែម៕
អត្ថបទ ៖ រដ្ឋា
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ