ប្រពន្ធ Justin សង្ស័យ​ចំអក Selena និងគូដណ្ដឹង តាមរយៈចុចគាំទ្ររូបភាពអាក្រក់ៗ

TikToker មួយរូប បានលាតត្រដាងចំពោះ​វីដេអូ​មួយ​ក្នុង​ចំណោម​វីដេអូ​របស់​នាងដែលបង្ហាញពី​ការ​រិះគន់​លើ​ការ​ថត​រូប​របស់ Selena Gomez និងគូដណ្តឹងគឺ Benny Blanco ក្នុង​ទស្សនាវដ្ដី Interview ។ ពេលនោះភរិយារបស់ Justin គឺ Hailey បានចុចឡាចគាំទ្រនូវរូបភាពអាក្រក់ៗ រហូតត្រូវអ្នកលេងអ៊ីនធឺណេតរិះគន់ថា នាងជាមនុស្សស្លូតបូត តែលួចច្រណែន ។

វីដេអូនេះត្រូវបានផ្សព្វផ្សាយនៅលើបណ្តាញសង្គម TikTok កាលពីថ្ងៃទី ១៤ ខែកុម្ភៈ ដោយអ្នកបង្កើតរូបនេះ ដែលបានរិះគន់យ៉ាងចាស់ដៃទៅលើការថតរូបនោះ។ ការ​បង្ហោះ​នេះ​ថែម​ទាំង​មាន​ចំណង​ជើង​ដូច​ខាង​ក្រោម នេះ​គឺ​អាក្រក់​បំផុត។

យ៉ាងណា បន្ទាប់ពីស្ងប់ស្ងាត់អស់រយៈពេល ៣ ថ្ងៃ អ្នកតំណាងរបស់ Hailey បាននិយាយចេញតាមរយៈ Page Six ថា រឿងនេះមិនមែនជាការពិតឡើយ។ វាត្រូវបានបង្កើតឡើងដោយ TikToker ដែលចង់ចំណេញពីរឿងចាស់រវាងអ្នកទាំងពីរតែប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងរ៉ាវរបស់ Hailey Bieber បានធ្វើឲ្យមនុស្សជាច្រើនភ្ញាក់ផ្អើល ទោះជាយ៉ាងណាក៏ដោយ មនុស្សមួយចំនួនមិនជឿការពន្យល់របស់ភរិយា Justin ដោយគិតថានាងនិយាយកុហក។

Justin Bieber – Selena Gomez ធ្លាប់មានរឿងស្នេហាដែលមិនអាចបំភ្លេចបាន ប៉ុន្តែពួកគេបានដើរផ្លូវដាច់ដោយឡែក តាំងពីយូរយារណាស់មកហើយ និងមានជីវិតថ្មី។ Justin – Hailey បានរៀបការនៅឆ្នាំ ២០១៨ មួយរយៈពេលខ្លី បន្ទាប់ពីតារាចម្រៀងប្រុសបានបែកបាក់ជាមួយ Selena ។ ដូច្នេះហើយ​ទើប​ដំបូង​ឡើយ អាពាហ៍ពិពាហ៍​របស់ Justin និង​ភរិយា ​ត្រូវបាន​ទស្សនិកជន​ជាច្រើន​ជំទាស់​យ៉ាងខ្លាំង​។ ឆ្លង​កាត់​ការ​រិះគន់ និង​ពាក្យ​ចចាម​អារ៉ាម​ជា​បន្តបន្ទាប់​នៃ​ការ​ប្រេះឆា តារាចម្រៀង Baby និង​ភរិយា​នៅ​តែ​នៅ​ជាមួយ​គ្នា​ដដែល។ ទន្ទឹមនឹងនេះដែរ Selena កំពុងតែសប្បាយចិត្តជាមួយនឹង Benny Blanco ។ គូស្នេហ៍​មួយ​គូ​នេះ​បាន​ភ្ជាប់ពាក្យ និង​ត្រៀម​ចូល​រោងការ​ជាមួយគ្នា​។

ទោះជាយ៉ាងណាក៏ដោយទំនាក់ទំនងរវាងគូប្រជែងស្នេហា ទាំងពីរ Hailey Bieber – Selena នៅតែជាអាថ៌កំបាំង។ ថ្វីដ្បិតតែបង្ហាញការគាំទ្រ និងពន្យល់ពីការយល់ច្រលំម្តងហើយម្តងទៀតក៏ដោយ ប៉ុន្តែ Selena និង Hailey នៅតែបង្ហាញអាកប្បកិរិយា មិនសប្បាយចិត្ត ជាមួយគ្នា៕

អត្ថបទ៖ សាង ស្រីល័ក្ខ

ចុចអាន៖តារា​ចម្រៀង​ Wheesung ទទួល​មរណៈភាព​ក្នុង​អាយុ ៤៣ ឆ្នាំ ពេលនេះប៉ូលិសកំពុងស៊ើបអង្កេត