ចរាចរណ៍
អនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ចាម អប់រំផ្សព្វផ្សាយច្បាប់ ជូនពលរដ្ឋដែលកំពុងធ្វើដំណើរតាមផ្លូវជាតិ ៧១ សេ
អនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ចាម ចុះធ្វើការអប់រំផ្សព្វផ្សាយច្បាប់ស្ដីពីចរាចរណ៍ផ្លូវគោកជូនដល់ប្រជាពលរដ្ឋទូទៅដែលកំពុងធ្វើដំណើរតាមផ្លូវជាតិ ៧១ សេ ក្នុងឃុំស្ពឺ ស្រុកចំការលើ ខេត្តកំពង់ចាម ដើម្បីពញ្ញាក់ស្មារតីអ្នកប្រើប្រាស់ផ្លូវឲ្យមានការប្រុងប្រយ័ត្នក្នុងការបើកបរ ខណៈពិធីបុណ្យចូលឆ្នាំប្រពៃណីជាតិខ្មែរជិតខិតមកដល់។
ដោយមានការចង្អុលបង្ហាញពី លោក អ៊ុន ចាន់ដា អភិបាលខេត្តកំពង់ចាម ចាត់ឲ្យមន្ទីរសាធារណការ និងដឹកជញ្ជូនខេត្តកំពង់ចាម ក្រុមការងារជំនាញលេខាធិការដ្ឋាន នៃអនុគណៈកម្មការសុវត្ថិភាពចរាចរណ៍ផ្លូវគោកខេត្តកំពង់ចាម លោក សុខ លឹមហៀង ប្រធានមន្ទីរ សាធារណការ និងដឹកជញ្ជូនខេត្ត បានចាត់តាំង លោក ផេង ដារ៉ែន អនុប្រធានមន្ទីរ ដឹកនាំក្រុមការងារសហការជាមួយនឹងលោកវរសេនីយ៍ឯក សែម ហ៊ាង ស្នងការរងដឹកនាំការិយាល័យចរាចរណ៍ផ្លូវគោកខេត្តកំពង់ចាម និងកងកម្លាំងនគរបាលស្រុកចំការលើ ចុះធ្វើយុទ្ធនាការអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក សួរសំនួរចម្លើយទទួលយកមួកសុវត្ថិភាព និងបិតស្ទីឃ័រ កង់ រ៉ឺម៉កម៉ូតូ រថយន្តតាក់ស៊ី ដល់ប្រជាពលរដ្ឋទូទៅកំពុងធ្វើដំណើរតាមដងផ្លូវសាធារណៈ ដែលធ្វើនៅទីតាំងផ្លូវជាតិ ៧១ សេ ភូមិស្ពឺ ឃុំស្ពឺ ស្រុកចំការលើ ខេត្តកំពង់ចាម។
ឆ្លៀតឱកាសនោះដែរ លោក ផេង ដារ៉ែន អនុប្រធានមន្ទីរសាធារណការ និងដឹកជញ្ជូនខេត្ត ដើម្បីចូលរួមចំណែកផ្សព្វផ្សាយ និងក្រើនរំលឹកដល់ពលរដ្ឋអ្នកធ្វើដំណើរតាមដងផ្លូវ មន្ត្រីជំនាញ និងសមត្ថកិច្ច នៃស្នងការដ្ឋាននគរបាលខេត្តកំពង់ចាម ក៏បន្តចុះធ្វើការផ្សព្វផ្សាយណែនាំអ្នកបើកបរ និងអ្នកប្រើប្រាស់ផ្លូវ ក្នុងន័យមួយពញ្ញាក់ស្មារតីក្នុងការបើកបរ ជាពិសេសក្នុងឱកាសពិធីបុណ្យចូលឆ្នាំប្រពៃណីជាតិខ្មែរជិតមកដល់ ពោលគឺធ្វើយ៉ាងណាចេះអធ្យាស្រ័យគ្នា មានសុជីវធម៌ក្នុងការបើកបរ និងគោរពសិទ្ធិអាទិភាព។
ប្រជាពលរដ្ឋអ្នកប្រើប្រាស់ផ្លូវក្នុងស្រុកស្ទឹងត្រង់ បានបញ្ជាក់ប្រាប់ថា ពួកគាត់គាំទ្រចំពោះសកម្មភាពផ្សព្វផ្សាយមួយនេះ គឺជួយរំលឹកដល់អ្នកបើកបរ កុំឲ្យមានការធ្វេសប្រហែស , មិនគោរពច្បាប់ចរាចរណ៍ និងមិនពាក់មួកសុវត្ថិភាព ដែលអាចគ្រោះថ្នាក់ដោយប្រការណាមួយពេលកំពុងបើកបរ ដូច្នោះមានតែត្រូវប្រុងប្រយ័ត្ន ពាក់មួកសុវត្ថិភាព , ពាក់ខ្សែក្រវាត់ , កុំប្រើប្រាស់គ្រឿងស្រវឹងក្នុងពេលបើកបរ ដើម្បីបញ្ចៀសគ្រោះថ្នាក់ និងកាត់បន្ថយអត្រាគ្រោះថ្នាក់តាមដងផ្លូវ។
ក្នុងយុទ្ធនាការចុះផ្សព្វផ្សាយ និងពង្រឹងច្បាប់ចរាចរណ៍ ក្រុមការងារ នៃមន្ទីរសាធារណការ និងដឹកជញ្ជូនខេត្តកំពង់ចាម បានធ្វើការយកសំណួរ-ចម្លើយស្ដីពីច្បាប់ចរាចរណ៍មកធ្វើការសួរ ដើម្បីយករង្វាន់មួកសុវត្ថិភាព និងផ្តល់សៀវភៅច្បាប់ចរាចរណ៍ទៀតផង។
ក្រុមការងារបានធ្វើការផ្សព្វផ្សាយដល់ប្រជាពលរដ្ឋក្នុងការបើកបរម៉ូតូត្រូវតែរពាក់មួកសុវត្ថិភាពគ្រប់ៗ គ្នា និងពាក់ខ្សែក្រវាត់ពេលបើកបររថយន្ត មិនបើកបរក្រោមឥទ្ធិពល នៃគ្រឿងស្រវឹង គ្រឿងញៀន គោរពភ្លើងសញ្ញាគំនូសសញ្ញា និងផ្លាកសញ្ញាចរាចរណ៍ បញ្ហាគ្រោះថ្នាក់ចរាចរណ៍ បានបង្កនូវផលលំបាកដ៏ធ្ងន់ធ្ងរដល់សង្គមជាតិ និងសេដ្ឋកិច្ចជាតិ៕
អត្ថបទ និងរូបភាព ៖ ឡេក ចាន់ពេជ្រ
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ