ព័ត៌មានអន្ដរជាតិ
អាមេរិក នឹងបញ្ជូនដ្រូនឈ្លបការណ៍ជាច្រើនគ្រឿងទៅជប៉ុន ទប់ស្កាត់ភាពតានតឹងក្នុងតំបន់
សហរដ្ឋអាមេរិក គ្រោងនឹងដាក់ពង្រាយដ្រូនឈ្លបការណ៍រយៈចម្ងាយឆ្ងាយ MQ-4C Triton ជាច្រើនគ្រឿងទៅកាន់មូលដ្ឋានទ័ពអាកាស Kadena ក្នុងទីក្រុងអូគីណាវ៉ា ប្រទេសជប៉ុន ក្នុងប៉ុន្មានសប្តាហ៍ខាងមុខនេះ។
រដ្ឋមន្ត្រីការពារជាតិជប៉ុន លោក Gen Nakatani បានបញ្ជាក់កាលពីថ្ងៃទី៨ខែមេសាថា ការដាក់ពង្រាយនេះមានគោលបំណងបង្កើនការប្រមូលផ្តុំព័ត៌មានចារកម្ម ការឃ្លាំមើល និងសកម្មភាពឈ្លបយកការណ៍ជុំវិញប្រទេសជប៉ុន ចំពេលបរិយាកាសសន្តិសុខកាន់តែធ្ងន់ធ្ងរឡើង។
MQ-4C Triton គឺជាប្រភេទដ្រូនដែលអាចហោះក្នុងកម្ពស់ខ្ពស់ និងធន់ ហើយអាចប្រតិបត្តិការលើសពី ២៤ម៉ោង និងធ្វើដំណើរបានក្នុងរយៈចម្ងាយប្រហែល ១៣ ៧០០គីឡូម៉ែត្រ។ កាលពីមុន អាមេរិកក៏ធ្លាប់បានបញ្ជូនដ្រូន Triton ចំនួន២គ្រឿងទៅមូលដ្ឋានអាកាស Kadena ផងដែរកាលពីចន្លោះខែឧសភាដល់ខែតុលាឆ្នាំ២០២៤។
សកម្មភាពយុទ្ធសាស្ត្រនេះ ធ្វើឡើងស្របពេលដែលភាពតានតឹងកំពុងកើនឡើងនៅក្នុងតំបន់អាស៊ីប៉ាស៊ីហ្វិក ជាពិសេសទាក់ទងនឹងការកើនឡើងសកម្មភាពយោធារបស់ចិននៅជុំវិញកោះតៃវ៉ាន់ និងនៅក្នុងតំបន់ដែនសមុទ្រភាគខាងត្បូងរបស់ជប៉ុន។ ការដាក់ពង្រាយដ្រូនទាំងនេះមានគោលបំណងជំរុញការរារាំង និងសមត្ថភាពឆ្លើយតបរបស់សម្ព័ន្ធភាពអាមេរិក-ជប៉ុនក្នុងតំបន់៕
ដោយ៖ ឈាង
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ