ព័ត៌មានជាតិ

កម្ពុជា-ថៃ នឹងប្រជុំពង្រឹងកិច្ចសហប្រតិបត្តិការប្រឆាំងគ្រឿងញៀននៅថ្ងៃ១៤-១៥ ខែឧសភា

បានផុស

២ ខែ មុន

នៅ

ថ្ងៃអង្គារ ១៣ ឧសភា ២០២៥

ដោយ

កម្ពុជា-ថៃ នឹងបើកកិច្ចប្រជុំទ្វេភាគីស្ដីពីកិច្ចសហប្រតិបត្តិការប្រយុទ្ធប្រឆាំងគ្រឿងញៀនលើកទី១៥ នៅខេត្តក្រាប៊ី ប្រទេសថៃចាប់ពីថ្ងៃទី១៤ដល់ថ្ងៃទី១៥ ខែឧសភា ឆ្នាំ២០២៥នេះ។ កិច្ចប្រជុំនេះនឹងពិភាក្សាលើវឌ្ឍនភាពនៃការប្រឆាំងគ្រឿងញៀន និងកិច្ចសហការនាពេលអនាគត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះភាគីកម្ពុជាដឹកនាំដោយអគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន នាយកឧត្តមសេនីយ៍ មាស វីរិទ្ធ ខណៈភាគីថៃដឹកនាំដោយអគ្គលេខាធិការក្រុមប្រឹក្សាត្រួតពិនិត្យគ្រឿងញៀនថៃលោក ផានុរ៉ាត់ លូកប៊ូន។

នាយឧត្តមសេនីយ៍ មាស វីរិទ្ធ បានឱ្យដឹងថាប្រធានបទសំខាន់ៗដែលនឹងពិភាក្សានោះទាក់ទងនឹងការពង្រឹងសមត្ថភាពមន្ត្រីគ្រឿងញៀន វឌ្ឍនភាពនៃស្ថានភាពគ្រឿងញៀន និងការសហប្រតិបត្តិការនាពេលអនាគត ព្រមទាំងការពង្រឹងសមត្ថភាពវិភាគគ្រឿងញៀននិងសំណុំព័ត៌មានគ្រឿងញៀន ការព្យាបាលនិងស្តារនីតិសម្បទាអ្នកញៀនគ្រឿងញៀន ការអប់រំ បង្ការទប់ស្កាត់បញ្ហាគ្រឿងញៀន និងការចែករម្លែកបទពិសោធន៍ពីការទស្សនាភូមិសហគមន៍អនុវត្តកម្មវិធី CBTx ជាដើម។

ការប្រយុទ្ធប្រឆាំងគ្រឿងញៀនរវាងកម្ពុជាថៃត្រូវបានពង្រឹងជាបន្តបន្ទាប់។ កាលពីថ្ងៃទី១០ ខែកុម្ភៈ ឆ្នាំ២០២៥ ប្រទេសថៃបានផ្ដល់រថយន្ត២គ្រឿង និងឧបករណ៍ពិនិត្យទឹកម៉ូតជាច្រើនសម្រាប់ដល់កម្ពុជាដើម្បីជួយដល់ប្រតិបត្តិការបោសសម្អាតគ្រឿងញៀននៅកម្ពុជាងផងដែរ។ ប្រធានអាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា លោកសន្តិបណ្ឌិត នេត សាវឿន បានចាត់ទុកថៃដើរតួនាទីយ៉ាងសំខាន់ក្នុងការដល់កម្ពុជា ទាំងការងារជំនាញ ការផ្លាស់ប្ដូរព័ត៌មាន ការងារជំនួយសម្ភារៈបច្ចេកទេស៕