ព័ត៌មានជាតិ
អភិបាលខណ្ឌឬស្សីកែវ ឧបត្ថម្ភថវិកាជួសជុលផ្ទះពលរដ្ឋ ដែលលិចទឹកហូរចេញពីដេប៉ូខ្សាច់
ភ្នំពេញ ៖ នៅរសៀលថ្ងៃសុក្រ ទី២៣ ខែឧសភា ឆ្នាំ២០២៤ លោក ជិន ប៊ុនធឿន អភិបាល នៃគណៈអភិបាលខណ្ឌឫស្សីកែវ បានអញ្ជើញចុះត្រួតពិនិត្យ និងដោះស្រាយបញ្ហាទឹកលិចផ្ទះបងប្អូនប្រជាពលរដ្ឋមួយគ្រួសារស្ថិតក្នុងសង្កាត់ច្រាំងចំរេះទី១ ដែលបានអះអាងថាបណ្តាលមកពីមានទឹកហូរចេញពីដេប៉ូខ្សាច់ដែលនៅជាប់នឹងរបងផ្ទះ។
លោក ជិន ប៊ុនធឿន អភិបាលខណ្ឌឬស្សីកែវ បានឱ្យដឹងថា ករណីគ្រួសារខាងលេីនេះ លោកធ្លាប់បានចុះជួប និងពិនិត្យដោះស្រាយបញ្ហាទឹកហូរច្រោះកាត់ផ្ទះនេះម្តងរួចមកហេីយ កាលពី១ខែមុន បេីតាមការត្រួតពិនិត្យជាក់ស្ដែងឃេីញថា ដេប៉ូខ្សាច់ខាងលេីបានបិទឈប់ធ្វេីសកម្មភាពអាជីវកម្មរយៈពេល០៤ឆ្នាំមកហេីយ និងបច្ចុប្បន្នជាដីទំនេរដែលមានក្បាលដីនៅជាប់ជាមួយផ្លូវជាតិលេខ៥។
ចំណែកឯផ្ទះបងប្អូនប្រជាពលរដ្ឋខាងលេីនេះ ជាផ្ទះដែលបានសាងសង់នៅលេីដីចំណីទន្លេ ស្ថិតនៅក្នុងតំបន់មិនរៀបរយ នាពេលកន្លងមកផ្ទះបងប្អូនប្រជាជននៅតំបន់នេះជួបគ្រោះអគ្គិភ័យឆេះផ្ទះអស់ និងបានសាងសង់ផ្ទះថ្មី ហេីយគ្រួសារខាងលេីនេះក៏បានសាងសង់ផ្ទះឡេីងវិញផងដែរ តែជាផ្ទះនៅផ្ទាល់ដី លេីទំនាបច្រាំងទន្លេសាប។
ដូច្នេះផ្ទះខាងលេីមាននីវ៉ូទាបជាងផ្ទះដែលនៅជុំវិញដែលបណ្តាលឱ្យទឹកហូរកាត់ផ្ទះចូលទៅទន្លេសាប ដោយសារតែផ្ទះផ្សេងៗជុំវិញបានចាក់ដី និងសាងសង់ឡេីងវិញខ្ពស់បន្ទាប់ពីមានករណីអគ្គិភ័យឆាបឆេះនៅឆ្នាំ២០២៤កន្លងមក។
ជាដំណោះស្រាយ លោកអភិបាលខណ្ឌ បានសម្រេចចំណាយថវិកាជួយកែសម្រួលកន្លែងស្នាក់នៅបងប្អូនប្រជាពលរដ្ឋខាងលេីឱ្យខ្ពស់ផុតពីដីជៀសវាងទឹកលិចហូរច្រោះកាត់ផ្ទះដែលនាំអោយប៉ះពាល់ដល់បញ្ហាសុខភាព និងការពារហានិភ័យផ្សេងៗ៕
ដោយ ៖ សំណាង
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ