កីឡា

លោក Muñoz ចាត់ទុកការប្រកួតវគ្គផ្តាច់ព្រ័ត្រ ពានសម្តេចតេជោ រដូវកាលមុនជាការប្រកួតគួរឲ្យចងចាំបំផុត

បានផុស

១ year មុន

នៅ

ថ្ងៃសៅរ៍ ២៤ ឧសភា ២០២៥

ដោយ

លោក Pep Muñoz នឹងចាកចេញពីក្លិបបាល់ទាត់ព្រះខ័នរាជស្វាយរៀងនៅចុងបញ្ចប់រដូវកាល២០២៤-២៥ ហើយការប្រកួតវគ្គផ្តាច់ព្រ័ត្រពានរង្វាន់សម្តេចតេជោ ហ៊ុន សែន រដូវកាល២០២៤-២៥ជាការដឹកនាំចុងក្រោយរបស់លោក។

លោក Pep Muñoz ឈ្នះពានគ្រូល្អពានសម្តេចតេជោ រដូវកាលមុន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងរយៈពេលពីររដូវកាលនេះ គ្រូបង្វឹកសញ្ជាតិអេស្ប៉ាញបានរួមចំណែកយ៉ាងធំធេងឲ្យក្លិប ព្រះខ័នរាជស្វាយរៀង ទទួលបានជោគជ័យទាំងការប្រកួតពានរង្វាន់ក្នុងស្រុក និងអន្តរជាតិ។ លោកបានជួយក្លិបឈ្នះជើងឯកលីគកំពូលកម្ពុជាពីររដូវកាលជាប់គ្នា (២០២៣-២៤ និង២០២៤-២៥), ឈ្នះពានបើករដូវកាល ខេមបូឌានស៊ុបភើខាប់២០២៤, ឈ្នះពានសម្តេចតេជោ ហ៊ុន សែន លើកទី១៧ រដូវកាល២០២៣-២៤ និងទទួលបានចំណាត់ថ្នាក់លេខ២ពានរង្វាន់អាស៊ី AFC Challenge League រដូវកាល២០២៤-២៥។

ព្រះខ័នរាជស្វាយរៀង ឈ្នះពានគ្រូល្អពានសម្តេចតេជោ រដូវកាលមុន

គិតត្រឹមថ្ងៃទី២៤ ខែឧសភា ឆ្នាំ២០២៥ លោកបានដឹកនាំព្រះខ័នរាជស្វាយរៀងចំនួន ៨៨ ប្រកួត គឺឈ្នះ ៦៧ ប្រកួត ស្មើ ៨ ប្រកួត និងចាញ់ ១៣ ប្រកួត។ ក្នុងចំណោមការប្រកួតទាំងអស់នេះមានភាពរំជើបរំជួល រំភើបរីករាយ និងអស្ចារ្យជាច្រើនរវាងក្រុមការងារគ្រូបង្វឹក ក្រុមកីឡាករ ថ្នាក់ដឹកនាំ និងអ្នកគាំទ្រ។

លោក Muñoz លើកដៃក្រោយឈ្នះ ពានសម្តេចតេជោ រដូវកាលមុន

យ៉ាងណា ក្នុងសន្និសីទសារព័ត៌មាននៅព្រឹកថ្ងៃទី ២៤ ខែឧសភា ឆ្នាំ ២០២៥ មុនការប្រកួតវគ្គផ្តាច់ព្រ័ត្រពានរង្វាន់សម្តេចតេជោ ហ៊ុន សែន លើកទី១៨ លោក Pep Muñoz បានចាត់ទុកការប្រកួតវគ្គផ្តាច់ព្រ័ត្រ ពានរង្វាន់សម្តេចតេជោ ហ៊ុន សែន លើកទី១៧ កាលពីរដូវកាលមុនគឺជាការប្រកួតដ៏អស្ចារ្យគួរឲ្យចងចាំបំផុតសម្រាប់លោក ពីព្រោះការប្រកួតនោះគឺជាការឈ្នះជើងឯកលើកដំបូងរបស់លោកក្នុងការដឹកនាំក្លិបរបស់កម្ពុជា ហើយការប្រកួតដ៏អស្ចារ្យនៅចំពោះអ្នកគាំទ្ររាប់ពាន់នាក់ក្នុងពហុកីឡដ្ឋានជាតិអូឡាំពិក៕

អត្ថបទ៖ វីរបុត្រ

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា