ព័ត៌មានអន្ដរជាតិ
របបយោធាមីយ៉ាន់ម៉ាប្រកាសពន្យារបទឈប់បាញ់រយៈពេលមួយខែម្តងទៀត
របបយោធាមីយ៉ាន់ម៉ាបានប្រកាសបន្តពន្យាបទឈប់បាញ់មនុស្សធម៌រហូតដល់ថ្ងៃទី ៣០ខែមិថុនា បន្ទាប់ពីគ្រោះរញ្ជួយដីដ៏ខ្លាំងកាលពីចុងខែមីនា ដែលបំផ្លិចបំផ្លាញហេដ្ឋារចនាសម្ព័ន្ធប្រទេសនេះយ៉ាងធ្ងន់ធ្ងរ និងសម្លាប់មនុស្សរាប់ពាន់នាក់។ នេះបើយោងតាមការចេញផ្សាយរបស់សារព័ត៌មាន CNA កាលពីថ្ងៃទី០១ខែមិថុនា។
ដើមឡើយរបបយោធា បានប្រកាសថា នឹងគាំទ្រកិច្ចខិតខំប្រឹងប្រែងសង្គ្រោះ និប្រកាសបទឈប់បាញ់ដែលត្រូវបានកំណត់ថានឹងផុតកំណត់នៅថ្ងៃទី ៣១ខែឧសភា ប៉ុន្តែឥឡូវនេះត្រូវបានអូសបន្លាយពេលដើម្បីជួយដល់ការកសាងឡើងវិញដែលកំពុងបន្តនៅក្នុងតំបន់ដែលរងផលប៉ះពាល់។
នៅក្នុងគ្រោះរញ្ជួយដីដ៏ធ្ងន់ធ្ងរនៅក្នុងប្រទេសមីយ៉ាន់ម៉ាមាន មនុស្ស ៤,៤៩៣ នាក់បានស្លាប់ និង ១១,៣៦៦ នាក់ទៀតបានរងរបួស បើយោងតាមទិន្នន័យដែលចងក្រងដោយសំឡេងប្រជាធិបតេយ្យភូមា ។ ប៉ុន្តែបើយោងតាមក្រុមប្រឹក្សារដ្ឋបាលរដ្ឋដឹកនាំដោយរបបយោធា បាននិយាយថា មនុស្ស ៣,៧៧០ នាក់បានស្លាប់ ១០៦នាក់កំពុងបាត់ខ្លួន និង ៥,១០៦ នាក់ផ្សេងទៀតបានរងរបួស។
ទោះបីជាមានបទឈប់បាញ់ក៏ដោយ អ្នកឃ្លាំមើលជម្លោះក្នុងប្រទេសនេះ បានរាយការណ៍ថា នៅតែមានការប្រយុទ្ធគ្នា និងការវាយប្រហារតាមអាកាសជាប្រចាំដោយរបបសឹកមីយ៉ាន់ម៉ា។ របបយោធាអះអាងថា ការពន្យារពេលនេះក៏នឹងគាំទ្រដល់ការរៀបចំសម្រាប់ការបោះឆ្នោតសកល «សេរី និងយុត្តិធម៌» ដែលគ្រោងធ្វើនៅខែធ្នូចុងឆ្នាំនេះ និងមករាឆ្នាំ២០២៦ ដែលជាលើកទីមួយចាប់តាំងពីរដ្ឋប្រហារឆ្នាំ ២០២១។ លើសពីនេះកុ្រមយោធា បានព្រមានថា ខ្លួននឹងនៅតែសងសឹកនឹងការវាយប្រហារដោយក្រុមប្រដាប់អាវុធជនជាតិភាគតិច និងកម្លាំងប្រឆាំងរដ្ឋប្រហារ។
គួរបញ្ជាក់ផងដែរថា ការប្រកាសបន្តបទឈប់បាញ់នេះធ្វើឡើងបន្ទាប់ពីមានការអំពាវនាវពីប្រទេសម៉ាឡេស៊ីដែលជាប្រធានអាស៊ានដើម្បីពង្រីកបទឈប់បាញ់លើសពីតំបន់ដែលរងគ្រោះដោយគ្រោះរញ្ជួយដី។ ទោះបីយ៉ាងណា កិច្ចខិតខំប្រឹងប្រែងរបស់អាស៊ានក្នុងការសម្រុះសម្រួលសន្តិភាពក្នុងប្រទេសមីយ៉ាន់ម៉ា នៅតែមិនទទួលបានជោគជ័យច្រើននៅឡើយ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ