ព័ត៌មានជាតិ

អាជ្ញាធរខណ្ឌពោធិ៍សែនជ័យ ចុះបូមស្តារប្រព័ន្ធលូជូនប្រជាពលរដ្ឋ ក្នុងសង្កាត់ត្រពាំងក្រសាំង

បានផុស

១ ថ្ងៃ មុន

នៅ

ថ្ងៃពុធ ១៦ កក្កដា ២០២៥

ដោយ

កាលពីព្រឹកថ្ងៃទី ១៦ ខែកក្កដា ឆ្នាំ ២០២៥ នេះ លោក ប៉ាង លីដា អភិបាលរងខណ្ឌពោធិ៍សែនជ័យ បានដឹកនាំកម្លាំងចុះបូមស្តារប្រព័ន្ធលូជូនប្រជាពលរដ្ឋក្នុងមូលដ្ឋានសង្កាត់ត្រពាំងក្រសាំង ដើម្បីបញ្ចៀសប្រព័ន្ធទឹកហូរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ាង លីដា អភិបាលរងខណ្ឌទទួលបន្ទុកខាង សណ្ដាប់ធ្នាប់ អនាម័យ និងបរិស្ថាន បានឲ្យដឹងថា ក្រៅពីការឈូសឆាយពង្រីកផ្លូវមួយខ្សែ ចាប់ពីផ្លូវមហាវិថីឈ្នះឈ្នះ រហូតទៅដល់សាលាសង្កាត់ត្រពាំងក្រសាំង លោកក៏បានឆ្លៀតពេលដើម្បីមើលប្រព័ន្ធលូ។ ក្នុងនោះ ឃើញថា ប្រព័ន្ធលូនៅតំបន់មួយចំនួនក្នុងមូលដ្ឋានសង្កាត់ត្រពាំងក្រសាំងស្ទះចរន្តទឹកហូរយឺត ពិបាកដល់ប្រជាពលរដ្ឋ ទើបលោកដាក់រថយន្តបូមលូមកបូមស្តារប្រព័ន្ធលូយកកាកសំណល់ចេញ ដើម្បីសម្រួលចរន្តទឹកឲ្យបានហូរលឿន។

លោកអភិបាលរងខណ្ឌពោធិ៍សែនជ័យ បានសំណូមពរដល់ប្រជាពលរដ្ឋទាំងអស់ សូមមេត្តាវេចខ្ចប់ទុកដាក់សំរាមឲ្យបានត្រឹមត្រូវ ជៀសវាងបោះចោលគ្មានសណ្ដាប់ធ្នាប់អាចធ្លាក់ ឬ ហើរចូលប្រព័ន្ធលូងាយនឹងស្ទះចរន្តទឹកហូរ។ បន្ថែមនោះ លោកក៏បានអរគុណដល់ប្រជាពលរដ្ឋទាំងអស់ដែលបានចូលរួមសហការ៕

អត្ថបទ ៖ សុខា