ព័ត៌មានអន្ដរជាតិ
យោធាមីយ៉ាន់ម៉ា វាយប្រហារតាមអាកាសសម្លាប់ជនស៊ីវិលនិងអ្នកទោស២៤នាក់នៅ Mandalay
កាលពីថ្ងៃទី ២៩ ខែកក្កដា យោធាមីយ៉ាន់ម៉ាបានធ្វើការវាយប្រហារតាមអាកាសនៅទីក្រុង Singu ក្នុងតំបន់ Mandalay ដោយបានសម្លាប់មនុស្សយ៉ាងហោចណាស់ ២៤នាក់ និងជាង ៣០ នាក់រងរបួស បើយោងតាមកងកម្លាំងការពារប្រជាជន Mandalay (MDY-PDF) ។
យោងតាមការចេញផ្សាយរបស់ Mizzima News ការវាយប្រហារនោះបានកំណត់គោលដៅលើតំបន់ដែលគ្រប់គ្រងដោយកងកម្លាំងប្រឆាំងរដ្ឋាភិបាលរួមមានប៉ុស្តិ៍ប៉ូលិស Letpanhla និងភូមិ Shwepantaw។ នៅប៉ុស្តិ៍ប៉ូលិស Letpanhla អ្នកជាប់ឃុំចំនួន ២២ នាក់ មានបុរស ២១ នាក់ និងស្ត្រីម្នាក់ ត្រូវបានសម្លាប់ក្នុងការធ្វើការវាយប្រហារនិងរាប់សិបនាក់ទៀតរងរបួស។ ចំណែកការវាយប្រហារដាច់ដោយឡែកមួយទៀតនៅក្នុងភូមិ Shwepantaw បានឆក់យកជីវិតបុរសម្នាក់ និងស្ត្រីក្នុងម្នាក់ទៀត។
មុនការវាយប្រហារនេះ កាលពីថ្ងៃទី២៩ ខែមិថុនា យោធាមីយ៉ាន់ម៉ាក៏បានទម្លាក់គ្រាប់បែកលើសង្កាត់ Pyi Soe Aung ក្នុងភូមិ Letpanhla ដោយសម្លាប់ស្ត្រីអាយុ ៤០ឆ្នាំម្នាក់។
ឥឡូវនេះក្រុមបដិវត្តន៍កំពុងជំរុញសហគមន៍ឱ្យរៀបចំសម្រាប់ការពារការវាយប្រហារនាពេលអនាគតដោយការកសាងកនលែងការពារគ្រាប់បែកនៅតាមគេហដ្ឋាន សាលារៀន និងគ្លីនិក ខណៈយោធានៅតែបន្តយុទ្ធនាវាយប្រហារដោយហិង្សារបែបនេះ។
គួរបញ្ជាក់ថាទោះបីជារបបយយោធាប្រកាសបញ្ចប់ការដាក់ប្រទេសក្នុងគ្រាអាសន្ននិងត្រៀមរៀបចាំការបោះឆ្នោតក៏ដោយ ក៏ការវាយប្រហារនៅទូទាំងប្រទេសជាពិសេសការវាយប្រហារតាមអាកាសនៅតែកើតមាន សម្លាប់ជនស៊ីវិលរាប់សិបនាក់ស្ទើជារៀងរាល់ថ្ងៃ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ