មន្ទីរព័ត៌មានខេត្តកំពង់ចាម បើកយុទ្ធនាការប្រយុទ្ធប្រឆាំងព័ត៌មានក្លែងក្លាយ ដើម្បីបញ្ជ្រាបការយល់ដឹងដល់ពលរដ្ឋ

ដើម្បីចូលរួមទប់ស្កាត់ប្រយុទ្ធប្រឆាំងនឹងព័ត៌មានក្លែងក្លាយ មន្ទីរព័ត៌មានខេត្តកំពង់ចាម ដឹកនាំដោយលោកស្រី សម ផល្លា ប្រធានមន្ទីរ បានចុះធ្វើយុទ្ធនាការផ្សាព្វផ្សាយបញ្ជ្រាបការយល់ដឹងអំពីព័ត៍មានក្លែងក្លាយនៅតាមសាលារៀន អាហារដ្ឋាន និងទីសាធារណៈផ្សេងៗ ក្រោមពាក្យស្លោក «និយាយថាទេចំពោះព័ត៌មានក្លែងក្លាយ»។

បើតាមលោកស្រីប្រធានមន្ទីរបានឱ្យដឹងថា យុទ្ធនាការនេះ ពិតជាសំខាន់ ហើយក្រុមការងារនឹងបន្តចុះធ្វើនៅគ្រប់បណ្តាក្រុង-ស្រុកនៅទូទាំងខេត្តកំពង់ចាម។

លោកស្រីប្រធានមន្ទីរបានបញ្ជាក់ថា យុទ្ធនាការ «និយាយថាទេចំពោះព័ត៌មានក្លែងក្លាយ» ត្រូវបានរៀបចំឡើងក្នុងគោលបំណងកាត់បន្ថយជាអតិបរមានូវរាល់ប្រភេទព័ត៌មានក្លែងក្លាយ និងឈានទៅលុបបំបាត់ព័ត៌មានក្លែងក្លាយពីលំហព័ត៌មាន ក្នុងសង្គមកម្ពុជា សំដៅធានាសន្តិសុខព័ត៌មាន ពោលគឺការទទួលព័ត៌មានប្រកបដោយគុណភាព និង សុវត្ថិភាព ជូនប្រជាពលរដ្ឋកម្ពុជានៅទូទាំងប្រទេស៕

អត្ថបទ​​៖​ ឡេក​ ចាន់ពេជ្រ