កីឡា

លោក គង់ សុភាព ជឿជាក់លើក្រុមទូកនាគកម្ពុជានឹងឈ្នះមេដាយនៅ World Games ឯប្រទេសចិន

បានផុស

១០ ខែ មុន

នៅ

ថ្ងៃពុធ ៦ សីហា ២០២៥

ដោយ

លោក គង់ សុភាព ដែលជាគ្រូបង្វឹកជម្រើសជាតិ ថាលោកជឿជាក់ក្រុមកីឡាករ កីឡាការិនី ទូកនាគរបស់កម្ពុជានឹងអាចឈ្នះមេដាយក្នុងកម្រិតណាមួយនៅការប្រកួត World Games ដែលធ្វើឡើងឯប្រទេសចិន ចាប់ពីថ្ងៃទី៦ ដល់ ១១ ខែសីហា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពក្រុមកីឡាទូកនាគកម្ពុជា

គ្រូជំនួយជម្រើសជាតិសហព័ន្ធកីឡាទូកកានូ និងរ៉ូអ៊ីងកម្ពុជាខាងលើបានឲ្យដឹងថា បន្ទាប់ពីក្រុមទូកនាគជាប់ក្នុងវគ្គជម្រុះកាលពីឆ្នាំ២០២៤ នៅឯប្រទេសហ្វីលីពីនរួចមក សហព័ន្ធបានដាក់គោលដៅឆ្ពោះទៅរកមេដាយកម្រិតណាមួយនៅវគ្គផ្ដាច់ព្រ័ត្រឆ្នាំ២០២៥ ឯប្រទេសចិនលើកនេះ។

ទិដ្ឋភាពក្រុមកីឡាទូកនាគកម្ពុជា

លោក គង់ សុភាព បញ្ជាក់ទៀតថា សហព័ន្ធបានផ្ដោតខ្លាំង និងតាមដានជាប់លាប់លើការហ្វឹកហាត់ វិន័យរបស់កីឡាករ កីឡាការិនីជានិច្ចតាំងពីជាប់វគ្គជម្រុះឆ្នាំ២០២៤ រហូតមក។ ការហ្វឹកហាត់មានភាពល្អប្រសើរ និងកើនសមត្ថភាពជាបន្តបន្ទាប់ ស្របពេលការតេស្តសមត្ថភាពកន្លងទៅនេះមើលឃើញថាក្រុមកម្ពុជាមានស្ថិតិនាទី (Record) ល្អឈានដល់កម្រិតទទួលបានមេដាយហើយ។

ដូច្នេះក្នុងប្រកួតជើងឯកពិភពលោក (World Games) នៅប្រទេសចិនលើកនេះលោកសង្ឃឹមជឿជាក់ខ្ពស់លើក្រុមកម្ពុជាបើមិនមានអ្វីប្រែប្រួលនោះ។ យ៉ាងណាកម្ពុជាក៏នឹងត្រូវធ្វើការធ្ងន់ផងដែរជាមួយប្រទេសឥណ្ឌូណេស៊ី និងចិនដែលជាម្ចាស់ផ្ទះដែលមានសមត្ថភាពល្អជាងគេ។

លោក គង់ សុភាព

បញ្ជាក់ដែរថា ក្រុមជម្រើសជាតិកីឡាទូកនាគកម្ពុជា កំពុងធ្វើដំណើរទៅចូលរួមការប្រកួតជើងឯកពិភពលោក (Word Games) នៅទីក្រុម Chengdu ប្រទេសចិន ចាប់ពីថ្ងៃទី៦ ដល់ ១១ ខែសីហា ឆ្នាំ២០២៥។ កម្ពុជាបញ្ជូនកីឡាករ ៦រូប កីឡាការិនី ៦រូប និងប្រតិភូ គ្រូបង្វឹកមានសរុប ១៥នាក់៕

ទិដ្ឋភាពក្រុមកីឡាទូកនាគកម្ពុជា

អត្ថបទដោយ៖ នួន ស៊ីណា

Related Topics:កីឡាទូកកានូ និងរ៉ូអ៊ីង

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា