ព័ត៌មានជាតិ

ការប្រកួតជើងឯកទូកថ្នាក់ជាតិ និងពានរង្វាន់ សម្តេចក្រឡាហោម ស ខេង នឹងធ្វើនៅខេត្តកណ្តាលនាដើមឆ្នាំ២០២១

បានផុស

៤ years មុន

នៅ

ថ្ងៃអង្គារ ២៩ ធ្នូ ២០២០

ដោយ

សហព័ន្ធកីឡាទូកកានូ និងរ៉ូអ៊ីងកម្ពុជា នឹងជ្រើសរើសខេត្តកណ្តាលធ្វើជាម្ចាស់ផ្ទះរៀបចំប្រកួតកីឡាទូកជ្រើសរើសជើងឯកថ្នាក់ជាតិឆ្នាំ២០២០ និងពានរង្វាន់សម្តេច ក្រឡាហោម ស ខេង លើកទី៧ នៅមាត់ទន្លេបាសាក់ ក្រុងតាខ្មៅ រយៈពេល៣ថ្ងៃ ចាប់ពីថ្ងៃទី២៩ ដល់ថ្ងៃទី៣១ ខែមករា ឆ្នាំ២០២១ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស្រ៊ុន លាង អគ្គលេខាធិការរង សហព័ន្ធកីឡាទូកកានូ និងរ៉ូអ៊ីងកម្ពុជា បានបញ្ជាក់ថា ការប្រកួតជើងឯកថ្នាក់ជាតិឆ្នាំ២០២០ និងពានសម្តេចក្រឡាហោម ស ខេង លើកទី៧ សហព័ន្ធគ្រោងនឹងរៀបចំតាំងពីដើមខែធ្នូ ឆ្នាំ២០២០មកម្ល៉េះ ប៉ុន្តែដោយសារព្រឹត្តការណ៍៣វិច្ឆិកា និងព្រឹត្តិការណ៍សហគម២៨វិច្ឆិកា ទើបធ្វើឲ្យសហព័ន្ធសម្រេចពន្យាពេលរង់ចាំស្ថានភាពកូវីដ-១៩ស្ងប់ស្ងាត់ ទើបរៀបចំប្រកួតជាថ្មី ។

អគ្គលេខាធិការរងរូបនេះ អះអាងថា ទោះបីស្ថានភាពជំងឺកូវីដ-១៩ មានការថមថយយ៉ាងណាក្តី ក៏គណៈកម្មការរៀបចំការប្រកួត នៅតែអនុវត្តទៅតាមវិធានសុវត្តិភាពរបស់ក្រសួងសុខាភិបាល និងការណែនាំរបស់ក្រសួងអប់រំ ដោយប្រុងប្រយត្ន័ ដើម្បីទប់ស្កាត់ការពារការឆ្លងការរីករាលដាលជំងឺកូវីដ-១៩ ចូលសហគមន៍ ។

ការប្រកួតកីឡាទូកកានូ និងរ៉ូអ៊ីង ជ្រើសរើសជើងឯកថ្នាក់ជាតិឆ្នាំ២០២០ និងពានរង្វាន់សម្តេចក្រឡាហោម ស ខេង លើកទី៧ គ្រោងនឹងរៀបចំថ្ងៃទី ២៩ ធ្នូដល់ថ្ងៃទី៣១ ខែមករា ឆ្នាំ២០២១ នៅមាត់ទន្លេ ក្រុងតាខ្មៅ ខេត្តកណ្តាល ដោយ មានភូមិភាគចំនួន៥ចូលរួមដូចជា ភូមិភាគនិរតី ភូមិភាគបឹងទន្លេសាប ភូមិភាគវាលរាប ភូមិភាគឦសាន និងភូមិភាគរាជធានីភ្នំពេញ ៕

អត្ថបទ ៖ វិសិទ្ធ

Related Topics:កីឡាទូកកានូ និងរ៉ូអ៊ីង