ដល់ថ្ងៃចូលរោងការទៅហើយ ទើបម្តាយកូនកំលោះដឹងថា កូនក្រមុំជាកូនបង្កើតដែលបាត់ខ្លួនជាង២០ឆ្នាំមុន

ក្នុងពិធីមង្គលការមួយនៅប្រទេសចិន ម្តាយរបស់កូនកំលោះ មានការភ្ញាក់ផ្អើលយ៉ាងខ្លាំងនៅពេលដឹងថា កូនប្រសាររបស់គាត់គឺជាកូនបង្កើតដែលបាត់ជាយូរមកហើយដោយសារតែគាត់ចំណាំស្នាមខ្នៅលើដៃរបស់នាង។

ក្នុងពិធីមង្គលការនៅទីក្រុង Suzhou នៃខេត្ត Jiangsu កាលពីថ្ងៃទី៣១ខែមីនា ម្តាយក្មេកបានឃើញស្នាមខ្នៅនៅលើដៃកូនប្រសារស្រីរបស់គាត់ ស្រដៀងទៅនឹងកូនស្រីដែលបាត់ខ្លួន។

យោងតាមការចុះផ្សាយរបស់សារព័ត៌មានចិនបានឲ្យដឹងថា ស្ត្រីរូបនោះបានទៅជួបឪពុកម្តាយរបស់កូនក្រមុំ ដើម្បីសួរថាតើពួកគេបានយកកូនស្រីរបស់គាត់កាលពីជាង២០ឆ្នាំមុនដែរឬទេ។

ក្រុមគ្រួសារមានការភ្ញាក់ផ្អើលចំពោះសំណួរនេះ ព្រោះវាជាអាថ៌កំបាំងអស់រយៈពេលជាច្រើនឆ្នាំមកហើយ ប៉ុន្តែបានបង្ហើបថា ពួកគេបានប្រទះឃើញក្មេងស្រីម្នាក់នៅតាមចិញ្ចើមផ្លូវតាំងពីយូរមកហើយ ហើយនាងបាននៅជាមួយពួកគេតាំងពីពេលនោះមក។

គ្រាន់តែឮដំណឹងនេះភ្លាម កូនក្រមុំក៏បានសម្រក់ទឹកភ្នែក។

ទោះបីជាយ៉ាងណាក៏ដោយ រឿងនេះមិនបានបង្អាក់កម្មវិធីរៀបមង្គលការនោះទេ ដោយសារតែអាថ៌កំបាំងមួយទៀតត្រូវបានលេចធ្លាយ៖ គឺថាកូនកំលោះគឺជាកូនចិញ្ចឹមរបស់ម្តាយបង្កើតកូនក្រមុំ

យោងតាមសារព័ត៌មាន Oriental Daily បានឲ្យដឹងថា ស្ត្រីរូបនេះបានយកកូនប្រុសម្នាក់មកចិញ្ចឹម បន្ទាប់ពីអស់សង្ឃឹមក្នុងការស្វែងរកកូនស្រីដែលបាត់ខ្លួន។

នាងបានស្វែងរកអស់រយៈពេលជាច្រើនឆ្នាំមកហើយ ប៉ុន្តែគ្មានប្រយោជន៍ឡើយ។

ពិធីមង្គលការបានដំណើរការទៅយ៉ាងរលូន ព្រោះថា កូនកំលោះនិងកូនក្រមុំមិនមែនជាបងប្អូនបង្កើត៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ រឿងរ៉ាវ Facebook មិនអាចដំណើរ​ការនៅប្រទេសចិន