ជីវិតកម្សាន្ដ
អាពាហ៍ពិពាហ៍របស់ Brooklyn និង Nicola ចំណាយលើអ្វីខ្លះទើបអស់ប្រាក់មហាសាល?
គ្រប់ពិធីមង្គលការរបស់គូស្វាមីភរិយាអ្នកមានៗ និងអ្នកមានអំណាចនៅលើពិភពលោកតែងតែក្លាយជាប្រធានបទក្ដៅដែលទទួលបានការចាប់អារម្មណ៍ខ្លាំងពីសាធារណជន។ ជាក់ស្ដែងថ្មីៗនេះ អ្នកនិយមលេងអ៊ីនធឺណិតចាប់អារម្មណ៍យ៉ាងខ្លាំងទៅលើពិធីមង្គលការរបស់កូនប្រុសច្បង David Beckham ដែលបានប្រារព្ធនៅសហរដ្ឋអាមេរិក។
ប្រភពព័ត៌មានអង់គ្លេសបានធ្វើស្ថិតិអំពីទិន្នន័យហិរញ្ញវត្ថុដែលប្រើប្រាស់ក្នុងពិធីមង្គលការរបស់ Brooklyn និង Nicola ហើយក្រោយចេញលទ្ធផល គ្រប់គ្នាមានការភ្ញាក់ផ្អើលមែនទែន នៅពេលដឹងថា ពិធីមង្គលការនេះចាយអស់ប្រាក់រាប់សិបលានដុល្លារ។
តម្លៃភោជនីយអាហារ
ពិធីមង្គលការរបស់គូស្នេហ៍ល្បីលើពិភពលោក Brooklyn Beckham និង Nicola Peltz បានប្រព្រឹត្តទៅរយៈពេល ៣ថ្ងៃ ២យប់ ចាប់ពីថ្ងៃទី ៩-១១ ខែមេសា ឆ្នាំ២០២២ នៅរដ្ឋផ្លរីដា សហរដ្ឋអាមេរិក។ ទោះបីជាភ្ញៀវដែលចូលរួមមានប្រហែល ៣០០នាក់ពិតមែន ក៏ពិធីនេះត្រូវបាន Mail Daily ទម្លាយថា គ្រាន់តែលើភោជនីយអាហារ ចំណាយប្រាក់ដល់ទៅ ៣.៥-៣.៩លានដុល្លារអាមេរិក។
តម្លៃលើការតុបតែង
ពិធីរៀបអាពាហ៍ពិពាហ៍របស់ Brooklyn និង Nicola ត្រូវបានតុបតែងលម្អដោយផ្កាស្រស់ និងដើមឈើពិតៗ យ៉ាងប្រណីតបំផុត ក្នុងវិមានដ៏ស្កឹមស្កៃរបស់ឪពុកខាងស្រី ខណៈទឹកប្រាក់ដែលចំណាយមានជាង ២,៩៧០,០០០ដុល្លារអាមេរិក។
តម្លៃនៃវិមានដែលប្រារព្ធពិធី
អ្វីដែលមហាជនបើកភ្នែកធំៗ និងកោតសរសើរបំផុតក្នុងពិធីរៀបការរយៈពេល៣ថ្ងៃរបស់ Brooklyn និង Nicola គឺកន្លែងរៀបចំពិធីនេះតែម្ដង។ អាពាហ៍ពិពាហ៍ដ៏អធិកអធមនេះត្រូវបានប្រារព្ធឡើងនៅបរិវេណដី និងវិមានរបស់ឪពុកកូនក្រមុំ ដែលតម្លៃរបស់វាគឺ ១០៣លានដុល្លារអាមេរិក។
អំណោយអាពាហ៍ពិពាហ៍
ក្រោយដឹកដៃគ្នាចូលរួមមង្គលការកូនប្រុស គូស្នេហ៍ Victoria និង David Beckham បានជូនកាដូអាពាហ៍ពិពាហ៍ដ៏មានអត្ថន័យដល់កូនទាំងពីរផងដែរ។ គេបានដឹងថា គូស្នេហ៍តារាមួយគូនេះ បានរៀបចំឲ្យកូនប្រុសនិងកូនប្រសានូវរថយន្តមួយគ្រឿង ដែលមានតម្លៃប្រហែល ៥០ម៉ឺនដុល្លារអាមេរិក។
គួរបញ្ជាក់ថា ចំណាយដែលបានរៀបរាប់ខាងលើ មិនបានរាប់បញ្ចូលនូវឈុតអាពាហ៍ពិពាហ៍របស់កូនកំលោះកូនក្រមុំឡើយ។ ចំណែកថ្លៃគ្រឿងអលង្ការ សម្អាងការ និងចំណាយផ្សេងទៀត ក៏មិនទាន់រាប់បញ្ចូលដែរ៕
ប្រែសម្រួល៖ សន្យា
ចុចអាន៖ ទម្លាយទ្រព្យមហាសាល នៃឪពុកកូនក្រមុំដែលរៀបការកក្រើក អាមេរិក និងជាដន្លង David Beckham
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ