ជីវិតកម្សាន្ដ
មង្គលការក្មួយស្រីមហាសេដ្ឋី ឥណ្ឌា ធ្វើឱ្យកក្រើកចក្រភពអង់គ្លេស
ថ្មីៗនេះសាច់ញាតិរបស់ត្រកូល Ambani មហាសេដ្ឋីនៃប្រទេសឥណ្ឌា ទើបតែរៀបចំពិធីមង្គលការលើកទីពីរ នៅឯភូមិគ្រឹះដ៏ស្កឹមស្កៃមួយ ក្នុងចក្រភពអង់គ្លេស ដែលវាជាទីកន្លែងដ៏ប្រណីតបំផុត ហើយមានតម្លៃរាប់សិបលានដុល្លារឯណោះ។
បើនិយាយដល់គ្រួសារដែលមានបំផុត និងរីករាយបំផុតនៅក្នុងពិភពលោក គ្រប់គ្នាមិនអាចមើលរំលងត្រកូល Ambani មកពីប្រទេសឥណ្ឌាបាននោះទេ។ ជាមួយនឹងអាណាចក្រជំនួញមានតម្លៃរាប់ពាន់លានដុល្លាដែលបង្កើតឡើងដោយមហាសេដ្ឋី Mukesh Ambani សមាជិកម្នាក់ៗនៃគ្រួសារនេះ រស់នៅក្នុងជីវិតដ៏ប្រណីត និងអស្ចារ្យតាំងពីកំណើតមកម្ល៉េះ។ ព្រឹត្តិការណ៍មួយក្នុងចំណោមព្រឹត្តិការណ៍ធំបំផុតនៃត្រកូល Ambani គឺជាពិធីមង្គលការប្រណីតនេះឯង ព្រោះកាលពីពេលកន្លងទៅ គ្រួសារនេះធ្លាប់រៀបការកូនស្រីចំណាយអស់ប្រាក់រាប់លាន រហូតដល់បំបែកកំណត់ត្រាពិភពលោកទៀតផង ហើយថ្មីៗនេះក្មួយស្រីមហាសេដ្ឋី Mukesh Ambani បានរៀបចំពិធីមង្គលការដ៏អធិមអធម ផ្អើលអស់មហាជននៅចក្រភពអង់គ្លេស។
គេដឹងថា ក្មួយស្រីរូបនោះឈ្មោះ Isheta Salgaocar។ នាងធ្លាប់រៀបការជាមួយអ្នកច្នៃម៉ូដគ្រឿងអលង្ការដ៏ល្បីល្បាញកាលពីឆ្នាំ២០១៦ ប៉ុន្តែមិនបានប៉ុន្មានផង អ្នកទាំងពីរប្រកាសលែងលះដោយសារបញ្ហារស់នៅមិនចុះសម្រុង។ មិនយូរប៉ុន្មាន ក្រោយពីបែកគ្នាជាមួយស្វាមីដំបូង Isheta ចាប់ផ្តើមមានទំនាក់ទំនងស្នេហាជាមួយក្មួយប្រុសអ្នកជំនួញ Lakshmi Niwas Mittal – Atulya Mittal និងសម្រេចចិត្តកាន់ដៃគ្នាចូលរោងការ នៅថ្ងៃទី១១ ខែកក្កដា ឆ្នាំ២០២២។
ដូច្នោះហើយ ពិធីជប់លៀងត្រូវបានប្រារព្ធឡើងនៅឯភូមិគ្រឹះ Stoke Park Palace មានទំហំប្រមាណ ៣០០ហិចតា ដែលវាជាអចលនទ្រព្យទិញដោយមហាសេដ្ឋី Mukesh ក្នុងតម្លៃ ៧៣លានដុល្លារ នៅចក្រភពអង់គ្លេស កាលពីឆ្នាំមុន។ ថ្វីត្បិតតែតម្លៃសម្រាប់ពិធីជប់លៀងមង្គលការទាំងមូលមិនទាន់ទម្លាយជាសាធារណៈ ដូចកាលពីមុនក៏ដោយ ប៉ុន្តែតាមរូបភាពដែលបានបង្ហោះដោយភ្ញៀវចូលរួមក្នុងពិធី គេអាចមើលឃើញថាចំនួននេះមិនតិចនោះទេ។
មិនត្រឹមតែប្រារព្ធពិធីនៅទីតាំងដ៏ប្រណីតបំផុតក្នុងចំណោមមហាសេដ្ឋីប៉ុណ្ណោះទេ ភ្ញៀវដែលមកចូលរួមសុទ្ធសឹងជាអ្នកជំនួញល្បីៗ និងតារាបូលីវូដផងដែរ។ ជាពិសេស វត្តមានរបស់លោកស្រី Kokilaben Ambani ដែលជាម្តាយបង្កើតរបស់មហាសេដ្ឋី Mukesh Ambani បានធ្វើឱ្យពិធីជប់លៀងកាន់តែមានភាពឧឡារិក និងទាក់ទាញ៕
ប្រែសម្រួល៖ សន្យា
ចុចអាន៖ រឿងរ៉ាវមង្គលការចំណាយច្រើនជាងគេលើលោក ដែលបានបំបែកឯកទគ្គកម្ម Guinness
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore