ខេត្តថៃចំនួន ១១ ប្រកាសអាសន្នទឹកជំនន់ ដោយសារទឹកទន្លេចៅប្រាយ៉ាហក់ឡើងខ្លាំង

យោងតាមការចេញផ្សាយរបស់សារព័ត៌មាន Khaosod នៅថ្ងៃទី២១ខែសីហានេះ ទំនប់ទឹកទន្លេ​ចៅប្រាយ៉ា​បាន​បង្កើន​ការ​បញ្ចេញ​ទឹក​ដល់ ១,៣ ម៉ែត្រ​គូបក្នុង​មួយ​វិនាទី ធ្វើឲ្យនាយកដ្ឋានធារាសាស្ត្រថៃព្រមានដល់ខេត្តចំនួន ១១ នៅតំបន់ទំនាបឲ្យត្រៀមទប់ទល់នឹងទឹកជំនន់ជាបន្ទាន់។

ខេត្ត​ចំនួន ១១ ដែលរងផលប៉ះពាល់រួមមាន Uthai Thani, Chainat, Lopburi, Sing Buri, Ang Thong, Suphan Buri, Ayutthaya, Pathum Thani, Nonthaburi, Samut Prakan និង​ទីក្រុងបាងកក។

អាជ្ញាធរថៃបាននិយាយថា កម្ពស់ទឹកអាចបន្តកើនឡើងពី ១០-២០ សង្ទីម៉ែត្រក្នុងរយៈពេល ២៤ ម៉ោងខាងមុខ ដោយបានជំរុញឱ្យអ្នករស់នៅតាមមាត់ទន្លេ និងអាជីវករឱ្យមានការប្រុងប្រយ័ត្ន។ ប្រជាពលរដ្ឋនៅតំបន់ទំនាប និងមាត់ទន្លេ ជាពិសេសនៅខេត្តAng Thong និង Ayutthaya ត្រូវមានការប្រុងប្រយ័ត្នខ្ពស់ជាងគេ។

លើសពីនេះក៏មានការព្យាករណ៍ថានឹងមានភ្លៀងធ្លាក់ខ្លាំងបន្ថែមទៀតនៅភាគខាងជើងប្រទេសថៃរហូតដល់ថ្ងៃទី ២៦ ខែសីហា ដែលនឹងបង្កើនហានិភ័យទឹកជំនន់បន្ថែមទៀត៕

អត្ថបទ៖ ប៊ុន សុភាព