ព័ត៌មានអន្ដរជាតិ

ទំនិញថៃ កំពុងរលួយក្នុងឃ្លាំងតាមព្រំដែន ខណៈយោធាមីយ៉ាន់ម៉ាបន្តបង្ក្រាបលើការនាំចូល

បានផុស

៩ ខែ មុន

នៅ

ថ្ងៃសុក្រ ២៩ សីហា ២០២៥

ដោយ

យោងតាមការចេញផ្សាយរបស់សារព័ត៌មាន The Irrawaddy ទំនិញថៃកំពុងរលួយក្នុងឃ្លាំងតាមបណ្តោយព្រំដែនថៃជាមួយមីយ៉ាន់ម៉ា ចំពេលយោធាមានការបង្ក្រាបលើពាណិជ្ជកម្មជាមួយប្រទេសជិតខាង បើទោះជារបបសឹកមីយ៉ាន់ម៉ាមិនមានលទ្ធភាពផ្គត់ផ្គង់ប្រជាជនខ្លួនគ្រប់គ្រាន់ក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របបសសឹកមីយ៉ាន់ម៉ាបានបើកការបង្ក្រាបភ្លាមៗ និងតាមអំពើចិត្តលើពាណិជ្ជកម្មតាមព្រំដែនជាមួយប្រទេសថៃ និងចិន ដែលធ្វើឲ្យវិបត្តិសេដ្ឋកិច្ចកាន់តែអាក្រក់សម្រាប់ប្រជាជនសាមញ្ញ។ កាលពីសប្តាហ៍មុន រដ្ឋាភិបាលយោធាបានបិទស្ពានមិត្តភាពថៃ-មីយ៉ាន់ម៉ា លេខ២ ក្នុងទីក្រុង Myawaddy ដែលជាផ្លូវពាណិជ្ជកម្មដ៏មមាញឹកបំផុតមួយ ដោយបញ្ឈប់ការនាំចូលទាំងស្រុង។ អាជីវកររាយការណ៍ពីការត្រួតពិនិត្យកាន់តែខ្លាំង ការផ្អាកអាជ្ញាប័ណ្ណនាំចូល និងតម្លៃជួលឃ្លាំងដែលកើនឡើងខ្ពស់ ខណៈដែលទំនិញស្ទះកកកុញ។

ទោះបីជាការនាំចេញមួយចំនួនត្រូវបានអនុញ្ញាតតាមរយៈច្រកទ្វារជំនួសដូចជា Kawthoung និងTachilek ប៉ុន្តែឈ្មួញអាចនាំចូលបានតែទំនិញដែលមានតម្លៃស្មើនឹងតម្លៃដែលខ្លួនបាននាំចេញប៉ុណ្ណោះ ដោយមិនមានការអនុញ្ញាតបន្ថែមឡើយ។ គយក៏បានធ្វើឱ្យច្បាប់ដឹកទំនិញតាមផ្លូវអាកាសកាន់តែតឹងរ៉ឹង ដូច្នេះពាណិជ្ជករឥឡូវនេះត្រូវដឹកជញ្ជូនក្នុងបរិមាណតិច ដែលធ្វើឲ្យការដឹកជញ្ជូនកាន់តែថ្លៃ។

គួរបញ្ជាក់ថារបបសឹកមីយ៉ាន់ម៉ាអះអាងថា វិធានការនេះមានគោលបំណងបញ្ឈប់ការរត់ពន្ធដែលផ្តល់ជំនួយដល់កងកម្លាំងតស៊ូប្រឆាំងយោធា។ ទោះជាយ៉ាងណាក៏ដោយ អាជីវករជាច្រើនមើលឃើញថាការបង្រ្កាបនេះធ្វើឡើងតាមអំពើចិត្ត និងធ្វើឱ្យខូចគុណភាពទំនិញ ការនាំចូលជាប់គាំង ការចំណាយកើនឡើង និងជីវភាពរស់នៅរបស់ប្រជាជនកាន់តែពិបាក៕

អត្ថបទ៖ ប៊ុន សុភាព

Related Topics:ប្រទេសថៃ ប្រទេសមីយ៉ាន់ម៉ា ទំនិញគេចពន្ធ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា