ព័ត៌មានជាតិ

ក្រុមហ៊ុនអាកាសចរណ៍ ETHIHAD នឹងបើកជើងហោះហើរមកភ្នំពេញនៅដើមខែតុលា

បានផុស

៩ ខែ មុន

នៅ

ថ្ងៃអាទិត្យ ១៤ កញ្ញា ២០២៥

ដោយ

ក្រុមហ៊ុនអាកាសចរណ៍ប្រទេសអារ៉ាប់រួម ETHIHAD នឹងបើកជើងហោះហើរត្រង់ពីរដ្ឋធានីអាប៊ុយដាប៊ី មកកាន់រាជធានីភ្នំពេញចាប់ពីថ្ងៃទី៣ ខែតុលា ឆ្នាំ២០២៥ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសទទួលជួបជាមួយនាយកគ្រប់គ្រងតំបន់អាសុីរបស់ក្រុមហ៊ុន Etihad Airways លោក Charles Tan កាលពីថ្ងៃទី១២ ខែកញ្ញា លោករដ្ឋមន្រ្តីទេសចរណ៍ ហួត ហាក់ បានវាយតម្លៃខ្ពស់ដល់ក្រុមហ៊ុន Ethihad ដែលបានមើលឃើញពីសក្តានុពលទេសចរណ៍ដ៏ខ្លាំងក្លាដែលជាទីផ្សារទើបនឹងរះ និងការជឿជាក់លើការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់រាជរដ្ឋាភិបាលកម្ពុជា។

លោកថា៖ «ការសម្រេចបើកការហោះហេីរត្រង់ពីទីក្រុង Abu Dhabi នៃប្រទេសអារ៉ាប់រួមមកកាន់អាកាសយានដ្ឋានអន្តរជាតិតេជោ ចាប់ពីថ្ងៃទី៣ ខែតុលា ឆ្នាំ២០២៥ ដែលពិតជាជួយឱ្យកំណើនអ្នកដំណើរ និងភ្ញៀវទេសចរអន្តរជាតិមកកម្ពុជាកាន់តែច្រើនឡើង»។

ការបើកជើងហោះហើរត្រង់មកកម្ពុជានៅពេលនេះគឺបន្ទាប់បីកម្ពុជាទើបតែបើកដាក់ឱ្យដំណើរការអាកាសយានដ្ឋាន 4E ធំមួយក្នុងពិភពលោកកាលពីថ្ងៃទី៩ ខែកញ្ញា ឆ្នាំ២០២៥កន្លងទៅ។

កាលពីចុងឆ្នាំ២០២៤ ក្រុមហ៊ុនអាកាសចរណ៍ ETHIHAD បានប្រកាសពីទិសដៅថ្មីរបស់ខ្លួនក្នុងឆ្នាំ២០២៥ ដោយនឹងចាប់ផ្ដើមហោះហើរពីអាប៊ុយដាប៊ីមកភ្នំពេញនៅត្រីមាសទី៤ ឆ្នាំ២០២៥ ហោះហើរ៥ជើងក្នុងមួយសប្ដាហ៍ ជារៀងរាល់ថ្ងៃច័ន្ទ អង្គារ៍ ព្រហស្បតិ៍ សុក្រ និងថ្ងៃសៅរ៍៕