ព័ត៌មានជាតិ
ម៉ាឡេស៊ី៖ កម្ពុជានិងថៃនឹងបញ្ចប់លក្ខខណ្ឌបង្កើត AOT នៅខែតុលា
ម៉ាឡេស៊ីក្នុងនាមប្រធានអាស៊ាន បានបង្ហាញក្តីសង្ឃឹមថា លក្ខខណ្ឌយោង (TOR) សម្រាប់ការបង្កើតក្រុមអ្នកសង្កេតការណ៍អាស៊ាន (AOT) នឹងត្រូវបានបញ្ចប់ដោយកម្ពុជា និងថៃ នៅក្នុងកិច្ចប្រជុំកំពូលអាស៊ានលើកទី៤៧ នៅទីក្រុងកូឡាឡាំពួរក្នុងខែតុលាខាងមុខនេះ។ នេះយោងតាមសារព័ត៌មានម៉ាឡេស៊ី BERNAMA។
ប៉ុន្តែការលើកឡើង់របស់រដ្ឋមន្ត្រីការបរទេសម៉ាឡេស៊ីក៏កើតឡើងចំថ្ងៃដែលមានសេចក្តីរាយការណ៍ថា យោធារបស់ថៃបានបើកការវាយប្រហារបង្កហេតុនៅច្រកអានសេះ ស្រុកជាំក្សាន្តខេត្តព្រះវិហារ នៅវេលាម៉ោងជិត១២ថ្ងៃត្រង់ ថ្ងៃទី២៧ខែកញ្ញានេះ ដែលបង្កឲ្យមានក្តីបារម្ភអំពីភាពផុយស្រួយនៃការរំលោភបទឈប់បាញ់ពីភាគីថៃ។
សារព័ត៌មានបានស្រង់សម្តី រដ្ឋមន្ត្រីការបរទេសម៉ាឡេស៊ី លោក Mohamad Hasan ដែលបាននិយាយថា ក្នុងនាមជាប្រធានអាស៊ាន ម៉ាឡេស៊ីទន្ទឹងរង់ចាំការផ្លាស់ប្តូរដែលកំពុងត្រូវបានសម្រេច ដើម្បីពង្រឹងបន្ថែមនូវតួនាទីរបស់ AOT នៅតាមបណ្តោយព្រំដែននៃប្រទេសទាំងពីរ។
លោករដ្ឋមន្ត្រី ត្រូវបានស្រង់សម្តី ដូចបាននិយាយថា៖«យើងសូមថ្លែងអំណរគុណយ៉ាងជ្រាលជ្រៅ ដែលប្រទេសទាំងពីរបានបន្តគោរពកិច្ចព្រមព្រៀងដែលបានចុះហត្ថលេខានៅ Putrajaya កាលពីខែកក្កដាឆ្នាំមុន ហើយយើងចង់ឱ្យវាបញ្ចប់»។
លោក Mohamad បាននិយាយបែបនេះនៅក្នុងសន្និសីទសារព័ត៌មាននៅបេសកកម្មអចិន្ត្រៃយ៍របស់ម៉ាឡេស៊ីប្រចាំអង្គការសហប្រជាជាតិ (UN) បន្ទាប់ពីកិច្ចប្រជុំបួនភាគីរវាងសហរដ្ឋអាមេរិក ម៉ាឡេស៊ី កម្ពុជា និងថៃ ដែលបានធ្វើឡើងនៅខាងក្រៅមហាសន្និបាតអង្គការសហប្រជាជាតិ។
លោក ត្រូវបានស្រង់សម្តី ដូចបាននិយាយថា៖«បន្ទាប់មក វានឹងត្រូវឱ្យប្រទេសទាំងពីរចរចាគ្នារកដំណោះស្រាយបញ្ហាព្រំដែនរបស់ខ្លួនព្រោះបញ្ហាទាំងនោះជារឿងទ្វេភាគី។ ម៉ាឡេស៊ីប្រកាន់គោលការណ៍មិនជ្រៀតជ្រែកចូលកិច្ចការផ្ទៃក្នុងរបស់ប្រទេសផ្សេងទៀតស្របតាមធម្មនុញ្ញអាស៊ាន»។
កិច្ចប្រជុំចតុភាគីនៅសហរដ្ឋអាមេរិក ដឹកនាំដោយអនុរដ្ឋមន្ត្រីការបរទេសអាមេរិក លោក Christopher Landau មានការចូលរួមពីរដ្ឋមន្ត្រីការបរទេសថៃ លោក Sihasak Phuangketkeow និងឧបនាយករដ្ឋមន្ត្រី និងជារដ្ឋមន្ត្រីការបរទេសកម្ពុជា ឯកឧត្តម ប្រាក់ សុខុន ដោយមានរដ្ឋមន្ត្រីការបរទេសម៉ាឡេស៊ី លោក Mohamad Hasan ក្នុងតួនាទីជាអ្នកសម្របសម្រួល។
ជម្លោះផ្ទុះអាវុធរវាងថៃនិងកម្ពុជាដែលបានកើនឡើងកាលពីថ្ងៃទី២៤ខែកក្កដាបានបញ្ចប់នៅថ្ងៃទី ២៨ ខែកក្កដា បន្ទាប់ពីកម្ពុជា និងថៃបានឈានដល់កិច្ចព្រមព្រៀងនៅក្នុងកិច្ចប្រជុំពិសេសមួយដែលរៀបចំដោយប្រទេសម៉ាឡេស៊ីនៅទីក្រុង Putrajaya ក្រោមការដាក់សម្ពាធពីប្រធានាធិបតីសហរដ្ឋអាមេរិក លោក ដូណាល់ ត្រាំ និងមានការចូលរួមអង្កេតការណ៍យ៉ាងសកម្មពីមហាអំណាចចិន៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ