ព័ត៌មានជាតិ
ក្រសួងអប់រំ នឹងសាកល្បងអនុវត្តគន្លងអប់រំថ្មីនៅតាមវិទ្យាល័យគោលដៅមួយចំនួន នៅឆ្នាំក្រោយ
ក្រសួងអប់រំ យុវជន និងកីឡា នឹងសាកល្បងអនុវត្តគន្លងអប់រំថ្មី ចាប់ពីថ្នាក់ទី ១០ នៅតាមវិទ្យាល័យគោលដៅមួយចំនួន នៅឆ្នាំ ២០២៥-២០២៦ ខាងមុខនេះ។
ថ្លែងក្នុងកិច្ចប្រជុំស្ដីពី ការត្រៀមបើកបវេសនកាលឆ្នាំសិក្សា ២០២៥-២០២៦ កាលពីថ្ងៃទី ៣ តុលា លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានឱ្យដឹងថា សម្រាប់ឆ្នាំសិក្សា ២០២៥-២០២៦ ខាងមុខនេះ ក្រសួងអប់រំ យុវជន និងកីឡា នឹងចាប់ផ្តើមអនុវត្តកម្មវិធីអប់រំតម្រង់ទិសការសិក្សា ដល់សិស្សានុសិស្សចាប់ពីថ្នាក់ទី ៧ ដល់ថ្នាក់ទី ៩ នៅអនុវិទ្យាល័យ និងវិទ្យាល័យនានា។
លោកឧបនាយករដ្ឋមន្ត្រី បានបន្តថា ជាមួយគ្នានេះដែរ ក្រសួង នឹងសាកល្បងអនុវត្តគន្លងអប់រំថ្មីរួមមាន គន្លងវិទ្យាសាស្ត្រ វិទ្យាសាស្ត្រសង្គម និងគន្លងវិជ្ជាជីវៈ ចាប់ពីថ្នាក់ទី ១០ នៅតាមវិទ្យាល័យគោលដៅមួយចំនួនផងដែរ ស្របតបតាមអនុសាសន៍ដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។
លោកឧកញ៉ាបណ្ឌិត ប៉ិច បូឡែន សហគ្រិនវ័យក្មេង និងជាអ្នកជំនាញផ្នែកអប់រំ បានគាំទ្រចំពោះក្រសួងអប់រំ យុវជន និងកីឡា ដែលអនុវត្តគន្លងអប់រំថ្មីនេះ ព្រោះអាចជួយឱ្យសិស្សអាចជ្រើសរើសការសិក្សាទៅតាមចំណង់ចំណូលចិត្តរបស់ពួកគេ។
លោកឧកញ៉ាបណ្ឌិត ប៉ិច បូឡែន បានបន្តទៀតថា «យើងត្រូវត្រៀមលក្ខណៈដើរតាមគន្លងវិជ្ជាជីវៈថ្មីរបស់រាជរដ្ឋាភិបាលមានគន្លងវិទ្យាសាស្ត្រ វិទ្យាសាស្ត្រសង្គម និងគន្លងវិជ្ជាជីវៈ ដែលត្រូវមើលថាសិស្សថ្នាក់ទី ៧ ទី ៨ និងទី ៩ ដើម្បីកំណត់ទេពកោសល្យ និងចំណេះដឹងឱ្យច្បាស់ អាចនឹងមានការបំបែកកម្រិតថ្នាក់ជា ៣ នៅថ្នាក់ទី ១០ ដែលមានថ្នាក់វិទ្យាសាស្ត្រពិត វិទ្យាសាស្ត្រសង្គម និងគន្លងវិជ្ជាជីវៈដែលក្រសួងអប់រំ និងក្រសួងការងារ បូកបញ្ចូលគ្នាហើយ។ ប្រសិនបើសិស្សណាម្នាក់គាត់ពិបាកទន្ទេញមេរៀន ឬលេខពិបាកចាំ តែគាត់ពូកែធ្វើ អីចឹងនឹងត្រូវឱ្យគាត់សិក្សាលើកម្រិតវិទ្យាល័យបណ្តុះបណ្តាលបច្ចេកទេសក្នុងកម្រិតណាមួយ»។
ទន្ទឹមនឹងនេះ ឧកញ៉ាបណ្ឌិត ប៉ិច បូឡែន បានបន្តថា អ្វីដែលយើងចង់បានក្នុងការបណ្តុះបណ្តាលកុមារពីអាយុ ២ ឆ្នាំ ដល់ ១៨ ឆ្នាំ គឺនៅថ្នាក់មត្តេយ្យសិក្សាលោកគ្រូអ្នកគ្រូត្រូវផ្តោតលើសុខភាព និងសុវត្ថិភាព ធ្វើយ៉ាងណាឱ្យសាលាមានបរិយាកាសល្អស្អាត ដើម្បីឱ្យកុមារស្រលាញ់សាលារៀន និងចូលចិត្តមករៀន។ នៅកម្រិតបឋមសិក្សា ត្រូវអប់រំសិស្សអំពីអត្តចរិត ចេះលេខ ចេះអាន និងអក្សរសាស្ត្រ និងគោរពវិន័យ។ ព្រោះថាប្រសិនបើនៅថ្នាក់បឋមយើងមិនបានអប់រំសិស្សបានល្អទេ វានឹងពិបាកក្នុងការបណ្តុះបណ្តាល និងតម្រង់ទិសវិជ្ជាជីវៈដល់សិស្សទៅថ្ងៃមុខ។
ក្រៅពីនេះ លោកឧកញ៉ាបណ្ឌិត ប៉ិច បូឡែន បន្ថែមថា ដើម្បីបណ្តុះបណ្តាលសិស្សក្លាយជាធនធានមនុស្សដ៏សំខាន់ យើងមានកម្មវិធីសិក្សាជាភាសាខ្មែរ អង់គ្លេស និងចិន និងបូកបន្ថែមនូវកម្មវិធីសិក្សាអមមួយចំនួនដូចជា កម្មវិធីសិក្សាទម្លាប់ល្អទាំង ៧ របស់បុគ្គលឆ្នើម ដែលផ្តោតទៅលើផ្នត់គំនិត អត្តចរិត បំណិនសតវត្សទី ២១ , កម្មវិធីចំណេះដឹងផ្នែកហិរញ្ញវត្ថុ ដែលនឹងជួយសិស្សឱ្យមានសមត្ថភាពក្នុងការចេះគ្រប់គ្រងហិរញ្ញវត្ថុ ចេះធ្វើការវិនិយោគ, ចំណេះដឹងឌីជីថល ដែលសិស្សចាំបាច់ត្រូវតែមាននៅក្នុងយុគសម័យបច្ចេកវិទ្យានេះ៕
អត្ថបទ ៖ សំអឿន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ