ឱកាសក្លាយជាភ្នាក់ងារចែកចាយរបស់ក្រុមហ៊ុន វឌ្ឍនៈ ប្រ៊ូវើរី

ក្រុមហ៊ុន វឌ្ឍនៈ ប្រ៊ូវើរី​​ មានសេចក្តីសោមនស្សរីករាយក្នុងការស្វែងរកភ្នាក់ងារចែកចាយ ដែលក្រុមហ៊ុន​នឹងផ្តល់​សិទ្ធិ​ក្នុងការចែកចាយផលិតផលតាមតំបន់ ដើម្បីចូលរួមពង្រីក និងឆ្លើយតបតាមតម្រូវការទីផ្សារដែលកំពុងទទួលបានការគាំទ្រយ៉ាងខ្លាំងទូទាំងប្រទេសកម្ពុជា។ ចូលរួមជាមួយក្រុមហ៊ុនដ៏មានសក្តានុពលរបស់យើង និងក្លាយជាភ្នាក់ងារ​ចែកចាយ​សម្រាប់​ម៉ាកយីហោស្រាបៀរ និងភេសជ្ជៈរបស់ ក្រុមហ៊ុន វឌ្ឍនៈ ប្រ៊ូវើរី​ ដោយទាក់ទង​ដើម្បីធ្វើការ​ណាត់ជួប។

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុន​​ជាច្រើន​​វិនិយោគលើវិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ។

គិតមកទល់ថ្ងៃនេះ ក្រុមហ៊ុន វឌ្ឍនៈ ប្រ៊ូវើរី ផលិតបានស្រាបៀរ និងភេសជ្ជៈចំនួន ៥ប្រភេទគឺ ស្រាបៀរវឌ្ឍនៈ, ស្រាបៀរគ្រុឌ, ស្រាបៀរប្រណិតទឹកខ្មៅដ្រាហ្គន, ភេសជ្ជៈប៉ូវកម្លាំងគ្រុឌ និងភេសជ្ជៈប៉ូវកម្លាំងគ្រុឌអាយស៍។ តាមរយៈបទពិសោធន៍ផលិត និងចែកចាយស្រាបៀរ និងភេសជ្ជៈជាច្រើនឆ្នាំក្នុងប្រទេសកម្ពុជារបស់ម្ចាស់ក្រុមហ៊ុន បានធ្វើអោយផលិតផលដែលបានកំពុងចេញលក់ក្នុងទីផ្សារ ទទួលបានការគាំទ្រ និងទទួលស្គាល់ពីអតិថិជន និងស្ថាប័នអន្តរជាតិធំៗ។

តួយ៉ាងស្រាបៀរ វឌ្ឍនៈ និងស្រាបៀរ គ្រុឌ បានទទួលមេដាយមាស ពីស្ថាប័ន MONDE SELECTION ដ៏ល្បីល្បាញសម្រាប់ឆ្នាំ២០២២ នៅទីក្រុងព្រុចសែល ប្រទេសបែលហ្ស៊ិកបន្ទាប់ពីមានវត្តមានក្នុងទីផ្សារត្រឹមរយៈពេល ៦ខែ រីឯស្រាបៀរដ្រាហ្គិន ដែលជាក្រាហ្វបៀរប្រណិតទឹកខ្មៅ ដំបូងបំផុតនៅកម្ពុជាទទួលបានពានរង្វាន់ ២ផ្ទួនគ្នាពីកម្មវិធី WORLD BEER AWARD 2022 សម្រាប់ជ័យ​លាភីមាស (Cambodia Gold Lager Dark) និងជ័យលាភីស្រាបៀរទឹកខ្មៅប្រចាំប្រទេសកម្ពុជា (Cambodia Country Winner Lager Dark) ពីចក្រភពអង់គ្លេសភ្លាមៗក្រោយមានវត្តមានលើទីផ្សារ។  

វឌ្ឍនៈ ប្រ៊ូវើរី  ត្រូវបានទទួលស្គាល់ជាក្រុមហ៊ុន ដែលមានយុទ្ធសាស្រ្តទីផ្សារខ្លាំង ច្បាស់លាស់ និងហ៊ានចំណាយដើម្បីដណ្តើមយកទីផ្សារសម្រាប់ផលិតផលរបស់ខ្លួនដែលក្នុងនោះរួមមាន ការប្រគំតន្រ្តីទូទាំងខេត្តក្រុង ការផ្សព្វផ្សាយតាមទូរទស្សន៍ ផ្ទាំងប៉ាណូគ្រប់ទិសទី ការនាំយកកម្មវិធីអន្តរជាតិធំៗ ការឧបត្ថម្ភកម្មវិធីកីឡាផ្សេងៗ ការនាំយកតារាចម្រៀងលំដាប់អន្តរជាតិ និងការចុះហត្ថលេខាជាមួយសិល្បករល្បីៗដើម្បីផ្សព្វផ្សាយផលិតផលរបស់ក្រុមហ៊ុន​ជាដើម។ សម្រាប់ពត័មានលម្អិត សូមទាក់ទងមក​លេខទូរស័ព្ទ ០៨៨​ ៨៦៦ ៦៩៩០ ឬអ៉ីម៉ែល [email protected]៕