សុបិនអំពីសែក តំណាង​ឲ្យ​ការរីកចម្រើន​ជឿនលឿន​នៃ​ជីវិត

មូលប្បទានប័ត្រ​ក្នុង​ក្តី​សុបិន បង្ហាញពីអារម្មណ៍ជោគជ័យ ទុកជាមុន ដែលសាមីខ្លួននឹងមានឱកាស​ទទួល​បានការ​រីកចម្រើន ឬ​ការទទួលបានលទ្ធផលថ្មីពិតៗស្តែងៗនិងឆាប់ៗនេះ។ នៅពេលយើង ឈានដល់ស្ថានភាពជីវិតមួយ ដែលមានការដាក់កញ្ចក់ប្រាក់នៅមាត់ទ្វារ (រកលុយបានយ៉ាងស្រួល) គឺសាមីខ្លួនច្រើនសុបិនឃើញ គេឲ្យសែក ទទួលសែក ឬលក់របស់របរទទួលបានលុយជាសែក (មូលប្បទានប័ត្រ)។

លើផ្នែកអវិជ្ជមានវិញ ប្រសិនបើមូលប្បទានប័ត្រនោះក្លែងក្លាយ យកទៅបើកមិនបានក្នងសុបិន ជាការឆ្លុះបញ្ចាំងពីអំពើភូតកុហក កេងបន្លំក្នុងមុខរបរ ការងារ កិច្ចព្រមព្រៀងមិនស្មោះត្រង់ ឬវោហាសាស្ត្របោកបញ្ឆោត បញ្ចុះបញ្ចូលដូចអស្ចារ្ស តាម​ពិត​ទទេ​ស្អាត។ មូលប្បទានប័ត្រមិន​ពិត​ក្នុង​សុបិន នឹងអាចឆ្លុះបញ្ចាំងពីការរំពឹងទុកខ្ពស់ ដែលមិនក្លាយជាពិត សម្រាប់អនាគតជាមួយការ​សន្យា​ម៉ឺងម៉ាត់​ដែលយើងខំតែដាក់ចិត្តជឿ ជាការកុហកដែលបោកទំនុកចិត្តយើង ហើយ អាចត្រូវបានលាតត្រដាងឆាប់ៗ។

បើមូលប្បទានប័ត្រនោះមានតម្លៃលុយខ្ពស់ មានលេខប្រាកដប្រជា ហើយ​អារម្មណ៍​យើង​ក្នុង​សុបិន​នោះភ្ញាក់ផ្អើលរីករាយ ក៏នឹងឆ្លុះបញ្ចាំងពីអ្វីជាលាភ លុយកាក់ មាស់ប្រាក់ កបចំណេញ ដែលនឹងកើតឡើងឆាប់ៗក្នុងជីវិត ពិតវិញដែរ។

សុបិន ទទួលបានសំណុំមូលប្បទានប័ត្រ តែគ្មានលេខចំនួន ឬមើលមិនឃើញ មិនចាំច្បាស់ តំណាង​ឲ្យ​ការសន្យាធំ ៗ ដែលក្លាយជាការពិត និង កម្លាំង​គាំទ្រ​ខាង​តេជះ ជោគជតារាសី គ្មាន​ដែន​កំណត់ បែប​នេះបង្ហាញផងដែរថា ដៃគូរកស៊ី មេដឹកនាំនឹងបញ្ចេញការ​គាំទ្រ​អ្នកយ៉ាងម៉ឺងម៉ាត់ ហើយអ្នកកំពុងត្រូវបានគេគិតថា ធ្វើអ្វីៗ​ដែល​ពួកគេ​ចង់​បាន​បាន​និង​ត្រូវ​ការ​បំផុត។ វាក៏អាចឆ្លុះបញ្ចាំងពីសកម្មភាពដ៏គួរ​ឲ្យ​ទុកចិត្ត នៃជំនឿទុកចិត្ត​ដែល​ត្រូវ​បាន​ដាក់​មក​ឲ្យ​យើង មាន​ន័យថា មូលប្បទានប័ត្រ​គ្មានលេខ យើងចង់បានប៉ុន្មាន សរសេរប៉ុណ្ណឹងទៅហើយ អាចធ្វើសកម្មភាពឯករាជ្យ។ ពេលនេះ ម្ចាស់សុបិន មិនបាច់ព្រួយបារម្ភចំពោះអ្វីទាំងអស់ចំពោះរឿងលុយ លើកលែង​តែ​ការ​ធ្វើអ្វី​មួយ​នោះ​ឲ្យ​បានសម្រេច។

បើ​សុបិន​ថាមូលប្បទានប័ត្រត្រូវបាត់បង់​ អាច​ឆ្លុះ​បញ្ចាំង​អំពី​សកម្មភាព​ដែល​មិន​ប្រុងប្រយ័ត្ន ឬ​កំហុស​ធ្វើ​ឲ្យ​នរណាម្នាក់ផ្សេងទៀតរារែក មិន​ចង់បំពេញការសន្យាដែល​ពួកគេ​បាន​ធ្វើ​កន្លងមក​ជាមួយ​យើង៕

គ្រូ​ ឯម

ចុចអាន៖សុបិន​ឃើញហូបស្ករគ្រាប់ នំ ដំណាប់និង​របស់ផ្អែមនានា មានប្រផ្នូលយ៉ាងណា?

ចុចអាន៖អ្នកណាថាឆ្នាំមមែនឹង​ស៊យធំក្នុងឆ្នាំ២០២១? ​អានសិន!