វប្បធម៌ ជំនឿ
អាជ្ញាធរជាតិអប្សរា បញ្ជាក់ ជុំវិញ រូបចម្លាក់អប្សរារបេះធ្លាក់
គេកត់សម្គាល់ថា នាពេលថ្មីៗនេះមានការបន្តចែករំលែកលើបណ្តាញសង្គមហ្វេសប៊ុក ជុំវិញរូបចម្លាក់អប្សរារបេះធ្លាក់តាមប្រាង្គប្រាសាទ ក្នុងន័យមិនល្អ បង្កការចាប់អារម្មណ៍ដល់មហាជន។ ជុំវិញបញ្ហានេះ អ្នកនាំពាក្យ អាជ្ញាធរជាតិអប្សរា បានប្រកាសច្រានចោល ដោយបញ្ជាក់ថា រូបភាពទាំងនោះ ជារូបភាពចាស់។
លោក ឡុង កុសល អគ្គនាយករង និងជាអ្នកនាំពាក្យ អាជ្ញាធរជាតិអប្សរា នៅថ្ងៃទី៥ ខែកក្កដា ឆ្នាំ២០២៣នេះ តាមរយៈទីភ្នាក់ងារសារព័ត៌មានកម្ពុជាថ្មី បានប្រកាសច្រានចោលនូវរូបភាពមួយចំនួនដែលជារូបភាពចាស់ ហើយនៅមានការបន្តចែកចាយខ្លះៗនៅក្នុងបណ្តាញសង្គមហ្វេសប៊ុកនៅឡើយ ក្នុងន័យមិនល្អ សំដៅដល់ការងារគ្រប់គ្រង និងថែរក្សាតំបន់រមណីយដ្ឋានអង្គររបស់ អាជ្ញាធរជាតិអប្សរា ដែលជាសេនាធិការរបស់រាជរដ្ឋាភិបាលកម្ពុជា។
លោក ឡុង កុសល បានបញ្ជាក់ថា៖ “តាមពិតទៅរូបភាពទាំងនោះ គឺបានកើតឡើងតាំងពីទសវត្សរ៍ទី៩០ ឯណោះហើយដែលមិនបានកើតឡើងនៅរមណីយដ្ឋានអង្គរនោះទេ គឺនៅប្រាសាទព្រះខ័នកំពង់ស្វាយ ឯណោះទេ។ បច្ចុប្បន្ននេះ យើងមានអង្គភាពនគរបាលការពារបេតិកភណ្ឌ ដែលគាត់នៅប្រចាំការនៅរមណីយដ្ឋានអង្គរដោយប្រចាំការ ២៤ម៉ោង លើ២៤ម៉ោង នៅទីនេះ ដោយខិតខំថែរក្សាសុវត្ថិភាពទាំងភ្ញៀវទេសចរ និងប្រាង្គប្រាសាទ។ ដូច្នេះការងារនេះគឺយើងខ្ញុំខិតខំការពារណាស់”។
លោក ឡុង កុសល មានប្រសាសន៍បន្ថែមថា ចំពោះបញ្ហាសំណឹកថ្មប្រាសាទ រូបចម្លាក់ តួប្រាសាទ ។ល។ ដោយសារកត្តាអាកាសធាតុ ឬការប៉ះពាល់ផ្សេងៗពីសំណាក់ភ្ញៀវទេសចរ ជារឿងដែលចៀសមិនរួច ប៉ុន្តែក្រុមការងាររបស់ អាជ្ញាធរជាតិអប្សរា បាន និងកំពុងធ្វើការងារថែទាំទដោយយកចិត្តទុកដាក់បំផុត៕
អត្ថបទ៖ ចាន់រ៉ា
-
ព័ត៌មានជាតិ៥ ថ្ងៃ ago
ក្រោយជីកព្រែកហ្វូណនតេជោរួច វៀតណាមនឹងលែងមានឥទ្ធិពលមកលើវិស័យដឹកជញ្ជូនតាមផ្លូវទឹក
-
ព័ត៌មានជាតិ១ សប្តាហ៍ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ព័ត៌មានជាតិ៥ ថ្ងៃ ago
កម្ពុជាប្តេជ្ញារក្សាគម្របព្រៃឈើឲ្យបាន ៦០% នៅត្រឹមឆ្នាំ ២០៥០
-
ព័ត៌មានជាតិ១ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានអន្ដរជាតិ៦ ថ្ងៃ ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៥ ថ្ងៃ ago
នាយករដ្ឋមន្ត្រីស្លូវ៉ាគី កំពុងស៊ូទ្រាំជាមួយសេចក្តីស្លាប់ ក្នុងបន្ទប់សង្គ្រោះបន្ទាន់ ក្រោយការប៉ុនប៉ងធ្វើឃាត
-
ព័ត៌មានអន្ដរជាតិ១ សប្តាហ៍ ago
ហេតុផលនៅពីក្រោយ រុស្ស៊ី បញ្ចប់តំណែងរដ្ឋមន្ត្រីការពារជាតិ
-
ព័ត៌មានជាតិ១ សប្តាហ៍ ago
មន្ទីរកសិកម្មខេត្តកែប ច្រានចោលការចោទប្រកាន់ថា មន្រ្តីកាប់សាច់សត្វប្រើសចែកគ្នាដែលងាប់ក្នុងផ្ទះអ្នកស្រុក