វប្បធម៌ ជំនឿ

អាហារសម្រន់នាំសំណាង ហូបពេលចូលឆ្នាំ ចិន នឹងផ្ដល់សុភមង្គល ចូលមកក្នុងជីវិតពេញលេញ

បានផុស

៤ years មុន

នៅ

ថ្ងៃអង្គារ ១ កុម្ភៈ ២០២២

ដោយ

បុណ្យចូលឆ្នាំចិនកាន់តែកៀកមកដល់ មិនថាចិនកាត់ខ្មែរឬជនជាតិចិនដែលនៅជុំវិញពិភពលោក ប្រាកដជាបានត្រៀមខ្លួនដើម្បីអបអរបុណ្យជាតិមិនខាន។

ក្នុងនោះការហូបអាហារសម្រន់លេងៗជុំគ្រួសារ ក៏ជាជំនឿមួយ ដែលជនជាតិចិននិយមធ្វើ ដើម្បីនាំសុភមង្គល និងហេងចូលហេងពេញមួយឆ្នាំ របស់ពួកគេ។

១. គ្រាប់ធញ្ញជាតិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបរិភោគគ្រាប់ធញ្ញជាតិ គឺជាអាហារសម្រន់ដ៏ពេញនិយមរបស់ប្រជាជនចិន។ គ្រាប់ផ្កាឈូករ័ត្ន តំណាងឲ្យព្រះអាទិត្យនាំមកនូវសិរីសួស្ដី និងពន្លឺសុភមង្គលក្នុងគ្រួសារ។

គ្រាប់ឪឡឹក និងគ្រាប់ល្ពៅ ត្រូវបានគេស្គាល់ថាជា“ ស្ដេចនៃគ្រាប់” ដោយសារតែសាច់និងរសជាតិរបស់វា ភាគច្រើនជនជាតិចិនចូលចិត្តហូប ដោយការខាំទំពាលឺៗ ជាមួយទឹកតែមួយពែង។

២. នំសណ្ដែកដី

នំសណ្ដែកដី មិនត្រឹមតែមានរសជាតិឆ្ងាញ់ តែជនជាតិចិនមានជំនឿថា ការហូបនំប្រភេទនេះ មិនថានំសណ្ដែកដីលាយល្ងខ្មៅទេ សុទ្ធតែតំណាងឲ្យឆ្នាំនៃទ្រព្យសម្បត្តិ និងភាពរុងរឿងនិងថ្ងៃផ្អែមល្ហែម ក្នុងក្រុមគ្រួសារ។

៣. ស្ករគ្រាប់ខ្ញី

ស្ករខ្ញីមានប្រវត្តិតាំងពីសម័យរាជវង្សមីង ហើយក៏ជាប្រភេទអាហារសម្រន់មួយ ដែលនិយមទទួលទាន ដោយសារតែរសជាតិផ្អែម និងបំបាត់រាល់ផ្ដាសាយផងដែរ។ រសជាតិនិងក្លិនរបស់ស្ករ នាំនូវភាពផ្អែមល្ហែមសម្រាប់គ្រួសារ ដែលទើបរៀបអាពាហ៍ពិពាហ៍ថ្មីថ្មោង។

៤. នំរមួល

នំរមួល ជាប្រភេទនំដែលមានគ្រឿងផ្សំច្រើន ហើយលាយស្ករសរុំព័ន្ធជុំវិញនំ។ មិនខុសគ្នាជាមួយអាហារសម្រន់ផ្សេងឡើយ គេតែងមានជំនឿថា អ្នកណាដែលហូបនំនេះ មិនថាហូបក្នុងពេលបុណ្យទាន ឬជួបជុំគ្រួសារឡើយ នោះនឹងទទួលបានពរជ័យ និងសុភមង្គលក្នុងគ្រួសារពេញលេញ។

៥. ផ្លែទន្លាប់ក្រៀម

ទន្លាប់ក្រៀម ជាអាហារសម្រន់ពេញនិយម ចំណែករសជាតិវិញ គឺផ្អែមឆ្ងាញ់លាយជាមួយម្សៅពណ៌សបន្ថែមពីលើ។ ទន្លាប់ក្រៀមតំណាងឲ្យសុខមង្គលក្នុងគ្រួសារ ដែលយកមកទទួលទាន ក្នុងបុណ្យចូលឆ្នាំចិន។ ផ្លែឈើនេះ គឺជាផ្លែដែលធ្លាក់មកពីឋានសួគ៌។

៦. ផ្លែឈើកន្ត្រកឬដាក់ចាន

ផ្លែក្រូច ដោយសារតែពណ៌ដូចមាស ផ្លែឈើនេះ តំណាងឲ្យទ្រព្យសម្បត្តិនិងភាពរុងរឿង។ ផ្លែ ប៉េស គេនិយាយថា វាជាផ្លែរបស់ព្រះ តំណាងឲ្យអាយុវែងនិងសុខភាព។

ចំណែកទំពាំងបាយជូរ តំណាងឲ្យការប្រមូលផលច្រើនជារាល់ឆ្នាំ។ រីឯ ផ្លែទទឹម តំណាងឲ្យក្រុមគ្រួសារដ៏ធំមួយ ដែលជាពរជ័យសម្រាប់ជនជាតិចិនភាគច្រើន ៕

គ្រូ ណុប

ចុចអាន៖ប្រពៃណីជនជាតិ ចិន តែងអបអរឆ្នាំថ្មី ដើម្បីទាញសំណាងល្អ និងលុយកាក់ណែនៗកាបូប

ចុចអាន៖ផ្កា-ផ្លែឈើ នាំសំណាងពេញមួយជីវិត ក្នុងឱកាសចូលឆ្នាំ ចិន ខាងមុខនេះ

ចុចអាន៖ហូបអាហារ និងផ្លែឈើនេះ ក្នុងថ្ងៃចូលឆ្នាំ ដូចនាំលាភសំណាងពេញមួយឆ្នាំ

Related Topics:ប្រពៃណីចិន ចូលឆ្នាំចិន អាហារសម្រន់

ព័ត៌មានអន្ដរជាតិ១៨ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា