វប្បធម៌ ជំនឿ
ហូបអាហារ និងផ្លែឈើនេះ ក្នុងថ្ងៃចូលឆ្នាំ ដូចនាំលាភសំណាងពេញមួយឆ្នាំ
ជនជាតិចិនមានជំនឿណាស់ ទាំងអាហារ ការសែនព្រេន និងទំនៀមទម្លាប់ផ្សេងៗ ដែលមានតាំងពីយូរយារណាស់មកហើយ។ ជាពិសេសក្នុងឱកាសបុណ្យចូលឆ្នាំចិន បើសិនក្រុមគ្រួសារណាបានហូបអាហារនាំសំណាង គ្រួសារនោះនឹងជួបតែរឿងល្អៗ ការរកស៊ីឬលក់ដូរមានម៉ូយមកទិញឥតដាច់មិនខាន។ នេះគេហៅថា សំណាងពេញមួយឆ្នាំ ពីការហូបអាហារនាំសំណាង នាំលាភ នាំជ័យ ផងដែរ។
១ ក្រូច
ក្រូចមានរសជាតិផ្អែមមុត ជាតម្រូវការទាំងការបរិភោគ និងការដាក់សែនក្នុងឱកាសបុណ្យចូលឆ្នាំចិន។ បើមានស្លឹកលើផ្លែនីមួយៗរិតតែល្អ ព្រោះស្លឹកតំណាងឲ្យអាយុវែង។ សូមចងចាំថា កុំដាក់ក្រូចបួនផ្លែ ព្រោះលេខបួន ត្រូវបានផ្សារភ្ជាប់ជាមួយនឹងការស្លាប់។
២ ក្រូចថ្លុង
ក្រូចថ្លុងត្រូវបានគេចាត់ទុកថា ជាផ្លែឈើដែលពេញនិយមសម្រាប់ជនជាតិចិន ពីព្រោះតែពាក្យចិន សម្រាប់ Pomelo គឺជាពាក្យតំណាងឲ្យភាពរុងរឿង និងកេរ្តិ៍ឈ្មោះល្អ ទាំងជីវិត ឬអាជីពការងារ។
៣ សាច់មាន់
សត្វស្លាបមួយនេះ ជាអាហារដែលគេនិយមបម្រើជាប្រពៃណី សម្រាប់ពិធីបុណ្យចូលឆ្នាំចិន ជាពិសេសក្បាលនិងជើងតំណាងឲ្យសាមគ្គីភាព និងអាពាហ៍ពិពាហ៍យូរអង្វែងនៅក្នុងក្រុមគ្រួសារ។
៤ គាវចំហុយ
គាវចំហុយ ជាអាហារដែលជនជាតិចិនមានជំនឿថា នឹងនាំមកនូវទ្រព្យសម្បត្តិនិងវិបុលភាព។ គាវជាអាហារប្រពៃណីតាំងជំនាន់រាជវង្សមីង ដែលគេមានជំនឿថា ហូបកាន់តែច្រើនកាលណា លាភជ័យនៃជ័យជម្នះ កាន់តែច្រើនកាល់ហ្នឹង!
៥ ត្រីចំហុយទឹកស៊ីអ៊ីវ
ត្រីបើចំហុយទាំងមូលមានន័យថា នាំមកនូវភាពសំបូររុងរឿង សុភមង្គល ចាប់តាំងពីដើមឆ្នាំរហូតដល់ចុងឆ្នាំ។ ពាក្យថាត្រីនៅក្នុងភាសាចិន គឺជាពាក្យដែលនាំតែរឿងល្អៗ ចូលមកសម្រាប់អ្នកណាបានទទួលទាន អាហារមួយមុខនេះ។
៦ មីអាយុវែង
មីអាយុវែង ជាមីមួយប្រភេទ ដែលជាតិចិនមិនអាចអត់បានក្នុងពិធីធំៗ។ មីអាយុវែង ជានិមិត្តរូបសម្រាប់អ្នកណាដែលទទួលទាន នឹងកាន់តែអាយុវែងដូចសរសៃមី រួមទាំងផ្ដល់នូវសុខភាពល្អថែមទៀតផង (ដោយសារតែអាហារមុខនេះ មានបន្លែច្រើន រួមទាំងគ្រឿងផ្សំល្អៗ) ។
៧ បង្គាលីងប្រៃ
បង្គាលីងប្រៃ តំណាងឲ្យភាពរស់រវើក ក៏ដូចជាសេចក្ដីសុខ និងសំណាងល្អក្នុងឆ្នាំទៅមុខ។ ពេលមានពិធីបុណ្យជាតិ ជនជាតិចិន តែងធ្វើអាហារមួយមុខនេះជាពិសេស ហើយគ្រឿងផ្សំ គឺជាម្រេចរោយពីលើ ប្រៀបដូចបន្ថែមសុភមង្គលដល់ជីវិតគ្រប់គ្នា។
៨ ថាសអាហារសម្រន់
ជាធម្មតា ថាសមានមូលឬរាងពងក្រពើ ឬចានរាងសំប៉ែត ដែលចែកចេញជាផ្នែកនៃប្រអប់ អាចដាក់គ្រាប់ធញ្ញជាតិដូចជាត្រណាប់ដូង ស្ករគ្រាប់ គ្រាប់ឪឡឹកក្រហម គ្រាប់ឈូក ដែលតំណាងឲ្យសុភមង្គល ការមានកូនចៅវង្សត្រកូលល្អៗ និងសម្រាប់អាយុវែង ដល់សមាជិកគ្រួសារនៃកូនចៅចិននីមួយៗ៕
គ្រូ ណុប
ចុចអាន៖ផ្កា-ផ្លែឈើ នាំសំណាងពេញមួយជីវិត ក្នុងឱកាសចូលឆ្នាំ ចិន ខាងមុខនេះ
ចុចអាន៖បម្រាម និងអប្បិយជំនឿបញ្ចៀសគ្រោះចង្រៃ កូនចៅ ចិន ត្រូវដឹង មុនចូលឆ្នាំប្រពៃណីមកដល់
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ