Connect with us

វប្បធម៌ ជំនឿ

ដំបូលខ្លោងទ្វារខាងកើតប្រាសាទអង្គរវត្ត ត្រូវការជួសជុលសង្គ្រោះបន្ទាន់

បានផុស

នៅ

ក្រុមការងារនៃអាជ្ញាធរជាតិអប្សរា បានធ្វើពិធីសែនព្រេនតាមបែបជំនឿសាសនា ដើម្បីសុំសេចក្តីសុខ ក្នុងការរុះរើថ្មដំបូលខ្លោងទ្វារខាងកើតរបស់ប្រាសាទអង្គរវត្ត ដើម្បីជួសជុលឱ្យមានភាពរឹងមាំឡើងវិញ។ នេះបើតាមការផ្ដល់ព័ត៌មានដោយ អាជ្ញាធរជាតិអប្សរា នៅរសៀល ថ្ងៃទី៣០ ខែមករា ឆ្នាំ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃាម មុនី មន្ត្រីបច្ចេកទេសរបស់នាយកដ្ឋានអភិរក្សប្រាសាទ និងបុរាណវិទ្យា មានប្រសាសន៍ថា ក្រុមការងារចាប់ផ្ដើមរុះរើថ្មដំបូលកណ្ដាលខ្លោងទ្វារខាងកើតនៃប្រាសាទអង្គរវត្ត ដោយសារតែថ្មនៅទិសឦសានបែកជាច្រើនបំណែក និងបាក់ធ្លាក់ដោយអន្លើ។ ដំបូលនេះ គឺជាអ័ក្សខ្វែងនៃដំបូលទាំងមូល ដែលត្រូវទ្រនូវរចនាសម្ពន្ធរបស់ដំបូលទាំងអស់ បើកាលណាធ្លាក់បាក់ គឺមានបញ្ហាមិនអាចឱ្យជួសជុលដំបូលទាំងអស់បានទេ ហើយក៏ អាចធ្វើឱ្យប៉ះពាល់ដល់ជ្រុងឬជញ្ជាំងដទៃទៀតដែលនៅជុំវិញដែរ។

លោក ឃាម មុនី ឱ្យដឹងទៀតថា ដោយសារតែអាយុកាលនៃសំណង់ បានធ្វើឱ្យថ្មមួយចំនួននៅជ្រុងឦសានពុកផុយ និងមានការខូចខាតនូវរចនាសម្ពន្ធរបស់ដំបូល ដោយដុំថ្មខ្លះក្រៀកចេញពីគ្នា និងមានប្រហោង។ ក្នុងលក្ខណៈដូចនេះ គឺរើថ្មដំបូលដូរថ្មថ្មី១ដុំ និងប៉ះថ្មបែកមួយចំនួន រួចរៀបបញ្ចូលពង្រឹងជ្រុងឦសានឡើងវិញ ទើបអាចបើកឱ្យភ្ញៀវឆ្លងកាត់បាន។

ខ្លោងទ្វារខាងកើតរបស់ប្រាសាទអង្គរវត្ត គឺជាច្រកដ៏សំខាន់មួយដែលភ្ញៀវទេសចរតែងតែមកទស្សនាជារៀងរាល់ថ្ងៃ ហើយវាក៏ដំណាងឱ្យច្រកទាំង៤ របស់ប្រាសាទអង្គរវត្តដែរ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៨ នាទី មុន

AFC ហាមអ្នកកាសែតអ៊ីរ៉ាក់ពីការរំខាន់គ្រូបង្វឹកអ៊ីរ៉ាក់ក្រោយធ្លាក់ពី Asian Cup

ព័ត៌មានជាតិ១០ នាទី មុន

អ្នកនាំពាក្យ៖ ករណីមន្ត្រី PM បាញ់កុក អនុវត្តតាមច្បាប់ មិនមែនធ្វើតាមមតិក្នុងបណ្ដាញសង្គមឡើយ

កីឡា៣៩ នាទី មុន

ដឹងតែកក្រើក! ដាក់ខ្សែក្រវាត់ម្នាក់១ តើ ធន់ រិទ្ធី ឬ សៃយុគ ជាអធិរាជអំបោះឆៅ KRUD KUN KHMER: The Battle of Kings?​

ជីវិតកម្សាន្ដ៤០ នាទី មុន

ពេជ្រ ចរណៃ ចង់ឃើញកូនខ្មែររួមគ្នាហាត់គុនល្បុក្កតោឲ្យបានច្រើនដូចគេហាត់តេក្វាន់ដូ

ព័ត៌មានជាតិ៤៣ នាទី មុន

ប្រធានផ្សារអូរឬស្សី ណែនាំអាជីវករ មិនឱ្យលក់តម្លើងថ្លៃទំនិញផ្សេងៗ ទាក់ទងនឹងគ្រឿងសែនបុណ្យចូលឆ្នាំចិន ខាងមុខ

Sokha Hotels

ព័ត៌មានពេញនិយម