សេដ្ឋកិច្ច
កម្ពុជាដាក់ទិសដៅ ដឹកអ្នកដំណើរតាមផ្លូវអាកាស ឱ្យបាន ៨ លាននាក់ឆ្នាំនេះ
រដ្ឋលេខាធិការដ្ឋានអាកាសចរណ៍ស៊ីវិលកម្ពុជា ជំរុញការអនុវត្តគោលនយោបាយជាតិ ២០២៥-២០៣៥ ដើម្បីដឹកអ្នកដំណើរតាមផ្លូវអាកាសឱ្យបាន ៨ លាននាក់ និងទំនិញចំនួន ១១២ ពាន់តោន នៅឆ្នាំ ២០២៦ ដោយសារមានតម្រូវការពាណិជ្ជកម្ម ទេសចរណ៍។
លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិលនៅថ្ងៃទី ១៩ ឧសភា នេះបានដាក់ចេញនូវយុទ្ធសាស្ត្រចំនួន ៦ ដែលមានទិសដៅការងារអាទិភាពមួយចំនួន ដើម្បីអនុវត្តនៅឆ្នាំ ២០២៦។ បន្ទាប់ពីច្បាប់ឆ្នាំ ២០២៦ ដាក់ឱ្យប្រើប្រាស់នឹងផ្ដល់អំណាចសម្រាប់ជំរុញវិស័យអាកាសចរណ៍កម្ពុជាឱ្យងើបឡើងវិញ ក្លាយជាសរសរស្ដម្ភសេដ្ឋកិច្ច និងប្រភពការងារ ដែលជំរុញឱ្យមានការកែទម្រង់។
លោកបានថ្លែងបន្ថែមថា ឆ្នាំ ២០២៥ គឺជាឆ្នាំដែលជោគជ័យ លើការកែទម្រង់ច្បាប់ និងការពង្រឹងសុវត្ថិភាពក្នុងវិស័យអាកាសចរណ៍ស៊ីវិល ហើយក៏ជាកាតាលីករមួយ អាចជំរុញ និងផ្លាស់ប្ដូរ មុខមាត់វិស័យអាកាសចរណ៍កម្ពុជាឱ្យកាន់តែរីកចម្រើន។
ទោះជាយ៉ាងណា កម្ពុជានៅមានបញ្ហាប្រឈម ដោយចំនួនអ្នកដំណើរមិនទាន់វិលត្រឡប់មកស្ថានភាពមុនកូវីដនៅឡើយ ខណៈបញ្ហាភូមិសាស្ត្រនយោបាយ សង្គ្រាមនៅអ៊ុយក្រែន និងមជ្ឈិមបូព៌ា បង្កផលប៉ះពាល់ដល់ស្ថិរភាពដឹកជញ្ជូនសាកល និងបញ្ហានៅតាមព្រំដែនកម្ពុជា-ថៃ។
លោកបានលើកឡើងថា៖ «ដើម្បីធានានិរន្តរភាពនៃការអនុវត្តការងារបន្ទាប់ អាកាសចរណ៍ស៊ីវិលជំរុញការអនុវត្តគោលនយោបាយជាតិ ២០២៥-២០៣៥ ដើម្បីសម្រេចឱ្យបានអ្នកដំណើរ ៨ លាននាក់ និងទំនិញ ១១២ ពាន់តោន ក្នុងឆ្នាំ ២០២៦ និងអាចឱ្យវិលត្រឡប់ទៅរកស្ថានភាពមុនកូវីដ១៩ នៅឆ្នាំបន្ទាប់»។
បើតាមលោក ម៉ៅ ហាវណ្ណាល់ ទិសដៅឆ្នាំ ២០២៦ នឹងក្លាយជា «របត់ថ្មីនៃទំនើបកម្មឌីជីថល និងការពង្រឹងច្បាប់» តាមរយៈការបើកចំហកិច្ចសហការកាន់តែជិតស្និទ្ធ ជាមួយវិស័យឯកជន ដើម្បីឈានទៅសម្រេចបាននូវការតភ្ជាប់ និងភាពប្រកួតប្រជែងកម្រិតអន្តរជាតិ។
យោងតាមអាកាសចរណ៍ស៊ីវិល គិតចាប់ពីខែមករា ដល់ខែមេសា ២០២៦ អ្នកដំណើរជាង ២,៤ លាននាក់ ចេញ-ចូលតាមផ្លូវអាកាសកម្ពុជា ធ្លាក់ចុះ៤% ធៀបនឹងរយៈពេលដូចគ្នា កាលពីឆ្នាំមុន ខណៈជើងហោះហើរមានចំនួនជាង ២ ម៉ឺនជើង (២៣ ២០៤) កើនឡើង ២% និងទំនិញចេញ-ចូលចំនួនជាង ៣០ ពាន់តោន កើនឡើង ៣៦%។
នៅក្នុងឆ្នាំ ២០២៥ កម្ពុជាទទួលបានជើងហោះហើរចេញ-ចូល (ទ្វេទិស) ចំនួន ៦៤ ៨២១ ជើង កើនឡើង ១១%, អ្នកដំណើរចេញ-ចូល (ទ្វេទិស) ចំនួនជិត ៧ លាននាក់ (៦៩៨៨២៥៩) កើនឡើង ១២% និងទំនិញតាមផ្លូវអាកាសមានចំនួន ៩៣ ៨៨៩ តោន កើន ២១% ប្រៀបធៀបនឹងឆ្នាំ ២០២៤៕
អត្ថបទ៖ ឡេង ដេត
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ