Connect with us

សេដ្ឋកិច្ច

ឆ្នាំ ២០២១ ខេត្តបន្ទាយមានជ័យ នាំចេញដំឡូងមីទៅក្រៅប្រទេសទទួលបានទឹកប្រាក់ជាង ៣១ លានដុល្លារ

បានផុស

នៅ

​ក្នុង​ឆ្នាំ ​២០២១ ​កន្លងទៅនេះ​ ខេត្តបន្ទាយមានជ័យ​ បាន​នាំចេញ​កសិផល​ផ្សេងៗ​តាមរយៈ​ការផ្តល់​វិញ្ញាបនបត្រ​បញ្ជាក់​ប្រភពដើម​ទំនិញ​សម្រាប់​នាំចេញ​មាន​ចំនួន​ជាង​ ១,៥០០ ​ច្បាប់​(១.៥០៦​ច្បាប់​)​ស្មើនឹង​ជាង​ ៣៧ ​ម៉ឺន​តោន​ គិត​ជា​ទឹកប្រាក់​ជាង ​៣៥ ​លាន​ដុល្លារ​អាមេរិក ។ ក្នុងនោះ​ដំឡូង​មី​មាន​ចំនួន​ច្រើនជាងគេ ​មាន​រហូត​ជាង​ ៣៦ ​ម៉ឺន តោន​គិត​ជា​ទឹកប្រាក់​ជាង​ ៣១ ​លាន​ដុល្លារ​អាមេរិក​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោក ខេង ស៊ុម ប្រធាន​ក្រុមប្រឹក្សា​ខេត្តបន្ទាយមានជ័យ ​បានលើកឡើង​ក្នុង​សន្និសីទ​សារព័ត៌មាន​ស្ដីពី​វឌ្ឍនភាព​មូលដ្ឋាន ឃុំ សង្កាត់ និង ទិសដៅ​ការងារ​បន្ត​របស់​រដ្ឋ បាល​ខេត្តបន្ទាយមានជ័យ នៅ​ទីស្ដីការគណៈរដ្ឋមន្ត្រី កាលពី​ព្រឹក​ថ្ងៃទី​ ០៨ ខែកុម្ភៈ ឆ្នាំ​ ២០២២​ នេះ​។​

​លោក​ប្រធាន​ក្រុមប្រឹក្សាភិបាល​ខេត្ត​បាន​បញ្ជាក់ថា ​ក្នុងចំណោម​ទឹកប្រាក់​ជាង​ ៣៥ ​លាន​ដុល្លារ​ដែល​បាន​នាំចេញ​នោះ​ ក្នុងនោះ​ដំឡូង​មី​មាន​ចំនួន​ច្រើនជាងគេ​ ដោយមាន​ជាង​ ៣៦៣,៥០០ ​តោន គិត​ជា​ទឹកប្រាក់​ជាង​ ៣១,០៧៥,៨៥០ ដុល្លារ​អាមេរិក។ ក្រៅពីនោះ​មាន​ស្វាយចន្ទី​មាន​ចំនួន ៥.៥០៨​ តោន​គិត​ជា​ទឹកប្រាក់​ស្មើ​ ៤,៥០៦, ៨០០ ដុល្លារ​អាមេរិក​, ម្ទេស​មាន​ចំនួន​ ១.៧៤០​ តោន គិត​ជា​ទឹកប្រាក់​ចំនួន ១៧៤.០០០ ដុល្លារ​អាមេរិក​) និង​ផលិតផល​កសិកម្ម​មួយចំនួនទៀត​ដែល​កសិករ​ផលិត​បាន​។​

​លោក ខេង ស៊ុម បាន​បញ្ជាក់ដែរថា​ ឆ្នាំ​ ២០២១ ការនាំចេញ​ស្រូវ​អង្ករ​ខេត្តបន្ទាយមានជ័យ ​គឺ​មិនមាន​នោះទេ ​ក្នុង​គោលបំណង​រក្សាបាន​នូវ​ការធ្វើ​ពាណិជ្ជកម្ម​ដោយ​សមធម៌ ​និង​អនុលោមភាព​ជាមួយនឹង​វិធាន​ប្រភពដើម​ទំនិញ​ រដ្ឋបាលខេត្ត​បានផ្តល់​ជូន​នូវ​ការអនុញ្ញាត​ឲ្យ​នាំចូល​អង្ករ​តាម​ព្រំដែន​មាន ​៦៣២.៥២​ តោន​គិត​ជា​ទឹកប្រាក់​ចំនួន ២១០.៨៤០​ ដុល្លារ​អាមេរិក ។​

​លោក​បាន​បញ្ជាក់ទៀតថា​ ការងារ​បង្កបង្កើនផល​ឆ្នាំ​ ២០២១ ស្រូវវស្សា​អនុវត្ដ​បាន​លើ​ផ្ទៃដី​សរុប ២៦៤,៩០៥ ហ​.​ត លើ​ផែនការ ២៥២.៣២០ ហ​.​ត ស្មើនឹង ១០៤.៩៩ % ហើយ​ផ្ទៃដី​ប្រមូល​ផល​មាន​ចំនួន ​២៣៥,៦៥២ ហ​.​ត ដោយ​បរិមាណ​ផល​សរុប ៧៩៧,២៥៧ តោន​។ ចំពោះ​ស្រូវ​រដូវប្រាំង​វិញ​បាន​អនុវត្ត​លើ​ផែនការ ២២,០០០ ហ​.​ត ដោយ​អនុវត្ដ​បាន​៥០,៥១១ ហ​.​ត ស្មើនឹង​២២៩,៦០% ,​ចំពោះ​ផ្ទៃដី​ប្រមូល​ផល​មាន​៤៧,៥១១ ហ​.​ត ដែល​ផ្តល់​បរិមាណ​ផល​សរុប ២១០,៤២៨ តោន​។​ដំណាំ ឧស្សាហកម្ម​និង​ដំណាំ​បន្លែ​អនុវត្តបាន​ ១៣៦.៣៩៨ ហ​.​ត ក្នុងនោះ​មានដូចជា ដំឡូង​មី​, ពោតក្រហម និង​ដំណាំ​រួមផ្សំ​និង​បន្លែ​ជាដើម​។​

​សូម​ជម្រាបជូន​ថា មុខរបរ​សំខាន់​របស់​ប្រជាពលរដ្ឋ​ខេត្តបន្ទាយមានជ័យ ៨៥%​ ជា​កសិករ ១០%​ ជា​អាជីវករ ពាណិជ្ជករ និង​៥% ប្រកបរ​មុខរបរ​ផ្សេងៗ​៕

អត្ថបទ៖​ ណា​រី​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៩ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៩ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១០ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១០ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម